Trajneri i Portugalisë, Luis Felipe Skolari, u shpreh i kënaqur për fitoren e skuadrës së tij me rezultatin 1-0 ndaj Angolës. Ai deklaroi se tri pikët e fituara ndihmojnë në moralin e futbollistëve dhe për më tepër deklaroi se ishte i kënaqur me lojën e futbollistëve të tij. Taktika e Skolarit me pesë mesfushorë dhe me vetëm sulmuesin Pauleta në sulm u duk e suksesshme, pasi sulmuesi shënoi gol vetëm pas katër minutash, duke e çuar në 47 numrin e golave, gjatë 83 ndeshjeve me kombëtaren. Portugalia ka shënuar plot 35 gola gjatë fazës kualifikuese për në botëror, edhe pse kishte një grup të vështirë, ndërkohë që ka humbur vetëm një nga 20 ndeshjet e zhvilluara, që kur humbi në finalen e kampionatit europian 2004, ndaj Greqisë.

Për sa i përket fazës në grupe, Portugalia duket se nuk do ta ketë shumë të vështirë, kur dy ndeshjet e tjera do t'i ketë kundër Iranit dhe Meksikës. Gjithsesi, për ta është rezervuar një përballje e vështirë në raundin e dytë, ku kundërshtari mund të jetë Holanda ose Argjentina. Kapiteni Luis Figo dhe Kristiano Ronaldo treguan një formë të shkëlqyer në ndeshjen kundër Angolës, duke qenë ndihmës të shkëlqyer për sulmuesin Pauleta. Gjithsesi, duhet pranuar që mesfushorët e tjerë nuk shkëlqyen shumë dhe Skolari duhet të presë më shumë nga futbollistë si Manike, Deko, Simao dhe Petit. Trajneri brazilian ka arritur të fitojë Kupën e Botës në vitin 2002, kur drejtonte Brazilin, ndërkohë që edhe këtë herë ka synime të larta me skuadrën e tij.

Ali Daei, mungesa e Iranit
Sulmuesi i Iranit, Ali Daei, mund të mungojë për kombëtaren e tij në ndeshjen e radhës së grupit D, kundër Portugalisë, për shkak të një dëmtimi. "Aliu nuk është stërvitur me ne, për shkak të një dëmtimi. Mendoj se do të jetë shumë e vështirë që ai të riaftësohet në kohë për të luajtur," - tha trajneri Ivankoviç. Daei ka dhënë një kontribut të shkëlqyer për kombëtaren e tij, kur ka shënuar më shumë se 100 gola. Edhe pse është 37 vjeç, ai ka treguar se ka një rol të rëndësishëm në kombëtare.

Holanda
Koku: Të fortë në mbrojtje
Mesfushori holandez, Filip Koku, është shprehur shumë i kënaqur me forcën mbrojtëse që tregoi skuadra e tij në fitoren 1-0 ndaj Serbisë dhe se ajo është shumë e nevojshme për të fituar një Kupë Bote. Futbollisti Arjen Roben arriti të shënojë golin e vetëm të ndeshjes në minutën e 17-të dhe u duartrokit shumë për paraqitjen e tij në fushën e lojës. Gjithsesi, Koku mendon se e gjithë paraqitja ishte shumë e mirë. "Ne luajtëm me një futbollist para mbrojtjes dhe kjo u duk shumë e suksesshme. Sa herë që ne kishim topin në dispozicion, njëri prej nesh ishte i lirë. Mendoj se u treguam të fortë në mbrojtje dhe ky repart është shumë i rëndësishëm për të arritur te suksesi i një kompeticioni të rëndësishëm," - tha ai. Pikërisht reparti i mbrojtjes ka qenë edhe pikësynimi i trajnerit Marko van Basten gjatë fazës përgatitore, duke qenë se ka grumbulluar edhe një skuadër pa shumë eksperiencë në Kupën e Botës. Holanda ka kohë që nuk paraqitet mirë në një kompeticion të tillë dhe hera e fundit që ata kanë shkëlqyer, ka ndodhur në vitin 1974, kur arriti finalen e botërorit. Në fakt, synimi i Marko van Bastenit është që të kalojë këtë arritje, e cila është edhe më e madhja për kombëtaren e "tulipanëve".

__________________
The heaven's sound is composed inside your heart, listen to its beat to syncronize your life onto the angel's steps.

Dhe pak dite nga suksesi gjerman
Ich denke das Deutschland würde der Weltmeisterschaft winner sein

__________________
VAE VICTIS

e dini pse franca do triumfon ne kete kampionat???

-Sepse kan me shum pervoj se sa te tjeret-jane me te vjetrit(moshuarit)

Me një top që bënte trajektore të çuditshme, nuk kanë munguar golat e paharrueshëm në këtë Botëror. Në sondazhet e kryera, tifozët kanë qenë thuajse në një mendje për golat më të bukur të "Gjermani 2006", madje duke marrë për bazë edhe disi rëndësinë e tyre. Goli i Maksi Rodrigez në të tetat e finales kundër Meksikës, mbetet më i pëlqyeri. Sfida dukej se nuk kishte të mbaruar pasi koha e rregullt përfundoi në 1-1, por mesfushori argjentinas arrin të realizojë një gjuajtje që edhe në kompjuterat "Play-Station" është e vështirë. Rodrigez merr një top nga Huan Pablo Sorin dhe fluturimthi arrin të gjejë cepin e largët të gardianit meksikan Osvaldo Sançez.

Argjentinasit kalojnë në avantazh 2-1 dhe e shohin veten në çerekfinale. Pavarësisht golit të mrekullueshëm, Botërori për Maksi Rodrigez mbaroi me turp, për një gjuajtje mëse të dhunshme të tij në përfundim të ndeshjes ndaj Gjermanisë. Goli i dytë për nga bukuria i takon sërish një argjentinasi. Është Esteban Kambiaso, që në takimin ndaj Serbi & Mali i Zi realizon golin e tij të parë në një Kupë Bote. U quajt goli tipik i skuadrës, më shumë sesa për realizimin, është marrë për bazë aksioni, që përfshin 24 pasime dhe në fund një finte të Krespos që pason për interistin. Gjithsesi, Kambiaso nuk arriti të ishte deçiziv për skuadrën, pasi ishte ai humbësi i penalltisë deçizive në ndeshjen ndaj Gjermanisë.

Jo vetëm për nga ekzekutimi, por edhe për nga rëndësia, goli i tretë më i bukur mbetet ai i Fabio Grosos në ndeshjen Gjermani-Itali. Pasi kishte marrë me zgjuarsi një penallti ndaj australianëve, Groso fiton faqet e para të shtypit italian dhe atij botëror. Merr një pasim të artë nga Pirlo dhe me një gjuajtje alla-Ronaldinjo, realizon një perlë. Në vend të katërt qëndron një gol afrikan. Sep Blater e konsideroi Bregun e Fildishtë si skuadrën që luante futbollin më të bukur nga vendet afrikane pavarësisht se Drogba me shokë nuk shkuan në fazën e dytë. Por goli i Bakari Kone në ndeshjen ndaj Holandës, është një nga perlat e këtij Botërori.

Pasi e kontrolloi topin jashtë zone sulmuesi i Nisës në Francë shmanget bukur, futet në zonë dhe mposht Van Der Sar. Një tjetër perlë e këtij Botërori ka qenë padyshim edhe goli i Xho Kol në sfidën Angli-Suedi. Gjuajtja fluturimthi dhe saktësia e goditjes, i dhanë atij një vend në podin e nderit. Në këtë renditje nuk mund të mungonte ai, Fenomeni. Goli i shënuar ndaj Ganës ndoshta nuk ishte më i bukuri për të, por bëri që futbollisti të kalonte Gerd Myler në renditjen e golshënuesve të Botërorit.


Ronaldo
Goli i shënuar ndaj Ganës përveçse e futi në historinë e Botërorëve, u kujtoi të gjithëve se dikur ai kishte qenë një Fenomen. Fintet e tij kanë qenë një tmerr në të shkuarën për portierët dhe Kingson ishte nga të fundit që e provoi.

Groso
Ndaj Australisë fitoi një penallti ndërsa në gjysëmfinale eleminoi Italinë. Italianëve u kujtoi me gëzimin e tij Marko Tardelin pas shënimit të golit ndaj Gjermanisë në finalen e vitit '82.

Kambiaso
Goli i tij kundër serbo-mnalazezëve është i dyti më i bukur, por natyrisht ndër më spektakolarët. Kanë qenë 24 pasime radhazi për të ardhur tek gjuajtja e interistit, pas një pasimi me thembër të Krespos.

__________________
The heaven's sound is composed inside your heart, listen to its beat to syncronize your life onto the angel's steps.

Zidani zhbllokon rezultatin, por Materaci barazon ndaj Francës. Vendosin 11 metërshat, ku dështon Trezege dhe Groso dhuron suksesin.

"Axurrët", triumf kampionësh në Berlin
Italia shpallet kampione e botës për të katërtën herë në historinë e futbollit. Pas një ndeshjeje intensive, "axurrët" fitojnë 6 4 pas goditjeve të 11 metërshave. Ndeshja ishte mbyllur me rezultatin 1 1 pas kohës së rregullt dhe asaj shtesë, falë 11 metërshit të Zidanes dhe goditjes me kokë të Materacit, që barazoi rezultatin. Pikërisht "Zizu", autori i një ndeshjeje madhështore, e ka mbyllur karrierën e tij në mënyrën më të shëmtuar, duke dalë nga fusha me karton të kuq për një gjest të pabesueshëm e të shëmtuar, teksa ka goditur me kokë Materacin në gjoks.

Në 11 metërshat vendimtarë ka gabuar Trezege që ka goditur traversën, ndërkohë për italianët goditjen fitimtare e ka ekzekutuar saktë zbulimi i këtij botërori, Fabio Groso.
Mrekullia përsëritet pas 24 vitesh nën qiellin e Berlinit në një mbrëmje emocionuese, ku "axurrët" vuajnë, por në fund të 120 minutave të tmerrshme dhe 11 metërshave gjunjëzon "fantazmën" e Francës. Kapionë, padronë të botës. Marçelo Lipi si Vitorio Poco dhe Enxo Bearxoti. Një faqe e shkruar nga një romancier i çmendur, që në kapitullin e fundit "shpik" finalen më dramatike pas një ndeshjeje plot vuajtje dhe gjithnjë në dyshim. "Gjelat" e Domenekut ulin flamurin e tyre dhe dorëzohen përfundimisht.
Ka qenë një ndeshje emocionuese që në fillim: nga frika te Henrija, te 11 metërshi i dyshimtë ndaj italianëve: sulmuesi francez, pas një përplasjeje me Kanavaron, thuajse humb ndjenjat, por e rimerr veten shpejt dhe pas dy minutash Maluda fiton 11 metërshin për një faull thuajse inekzistent të Materacit. Godet Zidane dhe 1 0 për Francën. Por Italia nuk e humb toruan.

Nga një goditje këndi, Pirloja kroson saktë dhe Materacit kërcen mbi të gjithë duke barazuar me kokë: 1 1 dhe ndeshja rifillon nga e para. Edhe pse Franca ka mbizotëruar më shumë në pjesën e dytë, "axurrët" janë mbrojtur mirë dhe falë Bufonit kanë shmangur disa situata të rrezikshme, duke e çuar ndeshjen në kohë shtesë. Një shtesë që ka paraqitur një skenë të shëmtuar. Po, sepse Zinedin Zidan i ka thënë lamtumirë futrbollit, jo vetëm me golin e shënuar në finalen e Berlinit, por para së gjithash me një karton të kuq të marrë në pjesën e dytë të kohës shtesë. I paarsyeshëm gjesti i fantazistit 34 vjeçar, që nxirret me karton të kuq nga gjyqtari Elizondo pas një goditjeje me kokë në gjoksin e Materacit.

Kryesori argjentinas e nxori kartonin pas sinjalizimit të anësorit. Nuk është hera e parë që Zinedin Zidan ndëshkohet me karton të kuq në karrierën e tij për gjeste të shëmtuara. I ka ndodhur edhe në të shkuarën, si me Juven, ashtu edhe me kombëtaren e tij. Një kombëtare që duhej ta nderonte deri në fund, pa ia humbur bukurinë atij goli të bukur të shënuar ndaj Bufonit parabël, ose "ala" Toti, pa ia humbur bukurinë asaj paraqitjeje të mrekullueshme, duke filluar që nga ndeshja me Spanjën, Brazilin, Portugalinë e deri mbrëmë, pesë minuta para fundit të karrierës së tij. Një pezullim që ka ndikuar jo pak te francezët në goditjen e 11 metërshave, ku të gjithë kanë goditur saktë, përveç Trezegesë. "Vrasësi" i Italisë në finalen e europianit ka dështuar përballë Bufonit, duke goditur traversën. Dhe Groso, pas saktësisë së Pirlos, De Rosit, Materacit e Del Pieros, ka ngritur "axurrët" në qiell pas goditjes së tij në rrjetë. Kampionë bote me meritë, duke lënë pas shpatullave të gjithë historinë e skandalit të përgjimeve.

Itali Francë 1-1 (5-3 p)
Në Berlin
Shënues: Materaci 19' / Zidan 7' (pen)
Italia: (4 4 1 1): Bufon, Zambrota, Materaci, Kanavaro, Groso, Perrota (Iakuinta 61'), Pirlo, Gatuzo, Kamoranezi (Del Piero 86'), Toti (De Rosi 61'), Toni. Trajner: Lipi
Franca (4 2 3 1): Bartez, Sanjol, Turam, Galas, Abidal, Vieira (Diarra 56'), Makelele, Riberi (Trezege 100'), Zidan, Malouda, Henri (Viltord 107').
Trajner: Domenek
Gjyqtar: Horacio Elizondo (Argjentinë).
Kartonë të verdhë: Zambrota, Makelele, Malouda
Karton i kuq: Zidan
Shikues: 69.000

11 metërshat
Pirlo + Viltord +
Materaci + Trezege
De Rosi + Abidal +
Del Piero + Sanjol +
Groso +

Shifrat
1 Goals 1
1 Shots on Target 5
2 Shots off Target 5
5 Corners 7
17 Fouls 24
4 Offsides 2
1 Yellow Cards 3
0 Red Cards 1
75.4 Passing Success 79.5
49.6 Possession 50.4

Imazhe te Ngjitura

italia-kampion-bote-2006.jpg (31.9 KB, 3 vezhgime)

__________________
The heaven's sound is composed inside your heart, listen to its beat to syncronize your life onto the angel's steps.

Campioni del mondo 2006!!!

Imazhe te Ngjitura

	012jm.jpg (20.2 KB, 0 vezhgime)
	24kd.jpg (44.3 KB, 0 vezhgime)
	49mn.jpg (41.9 KB, 0 vezhgime)
	151jg1.jpg (47.7 KB, 0 vezhgime)
	195jp.jpg (28.3 KB, 0 vezhgime)
	212lz.jpg (34.9 KB, 0 vezhgime)
	221cz.jpg (73.8 KB, 0 vezhgime)
	234nf.jpg (61.6 KB, 0 vezhgime)

__________________
"Puoi cambiare il cielo ma non puoi cambiare l'anima"