Mendime te arta per heshtjen

timetraveler · #1 29-04-2008, 19:57

A dini thenie te arta per heshtje? Ja po i ceki disa:

Paaftësia për të heshtur paraqet një nga dështimet më të mëdha të njerëzimit.
Walter Bagehot (1826 – 1877) Ekonomist dhe kritik anglez

Është shumë më fisnike t’i shmangesh situatave të pakëndshme përmes heshtjes sesa t’i tejkalosh ato përmes grindjes.
Francis Beaumont (1584 – 1616); Dramaturg anglez

Heshtja është një nga argumentet më të vështira për t’u përgënjeshtruar.
Josh Billings (1815 – 1885); Humorist dhe ligjërues amerikan

Ekzistojnë momente kur heshtja jehon më fuqishëm se çdo gjë tjetër.
Leroy Brownlow (1914 – 2002); Krijues, publicist dhe shkrimtar amerikan

Heshtja është elementi me anë të të cilit gjërat e mrekullueshme e formësojnë vetveten!
Thomas Carlyle (1795 – 1881); Filozof dhe shkrimtar skocez

Nëse nuk thoni asgjë, atëherë nuk do t’ju lusin ti përsëritni fjalët tuaja edhe njëherë.
Calvin Coolidge (1872 – 1933); Presidenti i tridhjetë i Shteteve të Bashkuara të Amerikës

Nuk është mirë të heshtim nëse jemi të mençur, por nëse nuk jemi aq të mençur, atëherë më mirë është të heshtim.
Charles Caleb Colton (1780 – 1832); Sportist dhe shkrimtar anglez

Heshtja është nëna e së vërtetës.
Benjamin Disraeli (1804 – 1881); Burrështetas dhe kryeministër anglez

Mos e prekni flautin gjersa daullet dëgjohen vërdallë; kur budallenjtë flasin, të mençurit duhet të heshtin.
Johann Gottfried Von Herder (1744 – 1803); Kritik dhe poet gjerma

timetraveler · #2 29-04-2008, 20:03

Fjalët mund të thumbojnë jashtëzakonisht shumë, por vetëm heshtja mund të ta thyejë zemrën.
Phyllis McGinley (1905 – 1978); Poeteshë dhe shkrimtare amerikane

Unë personalisht preferoj: të lexoj, të dëgjoj muzikë dhe të hesht.
Dame Edith Sitwell (1887 – 1964); Poeteshë angleze

Ai kishte sulme të kohëpaskohshme të heshtjes të cilat e bënin bashkëbisedimin me të jashtëzakonisht të këndshëm.
Sydney Smith (1771 – 1845); Shkrimtar dhe klerik anglez

Alternativa Teme
Tregoni Versionin e Pritueshem Dergojeni kete faqe me Email
Vleresojeni kete Teme
Vleresojeni kete Teme: