Mendime te arta mbi Natyren

timetraveler · #1 13-06-2008, 18:04

Unë shkoj në natyrë për të pushuar dhe për t’u shëruar
si dhe për të ardhur në vete.
John Burroughs (1837 – 1921); Natyralist dhe eseist amerikan

Mos harroni që toka ka ëndje të ndjejë këmbët tuaja të zbathura dhe erërat përmallohen të luajnë me flokun tuaj.
Kahlil Gibran (1883 – 1931); Shkrimtar libanez-amerikan

Poezia e tokës nuk vdes kurrë.
John Keats (1795 – 1821); Poet i lëvizjes romantike në Angli

Arti është natyrë e njeriut: Natyra është art i Zotit.
Philip James Bailey (1816 – 1902); Poet britanik

Natyra ofron përjashtime për çdo rregull.
Margaret Fuller (1810 – 1850); Shkrimtare dhe ligjëruese amerikane

Natyra shfrytëzon sa më pak që është e mundur nga çdo gjë.
Johannes Kepler (1571 – 1630); Matematikan dhe astronom gjerman

Shikoni pemët, shikoni zogjtë, shikoni retë, shikoni yjet ... dhe nëse keni sy, do të mund të shihni që e tërë jeta është plot gëzim. Çdo gjë është thjesht plot shend. Pemët janë të lumtura pa pasur ndonjë arsye të madhe: ato nuk do të bëhen kryeministra ose presidentë dhe nuk do të bëhen të pasura dhe nuk do të kenë kurrë ndonjë bilanc të bankës. Shikoni lulet – as ato nuk kanë ndonjë arsye të posaçme. Është thjesht e pabesueshme sa të lumtura janë lulet.
Osho (1931 – 1990); Filozof indian

Për mua, një qilim i stolisur me hala të pishës ose me bar sfungjeror është më i vlefshëm se sa tepihu më i shtrenjtë persian.
Helen Keller (1880 – 1968); Shkrimtare e verbër dhe e shurdhër amerikane; ligjëruese dhe autore e teksteve mbi dashurinë

Sa gjë e çuditshme që natyra nuk troket fare por as nuk bezdis askënd!
Emily Dickinson (1830 – 1886); Poeteshë amerikane

Qielli është pjesë e veprës të cilën natyra e ka krijuar për hir të lumturisë së njeriut.
John Ruskin (1819 – 1900); Kritik dhe teoricien social britanik

Vështroni thellë natyrën dhe më pas do të kuptoni gjithçka më mirë.
Albert Einstein (1879 – 1955); Fizikan amerikan i lindur në Gjermani

Natyra gjithmonë synon të sillet në mënyrën
më të thjeshtë.
Bernoulli (1700 – 1782); Matematikan suedez

Një prekje e natyrës e bën gjithë botën farefis.
William Shakespeare (1564 – 1616); Poet dhe dramaturg anglez

Në natyrë, ne kurrë nuk shohim ndonjë gjë të izoluar, por shohim çdo gjë që ka të bëjë me diçka tjetër që është para ose pranë natyrës, nën ose mbi të.
Johann Wolfgang Von Goethe (1749 – 1832); Poet, dramaturg dhe romancier gjerman

Nëse dëshirojmë të dominojmë mbi natyrën, ne duhet së pari t’i nënshtrohemi asaj.
Francis Bacon (1561 – 1626); Filozof, burrështetas dhe eseist anglez

Alternativa Teme
Tregoni Versionin e Pritueshem Dergojeni kete faqe me Email
Vleresojeni kete Teme
Vleresojeni kete Teme: