Qeveria Prodi u jep shanse 484 mijë të huajve që do aplikojnë për dokumenta. Opozita kundër. Italia përgatit një dekret të ri që do të mundësojë brenda fundit të vitit legalizimin e 484 mijë emigrantëve, mes të cilëve edhe shumë shqiptarë. Sipas agjencisë ANSA, bëhet fjalë për ata emigrantë që muajt e kaluar kanë paraqitur kërkesat për legalizim pranë postave italiane, mbi bazën e dekretit të mëparshëm që i jepte mundësi hyrjeje në Itali 170 mijë emigrantëve.

Këtë nismë të re e bëri të ditur dje ministri për Solidaritetin Social, Paolo Ferrero, gjatë një vizite në një qendër pritjeje për emigrantët në Lampeduza. Masat për legalizimin që do të diskutohen edhe në Bruksel, do të merren sipas normave të reja që do të ndryshojnë ligjin për legalizimin dhe që presin tashmë shqyrtimin nga qeveria. Ministri Ferrero dhe zëvendëssekretarja e Ministrisë së Brendshme, Marcella Lucidi, që vizituan Lampeduzën për të parë nga afër kushtet në të cilat ndodhen emigrantët, flasin për norma të reja që lehtësojnë dhënien e lejeve të qëndrimit, por edhe dëbimeve. "Ky është një dekret që do të lehtësojë rregullat për sigurimin e lejeve të qëndrimit për personat që kanë bërë një kërkesë të tillë në Itali, konfirmojnë zyrtarët. Sipas tyre, do të ndryshojnë dhe kuotat e përcaktuara nga ministri i mëparshëm Roberto Maroni, pasi "ligji Bossi-Finni është i gabuar".

Nga viti 2000 deri në vitin 2004, rreth një milion emigrantë që punojnë në vend kanë marrë lejen e qëndrimit. Të reja do të jenë edhe rregullat për ata që duan të shkojnë në Itali për kërkime universitare apo për të gjetur punë: për këta të fundit leja e qëndrimit mund të jetë njëvjeçare. Ky dekret është në njëfarë mënyrë mbajtja e premtimit të dhënë gjatë fushatës elektorale nga Prodi. Ky i fundit e ka mbrojtur fort tezën e emigrantëve duke kërkuar kushte më të mira dhe dokumenta të rregullta për ta. Legalizimi i tyre dhe sidmos procedurat më të pehta për të përfunduar të gjitha "letrat" ka qënë një proritet i vazhdueshëm i kandidatit të asokohe në ushatë, Prodi.

Por ndërkohë, kundër këtyre masave është shprehur opozita e drejtuar nga ish-kryeministri Silvio Berluskoni. Forca politike qqë ai mbështet ka deklaruar dje se një reformë e tillë mund t'i hapë shumë probleme Italisë në Bashkimin Evropian dhe mund të krijojë shumë pakënaqësi në shtetet kryesore të unionit të madh evropian. Rreziku është gjithnjë i njëjti, krerët e tjerë të kontinentit nuk duan një shbilancim të situatës në lidhje me legalizimin e emigrantëve.

Te dhena:
* 500 mije
Rreth 500 mijë emigrantë shqiptarë ndodhen aktualisht të legalizuar në shtetin fqinj në Itali. Emigrantët shqiptarë zënë numrin më të madh të emigrantë në Itali, nga të gjithë shtetet e tjera, dhe pritet të përfitojnë nga dekreti.
* 484 MIJE
Mbi 484 mijë emigrantë mes tyre dhe shumë shqiptarë, do të përfitojnë nga dekreti që e prezantua dje nga Ministri i Solidaritetit Social, Paolo Ferrere. Këta emigrantë kanë qenë të pranishëm në territorin Italian që përpara datës 17 mars.
* 170 MIJE
Dekreti parashikon që në vitin 2006, në Itali do të hyjnë 170 mijë punëtorë ekstrakomunitarë. Përvec kësaj shifre parashikohet që në shtetin fqinj të hyjnë 20 mijë punëtorë sezonalë.

__________________
The heaven's sound is composed inside your heart, listen to its beat to syncronize your life onto the angel's steps.