Parajsa Shqiptare Forum - Faqe ne Ditar

Indiferencë

Postuar me 27-09-2007 ne 18:57 nga Irisi

S’të përcollëm dot
e na mbete brenda pragut
ka kaluar që aherë një jetë,
veshe ca zakone e terbiete prej plaku
që të të linim të qetë...
E ne të harruam
se u harruam në të tjera
e ti prej pragut u zhvendose në oxhak,
prej oxhakut
na u zhvendose në sofër
e kështu pak nga pak...
E kështu pak nga pak zure rrënjë
me acaret e tua e me erën,
për t’na treguar se dimrat
s’u përcillkan kollaj
po s’ia përplase turirit...

Vazhdoni leximin...

Irisi

I/e Sapoardhur

Postuar ne Blloku kryesor

Komente 0

Larg pasqyrave

Postuar me 27-09-2007 ne 18:56 nga Irisi

Përsosja ime
qe lojë pasqyrash,
performancë dinake e deformimit,
që ma ngriti në njëqind për qind
shifrën e vogël të pretendimit.

Kështu
në duar nepsesh
e vura veten,
pikante e shtatzanore krejt,
që ditën të më hipin në anijen e duhur,
por që anijen ma mbytën në det.

Larg nga pasqyrat ...
larg të them ! ...
Ti pak shpirt që ke mbetur në mua,
ti pak shpirt që ende di të qash,
ti pak shpirt që...

Vazhdoni leximin...

Irisi

I/e Sapoardhur

Postuar ne Blloku kryesor

Komente 0

Stepje

Postuar me 27-09-2007 ne 18:55 nga Irisi

Nuk konvertohem
sa herë frekuentoj
e s'flas me bindje
për gjëra që si njoh mirë,
ngaqë vi prej gjëndjesh të vështira
zë besë vështirë.

E di
jam në rrugë të gabuar
po ti për mua mbylle njërin sy,
s'është i qëllimtë
por zakon i mbetur,
ky chek - point për ty.

Irisi

I/e Sapoardhur

Postuar ne Blloku kryesor

Komente 0

Fund pa fund

Postuar me 27-09-2007 ne 18:54 nga Irisi

Shi imoral preteksesh
për ta zgjatur dhe një orë
dhe një muaj më shumë,
i plusuar ideve të sajuara
që ndjellin gjumë.

Idesh patetike
që ftojnë, që ndezin
që më çudisin e më lënë pa mënd,
kushtu funksionoka i dashur mekanizmi.

Irisi

I/e Sapoardhur

Postuar ne Blloku kryesor

Komente 0

Mpirje

Postuar me 27-09-2007 ne 18:54 nga Irisi

Vij nga tokat e lodhura
ku dielli bën hije,
ku nderi është kaq pervers
sa të rrëzon në gjunjë,
ku bëhet be e rreme në emër të zotit,
ku askushët bëjnë bujë.

Në emër të barazisë na barazuan
për një gjumë më të mirë
më të qetë,
ashtu të barazuar rrëshqitëm
në boshtin e minuseve lehtë - lehtë...

Si ta marr veten...
më kanë kafshuar
në kohë, në nerva,në sy
prej qumshtit utopik e përvëluar
shihni!.......

Vazhdoni leximin...

Irisi

I/e Sapoardhur

Postuar ne Blloku kryesor

Komente 0

Faqja 18 nga 22

« E Para

E Fundit »

Ditare totale	25
Shkrime totale	106
Shkrimet e sotme	0

Arkiva
< > Gusht 2008
Su	Mo	Tu	We	Th	Fr	Sa
27	28	29	30	31	1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31	1	2	3	4	5	6