Sipas studimeve, vendin e parë për lidhjet dhe dashuritë mes të rinjve sot në botë e zë interneti, për të kaluar më pas tek takimet e shpejta

Në takimet e rastësishme apo të programuara është e rëndësishme përshtypja e parë. Po on-line? Kush arrin të zbulojë më shumë për veten, mund të tërheqë më shumë vëmendjen e të tjerëve. Në të vërtetë, on-line është gjithmonë më e lehtë të flasësh për veten. Meqë partnerin nuk e ke përballë, ndihesh më i qetë për të treguar detaje private. Në këtë mënyrë, edhe tjetri detyrohet të bëjë të njëjtën gjë. Madje, për shumë persona të turpshëm që natyra nuk u ka falur bukuri fizike, njohja nëpërmjet internetit është një mënyrë shumë e mirë për të nisur një lidhje të re, sepse lidhja e nisur në kompjuter mund të jetë shumë e fortë dhe e qëndrueshme, sidomos mes personave që kanë vendosur të tregojnë shumë gjëra për veten. Të vendosësh në shumë pak minuta nëse ai ose ajo mund të jetë njeriu i duhur për ty. Takimet nëpërmjet çatit, bisedat në e-mail dhe në fund vendimi për të nisur një lidhje të re, ndryshe nga ajo e prindërve tanë, kjo duket se është tendenca më e re e të rinjve në të gjithë botën.

Mënyra të reja për t‘u njohur dhe për të bërë për vete dikë, që duket se kanë lenë pa mend edhe studiuesit, që prej kohësh po përpiqen të zbulojnë mekanizmat se si funksionon ky sistem i ri. Le ta nisim nga të ashtuquajturat "speed date", takime të shpejta, të organizuara, ku vlerësohen partnerët e mundshëm. Zakonisht, këto lloje takimesh, janë shumë të përhapura mes të rinjve britanikë dhe francezë, ku çdo femër flet me një mashkull për disa minuta, e pastaj të dy vendosin nëse janë të interesuar ose jo për njëri-tjetrin, për të kaluar më pas në një tjetër mini-takim. Në fund, organizatorët vendosin kontaktet mes atyre që janë zgjedhur reciprokisht. Për shumë studiues, ky është një rast i mirë për të studiuar strategjitë bazë për një vlerësim të shpejtë dhe real për partnerin. Robert Kurzban, psikolog i Universitetit të Pensilvanisë, ka analizuar zgjedhje dhe të dhëna (nga karakteristikat fizike, preferencat, edukimet dhe sjelljet e ndryshme) të më shumë se 10000 pjesëmarrësve në mbrëmjet e "takimeve të shpejta".

Por çfarë është ajo që ka më shumë rëndësi në zgjedhjet që bëhen vetëm brenda tri minutave kur jeni ballë për ballë? Të parat ishin karakteristikat fizike. Më të përzgjedhurit dukej se ishin ata që kishin tipare fizike më "tërheqëse". Meshkujt të ishin të gjatë, me shëndet jo të theksuar, simpatikë dhe të rinj, ndërsa për vajzat e rëndësishme ishte që të ishin të shkathëta, me trup të bukur, elegante dhe të reja. Karakteristika të tjera të pjesëmarrësve, si edukata, të ardhurat financiare, dëshira për të pasur fëmijë, kanë pasur pak influencë në zgjedhje.

Tri minuta janë pak për të njohur dikë? Sipas Kurzban, në këtë situatë personat bazohen në përshtypjen e krijuar në sekondat e para. Disa të tjerë, edhe pse deklarojnë se kërkojnë një person me karakteristika determinante, bëjnë zgjedhje të tjera. "Në këto raste, zgjedhja bëhet për një kohë të shkurtër dhe jo ashtu siç deklarojnë çiftet, se janë zgjedhje për një kohë të gjatë", deklaron Kurzban. Në fakt, "goditja" vjen nëse dikush të pëlqen, edhe pse gjithmonë synohet të zgjidhet një person ashtu si e ke ëndërruar dhe me të njëjtat interesa.

Nga studimi del se disa persona kanë një "vlerë tregu", kur e perceptojnë dhe dinë ta vlerësojnë nëse tjetri është i përshtatshëm apo jo. "Kush është zgjedhur më shpesh, është bërë edhe më selektiv, duke u thënë "po" më pak kandidatëve dhe sidomos atyre që në fillim dukeshin më të interesuar. Në të kundërt, ata që ishin më pak tërheqës (për shembull, gratë në mbipeshë), tentojnë të zgjedhin më shumë partnerë", shpjegon Kurzban. Anxhelinë Zholi për shembull, në fakt nuk do të kënaqej me dikë që do të vlente më pak se Bred Pit. "Në praktikë, kjo çon në kombinimin e partnerëve me të njëjtën vlerë". Rajmond Fisman, ekonomist në "Columbia University" në Nju-Jork, ka organizuar mbrëmje me takime të shpejta për të studiuar më në detaje diferencat në zgjedhjet e meshkujve dhe femrave.

U kërkoi pjesëmarrësve të bënin një vetëvlerësim dhe më pas një vlerësim për partnerin, mbi bazën e karakteristikave të tilla si: bukuria, ambicia dhe inteligjenca. Më pas, Fisman studioi lidhjen mes zgjedhjes dhe vlerësimit. "Për sa i përket bukurisë, burra dhe gra, tentonin të zgjidhnin atë që e vlerësonin në nivelin e tyre, ose edhe më lart. Edhe aspekti fizik ka rëndësi, në përgjithësi deklarohet se nuk konsiderohet shumë i rëndësishëm", vazhdon Fisman. "Femrat pastaj duket se i japin më shumë rëndësi inteligjencës. Ndërsa meshkujt tregojnë se i përgjigjen më shumë bukurisë dhe preferojnë femra që nuk janë më shumë ambicioze dhe inteligjente se ata. Për më shumë, për meshkujt numri i vajzave të seleksionuara rritet në përpjesëtim me ato të takuara, ndërsa vajzat bëhen më selektive nëse kandidatët janë shumë". Një tjetër mënyrë takimesh dhe dashurish janë përmes internetit.

Lind pyetja? A mund ta bësh on-line dikë për vete, aq sa ai të vendosë të të takojë? "Nga studimet e bëra ka rezultuar se duke komunikuar nëpërmjet internetit, njerëzit mund të tregojnë më shumë sekrete për veten. Meqë njëri nis të tregojë më shumë për veten edhe tjetri ndihet i detyruar për ta bërë këtë. Tregimet reciproke nga të dyja palët bëjnë që të rritet ndjeshëm intimiteti mes një çifti", shpjegon Andrea Beker, docent i sociologjisë në Universitetin e Ohajos. Efekti që mund t‘i tregosh për veten dikujt që nuk ke afrimitet, quhet ndryshe "i panjohuri në tren", ku shpeshherë gjatë një udhëtimi i tregohen një të huaji informacione private. Në çat, apo mënyrat e tjera të komunikimit, ekziston gjithmonë frika nëse personi me të cilin je duke biseduar po të gënjen. "Në fakt, personat që kanë vendosur t‘i tregojnë më shumë për veten njëri-tjetrit, tentojnë të jenë pozitivë në atë që ata shkruajnë", nënvizon Beker.

Nga ana tjetër, në internet nuk mund të frenohesh nga karakteristika që mund të jenë pengesa në atë që të gjithë e quajmë përshtypja e parë: turp, ankth dhe tension të lartë kur ke përballë dikë me të cilin duhet të përballesh për herë të parë. Pastaj, aty është më e lehtë të gjesh persona me interesa të njëjta. Meshkujt dhe femrat mund të ndihen më të lirë nga shqetësimet sociale (si për shembull: si duket). "Duke u përqendruar në atë që shkruajnë, arrijnë që të shkëmbejnë më shumë informacione mes tyre", nënvizon Beker. Por kur këto takime bëhen ballë për ballë? Një studim në Universitetin e Nju-Jorkut, tregon se si një lidhje e nisur në kompjuter mund të jetë po aq e fortë sa të rezistojë gjatë dhe të jetë më e qëndrueshme, sidomos mes personave që kanë vendosur të tregojnë shumë gjëra për veten. Këto janë edhe rastet më të mira për të krijuar raporte të forta dhe miqësi on-line për të vazhduar më pas me të njëjtin ritëm në jetë. "Sigurisht duhet të shpërthejë një tërheqje fizike", përfundon Beker.

"Nëpërmjet komunikimit elektronik, pa frikë mund të themi se mund të lindin çifte dhe miqësi të shëndetshme. Duke treguar për veten, kjo mund të lejojë të njiheni më mirë, duke verifikuar njëkohësisht nëse jeni të përshtatshëm për njëri-tjetrin".

Imazhe te Ngjitura

love-online.jpg (13.4 KB, 10 vezhgime)

__________________
The heaven's sound is composed inside your heart, listen to its beat to syncronize your life onto the angel's steps.

dashuria on-line eshte e veshtire te lindi sepse nje shikim ose nje gjest mund te bej qe te lindin ndjenja edhe emocione qe vetem nje person fisisht mund te provokoj.

Ndoshta interneti eshte hapi i pare i njohjes, por kjo nuk quhet dashuri. Mendoj se dashurija eshte sh e veshtir, por ajo qe eshte me e veshtir eshte fillimi i saj sepse aty vihen bazat. Dhe nese keto baza fillojn nga nje menyr virtuale, atehere veshtiresija eshte edhe me e madhe.

__________________
La première partie de la vie se passe à desirer la second et la second à regretter la première !

un nuk para besoj ne keto lloj njohje sepse ka vetem genjeshtra.por njoh dike qe ka ne perfunduar te matohen edhe pse jan njoheu nepermjet kompjuteri.mjafton te takoheesh e te vertetosh nqs kjo do funksionoj apo jo?

Harroje kaq down jeni o njerez? Qe gjeni nuse ne interent pffff LOSER

sme duket normale

__________________
Jeta ime je ti,por nuk e di ku je tani...