Kur ish-të dashurit ritakohen... Ç’ndodh?!

Shumë dashuri mund të humbasim në jetë, por çfarë ndodh nëse dikur vendosim të rikthehemi?
Shumë prej nesh mund të mbartin me vete gjatë gjithë jetës imazhin e dikujt që kemi dashur në të kaluarën, por me të cilin/cilën nuk e kemi lidhur përfundimisht jetën tonë. Dhe, ndërsa muajt apo vitet kalojnë, shpesh jemi shqetësuar se çfarë ka ndodhur me këtë person, herë me orë apo ditë të tëra (veçanërisht kur gjërat nuk para na kanë ecur mirë në jetë) e herë pothuaj e harrojmë se ka qenë pjesë e jetës sonë.

Sa të lumtur, të sigurtë, të dashur etj. do ndiheshim sikur të ishim bashkë me të. Ndonjëherë dëshira për t'iu rikthyer një dashurie të vjetër, e cila konsiderohet si e vetmja dashuri e vërtetë, mund të shkaktojë edhe vuajtje psikologjike.
Pse iu kthehemi dashurive të vjetra?


Jo të gjithë njerëzit mund t'i ringjallin apo janë të gatshëm të ripërjetojnë dashuritë e vjetra. Personat që mund ta bëjnë këtë janë optimistë dhe aktivë në jetën e tyre, i pëlqen të rrezikojnë, janë romantikë në thelb si dhe nuk i tremben rrugës aventuroze, por dhe të vështirë të dashurisë. Një telefon, një mesazh, një takim i rastësishëm, një letër apo email, të gjitha mund të jenë një shtysë për t'iu kthyer dashurisë së vjetër. Por kushti kryesor që dashuria të rifitohet është të dëshirohet nga të dy partnerët.
Rikthimi në dashurinë e vjetër nuk është si njohja apo fillimi i një dashurie të re me partnerë të rinj. Mbi të gjitha, është e rëndësishme të konsiderohen dhe të kuptohen arsyet pse partneri është kthyer në ish . Nëse do gjendemi para një zgjedhjeje të tillë, do ishte mirë ta pyesnim veten se përse duam ta bëjmë këtë? Thellë-thellë cila është shtysa jonë e vërtetë? Dashuria e fortë, nostalgjia, mendimet romantike për kohën e bukur të kaluar së bashku, kurioziteti për jetën e ish-partnerit apo kurioziteti nëse jemi ende në ëndrrat e tij/saj, ndjenjat e fajit (nëse e kemi lënduar), dhënia e një shansi të dytë me shpresën se personi do jetë përmirësuar, apo me shpresën për të përjetuar të njëjtin zjarr dhe pasion, mungesa e alternativave të tjera më të mira, eksperiencat negative të mëpasme apo ngulmimi i ish-partnerit për ta rifilluar edhe njëherë marrëdhënien.


Mund të ndodhë të kuptojmë sesa e kemi dashur dhe duam dikë pasi e humbim, apo pasi nuk gjejmë të tjerë që mund të na bëjnë të ndihemi po aq mirë apo më mirë se ish -partneri. Me kalimin e kohës, si pjesë e procesit të rritjes dhe zhvillimit personal, shtimit të eksperiencave, ne arrijmë të vlerësojmë më mirë atë që kemi me atë që kemi patur. Ndonjëherë ky bilanc mund të rezultojë pozitiv në favor të dashurisë së vjetër, gjë që shërben si shtysë e fortë për t'iu rikthyer.


Gjatë jetës mund të ndodhë të dëgjojmë, të kujtojmë, diçka (sidomos kur është pozitive) për ish-partnerin apo të krahasojmë të tashmen me të shkuarën dhe mund të na ngjallet kurioziteti për jetën e tij/saj apo nëse ai/ajo ende kujtohen për marrëdhënien e përbashkët ashtu si ne, nëse ende kemi vend në mendimet e tij/saj, nëse kemi mbetur një person i rëndësishëm për të etj. Qoftë edhe personi më indiferent, ndihet i mikluar nëse kupton që mbetet një person i veçantë dhe i pazëvendësueshëm për ish-partnerin e tij. Ky kuriozitet dhe/apo kjo ndjesi mund të hapë rrugën për të rifilluar marrëdhënien.


Megjithatë, mbi të gjitha, duhet të jemi të kujdesshëm të kuptojmë nëse dëshira për t'iu rikthyer një dashurie të vjetër është tërësisht e jona apo jemi të ndikuar nga insistimi apo dëshira e ish-partnerit tonë. Siç është përmendur dhe më lart, rikthimi funksionon kur dëshirohet nga të dyja palët dhe jo kur imponohet.


Në rast se vendosim t'i kthehemi dashurisë së vjetër çfarë duhet të kemi parasysh?


Rikthimi në dashurinë e vjetër nuk është i mbrojtur as nga mosha dhe as nga kalimi i kohës. Mund të ndodhë mbas një viti pas ndarjes deri në 30 apo më shumë vjet. Por sa më shumë kohë kalon aq më shumë gjërat mund të kenë ndryshuar. Ndoshta ish-partneri juaj mund të jetë lidhur me dikë tjetër, mund të jetë martuar e të ketë fëmijë, mund të jetë në kulmin e karrierës së tij apo të ketë përparësi të tjera në jetë. Të dini se në çfarë pozicioni është secili prej jush do t'ju ndihmojë të kuptoni nëse keni të njëjtin motivim për t'u ribashkuar.


Ripërjetimi i dashurisë së vjetër mund t'ju bëjë të rizhvendoseni në një kohë kur keni qenë më të rinj. Disa partnerë mund të përjetojnë një tërheqje shumë të fortë seksuale pasi partneri sjell kombinimin e rikthimit në një farë mënyrë në gjendjen fizike të një moshe më të re me zhvillimin dhe pasurimin e eksperiencave të mëvonshme personale. Megjithatë jo gjithmonë ndodh kështu. Prandaj mos krijoni pritshmërinë që tërheqja që keni patur dikur, tani do jetë e njëjtë apo më e mirë se atëherë.


Një ribashkim do të thotë t'i fillosh gjërat nga e para, duke rinjohur personin e tanishëm. Përpiquni që gjithçka të ndodhë gradualisht, duke fituar siguri, por dhe duke ruajtur fillimisht distancat mes jush. Ju kishit një arsye pse u ndatë, apo jo? Kjo arsye shpesh nuk përpunohet dhe nuk kalon lehtë emocionalisht. Prandaj kujdes nga mërzitjet apo zemërimet që mund të ringjallen nga humbja e dikurshme që mund të ndërpresë papritur kënaqësinë e rigjetur duke shkaktuar dyshime dhe humbje kontrolli. Për t'u rigjetur, jepini njëri-tjetrit kohën dhe hapësirën e duhur.


Problemet që keni patur dikur mund të rishfaqen. Përpiquni t'i trajtoni dhe të jeni të hapur, pranues dhe jo akuzues apo ta ngarkoni me faj njëri-tjetrin. Gjithashtu duhet të ridiskutoni dhe qartësoni se cilat ishin arsyet e verteta që sollën mbylljen e marrëdhënies, çfarë ju ka shkaktuar ajo, si jeni ndjerë etj. etj. Ky diskutim sigurisht mund të jetë i dhimbshëm ose në më të paktën i vështirë, por partnerët duhet patjetër ta sheshojnë atë duke rënë dakord dhe duke ia pranuar njëri -tjetrit arsyen e vërtetë. Nëse nuk e bëni dot, atëherë më mirë mos e rifilloni marrëdhënien.


Kur do ishte mirë të mos ndodhte rikthimi në dashurinë e vjetër?


Në rastet kur partnerët (njëri apo të dy) kanë krijuar tashmë një jetë tjetër, janë të martuar, kanë familje dhe fëmijë atëherë çështja e rikthimit është akoma edhe më delikate. Në një rast të tillë do ishte më mirë të shmangnit që në fillim thirrjen për rikthim, pasi nëse nuk e bëni këtë, marrëdhëniet aktuale nëse nuk përfundojnë në divorc apo tradhti, patjetër do të lëndojnë dikë. Gjithashtu partnerët mund të mos ndihen të zotë apo të aftë të përballojnë faktin që në këtë histori do të përfshihen edhe persona të tjerë të rëndësishëm. Gjithsesi, nëse jeni të vendosur të riktheheni, atëherë duhet të jeni të kujdesshëm që të mos përpiqeni më pas të “fshini” apo të “zhvlerësoni” nga jeta e partnerit tuaj marrëdhëniet apo personat e tjerë të rëndësishëm që ka patur (ish-bashkëshort, fëmijë). E kaluara nuk mund të fshihet sado të përpiqeni. Një qëllim i tillë do ishte shkatërrues për marrëdhënien.


Ribashkimi nuk do të ishte i shëndetshëm për femrat apo meshkujt “që dashurojnë tepër”, që janë obsesivë, paranojakë e dyshues, që krijojnë varësi apo që janë shumë xhelozë dhe posesivë. Një ribashkim mund të rifillojë vetën nëse të gjitha këto “hiqen” mënjanë nga një përpjekje dhe punë e madhe me veten e ndoshta edhe pas viteve këshillimi psikologjik. Ribashkimet nuk funksionojnë për personat që nuk mund të “shqiten” pasi bien në dashuri. Në rikthim, ata mund të riaktivizojnë modelin që kanë ndjekur më parë: ta bëjnë partnerin qëndrën dhe qëllimin e vetëm të jetës së tyre duke e “mbytur” sërisht marrëdhënien pa i dhënë hapësirën dhe besimin e nevojshëm.


Megjithatë edhe nëse përpiqeni të ribashkoheni dhe kjo nuk funksionon, përsëri mund të ketë gjëra të rëndësishme që mund të mësoni. Ndonjëherë mënyra më e mirë për të ‘shpëtuar' nga një dashuri e vjetër e pasuksesshme është t'i rikthehesh si për të përmbyllur atë që është lënë pezull më parë, duke e çliruar veten të paktën nga imazhi dhe mendimi sesi do të ishte jeta sikur historia juaj të kishte vazhduar. Kjo mund të bëjë që ta jetoni jeten me të lirë dhe më të lumtur, pasi edhe një ribashkim i pasuksesshëm mund të sjellë zhvillim dhe maturi personale si dhe një sens plotësimi në jetë.


Duke u ritakuar me ish-partnerin tuaj ju mund të kuptoni sesa jeni zhvilluar apo sa keni ndryshuar gjatë muajve apo viteve që kanë kaluar. Nën një këndvështrim të ri, duke u nisur nga realiteti i tanishëm, ju mund të kuptoni më mirë se si ka qenë dashuria juaj e vjetër. Nëse ka kaluar shumë kohë, ju mund të shokoheni nga ndryshimet fizike apo karakteriale të ish- partnerit tuaj. Ato tipare që dikur i keni vlerësuar, tashmë mund të duken si fëminore, mungesë stabiliteti apo zgjuarsie etj. Me kalimin e kohës, me rritjen dhe maturimin tonë disa tipare mund të duken ndryshe në kohë të ndryshme. Në raste të tilla ribashkimi e bën më të qartë që mes jush gjithsesi nuk do të kishte funksionuar, por ndërkohë gjatë këtij procesi ju do keni mësuar diçka të re rreth vetes tuaj.

__________________
Nevoja për te folur, hutimi dhe frika qe nuk ke asgjë për te thënë, dhe lakmia qe të tregohesh hokatar, janë tre gjërat qe arrijnë ta bëjnë qesharak edhe njeriun me të madh. (Voltaire)

Kur ish-të dashurit ritakohen... Ç’ndodh?!

Eshte pak ca emocjonale por kaluese.
po nese ish-te dashuruarit tash kan status martesor me dike tjeter dhe u ka ardhur momenti e jan takur si duhet vepruar a duhet ta ripertrin dashurin e vjeter apo ti sqarojn njeri tjetrit per mendimin e tyre edhe pse vuajn nga ish-dashuria

Normal qe eshste veshtir por me kalimin e kohes sado pak do ta harrosh.por edhe ritakimi eshte i veshtire dhe ndoshta mund ti kthej edhe ndjenjat e meparshme ne qoftese nuk kan ndryshuar ai/ajo dhe ne qoftese nuk e kan filluar nje jet te re apo ndonje avantur tjeter....

se di po une e kam te veshtire kur me bie rast te takohem me ish te dashuren

eshte e veshtire per statusin qe mund te kesh tani por kalohet ne cast ashtu si kalon dhe historine me tesado e bukur te kete qene ajo.

kujtime ....brenga...mall.....lot......buzeqeshje....rrahj e zemre.....dhe pak fjal.....dhe vetem heshtje.dhe nje pershperitje sa paske ndryshuar.keshtu me ke ndodhur mua

do ta parandaloja qe dy ish te dashur te takohen sepse mund te rikthehen ndjenjat shume shpejt

eshte dicka e papelqyer per disa.dashuria qe humb nuk fitohet perseri,por ka raste qe nje dashuri perfundon dhe nis nje shoqeri midis atyre te dyve.ndodh edhe qe ne shoqeri te kete xhelozi edhe pse gjthcka ka marre fund.

kir ish te dashurit ritakohen esht deshprim per jet te metutjeshme

u kujtohet koha kur qene bashke,ndonjeri edhe deshiron qe te jene perseri ashtu,por ka gjera qe nuk mund te ndodhin gjithmone ashtu si i duam ne ne jete.

une mendoj se nese e takon perseri ish te dashuren ose ish te dashurin do te ket njeriu pak emocione por nese eshte i-e martuar atehere asgje sepse ai-ajo e don dikend tjeter dhe eshte martuar sepse njeriu patjeter te doje po pastaj te martohet MOS GABOJ DICKA???

kur ish te dashurit takohe n ekan te njejten ndjenje si femije per nje moment harrojne qellimet e ndarjes thjesht shpalos nje kujtim te vjeter sa do i veshtire qe ka qene apo sa do i mire qe ka qene
eshte dashuri
do te thote
kur e sheh dashurinee vjeter
te rrah zemra si heren e pare kur ke dashuruar
edhe pse pas do diteve nese bashkohesh ndodhin te njejtat gjera ose veshtiresit qe keni pasur dhe jeni betuar se2ti her qe sdo te ndodhin prap do ndodhin me besoni
do vazhdoj e njejta monotoni sado qe te jete sexi i mire

ska qka me ndodh
urrejtje perqmim edhe ironii

PO ti mo i shkret si xhebrail qenke dhe ne te shkruar.ke manine te kundershtosh cdo teme ose cdo mendim qe kane forumistat.


Sa per temen nuk di.Ne filma eshte gje e bukur e ne jete nuk e kam provuar se akoma kam dashurine e dikurshme dhe njeher nuk besoj se do shkoj larg saj qe te rikthehem e te shkruaj per kete teme.Vazhdoni ju qe keni provuar.

__________________
Jam mes jush dhe larg jush...