Ungjilli simbas Apostullit Toma, një Ungjill i mrekullueshem i groposur 1700 vjet me pare arrin deri ne ditet tona i plotë dhe i ruajtur ne mënyrë te përkryer.

Ne mënyrë hyjnore zbulohet dhe cgroposet ne vitin 1945...

"Apokrif" është një ter m i perdorur kryesisht ne religjionin kristian. Me këtë term jemi te prirur te tregojme diçka, vërtetësia e se cilës është cënuar apo është e diskutueshme, çka se mund te bëhet fjale dhe për një ngjarje qe pergjithesisht pranohet si e vërtetë. Fjala "apokrif", qe rrjedh prej apocrypha (nga greqishtja ?p????f?? , i fshehte), ne përgjithësi i mvishet atyre shkrimeve religjioze (tekste te shenjta) te konsideruara jo kanonike, ose qe nuk janë ne pajtim me normat religjioze.

Didim Juda TOMA

Këto janë fjalët e fshehta qe Jezusi i gjallë ka shqiptue dhe dishepulli Didim Juda Tomasi i ka shkrue.

1. E ai tha: "Kushdo qe e gjen interpretimin e ketyne fjalëve, nuk do të vdese kurrë".

2. E Jezusi tha: "Ata qe kërkojnë, te kërkojnë derisa te gjejne. Kur te gjejne, do të mbeten te turbulluem. Kur te mbeten te turbulluem, do të mahniten e do të mbretnojne mbi gjithçka."

3. Jezusi tha: "Nëse kreret tuej do t'iu thonë :˜Shikoni, Mbretnia është ne qiej'", atëherë zogjte e qiellit do t'iu paraprijne . Nëse do t'iu thonë :˜Asht nder detna', atëherë peshqit do t'iu paraprijne. Por ne te vërtetë, Mbretnia është mbrenda jush e jashtë jush. Nëse do njihni veten, do të njiheni, e do të kuptoni se jeni bijte e Atit te gjallë. Por nëse nuk do njihni veten, atëherë do të rroni ne mjerim, do të jeni mjerimi vete.

4. Jezusi tha: "Njeriu me moshe te thyer nuk do të hezitoje me pyete një fëmijë shtateditesh se ku është vendi i jetës, e ai burrë do rroje. Sepse shumë nga te paret do jenë te fundmit e do të bahen te gjithë nji "

5. Jezusi tha: "Dini se çfarë keni para syve, e ajo qe u është e fshehte do t'u zbulohet. Sepse asgja nga ç'është e fshehte nuk do të zbulohet"

6. Dishepujt e tij e pyeten: "A don ti qe ne te agjerojme? Si duhet te lutemi? Duhet te lypim lemoshe? Çfare diete duhet te perdorim?"

7. Jezusi tha: "Mos rreni e mos bani atë qe e urreni, sepse çdo gja është e pasqyrueme ne qiell. Ne fund te fundit, asgja nga ç'është e fshehte nuk do të zbulohet, e asgja nga ç'është e fshehte nuk do të mbetet e fshehte".

8. Jezusi tha: "Me fat është luani qe do të hahet prej njeriut, sepse luani do të bahet njerezor. Asht fatkeq njeriu qe do të hahet nga luani, meqë luani do të bahet prapseprape njerezor."

9. E tha: "Njeriu është si ai peshkatari i urte qe hodhi rrjeten ne det dhe e terhoqi te mbushur ploteperplot me peshq te vegjel. Mes tyre, peshkatari i ditun dalloi nji peshk të madh shumë te mirë. I hodhi sërish gjithë peshqit tjerë ne det, e mundi ta zgjidhte peshkun e madh me lehtesi. Kushdo nga ata qe janë këtu kanë veshe te mirë, le të ndigjojne!"

10. Jezusi tha: "Shikoni, mbjellesi doli, mori nji grusht fara dhe e hodhi. Disa fara rane mbi rrugë dhe zogjte i hangren. Të tjera rane permbi gurë e nuk mbine e kesisoj nuk leshen rranje e nuk prodhuen kalleza. Të tjera rane mbi ferra dhe farat u mbyten apo u hengren nga krymbat. Të tjerat rane mbi toke te mirë e dhanë nji prodhim te mirë, tue nxjerre çdo kokerr gjashtedhjete apo njiqint e njizet te tjera."

11. Jezusi tha: "I kam vu zjarrin gjithë botës, dhe shikoni, kujdesem për te derisa te përhapet."

12. Jezusi tha: "Ky qiell do të zhduket, e edhe ai sipër tij do të zhduket. Të vdekurit nuk janë te gjallë, e te gjallet nuk do të vdesin. Ne ditet kur hangret atë qe ishte e vdekun e bate te gjallë. Kur të jeni ne drite, çfarë do të bani? Dikur ishit nji, dhe u bate dy. Po kur të jeni dy, çfarë do të bani?"

13. Dishepujt i thanë Jezusit: "E dimë qe ti do të na braktisesh. Kush do të jetë udheheqesi ynë?" Jezusi u tha atyne, "Kudo qe të jeni duhet te shkoni tek Xhakomo i Drejti, për dashuni te te cilit linden qielli dhe toka."

14. Jezusi u tha dishepujve te tij, "Krahasomeni me dike e thuameni si jam." Simon Pietri i tha, "Je si një lajmetar i ndershem." Mateu i tha, "Je si një filozof i ditun. " Tomasi i tha, "Mesues, goja ime është plotësisht e paaftë me shprehe se kujt i ngjan ti" Jezusi tha, "Nuk jam mesuesi yt. Ke pi, e je dehe nga uji i gjallë qe te kam ofrue.". Dhe e mori me vete e i tha tre gjana. Kur Tomasi u kthye tek miqte e tij, këta e pyeten, " Çfare te tha Jezusi?" Tomasi u tha atyne, "Nëse do t'ju thoja vetëm njërën nga gjanat qe më tha, ju do të me mbysnit me gurë, dhe prej shkambinjve do vershonte një zjarr qe do t'ju perpinte."

15. Jezusi u tha atyne, "Nëse agjeroni do terhiqnit mëkatin mbi vete, nëse luteni do të denoheni, e nëse kerkoni lemoshe vini ne rrezik shpirtin tuaj. Kur te mberrini ne një krahine dhe te endeni nëpër katund, nëse njerëzitë iu ftojne hani nga ato qe ju ofrojnë dhe kujdesohuni për te semuret e tyre. Gjithsesi, ajo qe hyn ne gojen tuaj nuk mund t'iu baje te papaster; është ajo qe del nga goja juaj qe ju ban te papaster."

16. Jezusi tha, "Kur te shihni dike qe nuk është lindur prej nji gruaje, peruljuni e adhurojeni. Ai është Ati juaj.."

17. Jezusi tha, "Ndoshta njerezia mendon se unë kam ardhë me sjelle paqen ne botë. Nuk e dinë se kam ardhë për te sjelle konfliktin ne botë: zjarr, hekur, lufte. Sepse ne janë pesë vete ne nji shtepi, tre do vihen kundër dyve e dy kundër treve, babai kundër birit e biri kundër djalit, e do të jenë vetëm."

18. Jezusi tha, "Ju ofroj atë qe asnjë sy nuk ka pa, asnjë vesh nuk ka ndigjue, asnji dorë nuk ka preke, atë qe nuk është shfaqe nder zemrat e njerëzve."

19. Dishepujt i thanë Jezusit, "Na thuej, si do të vijë fundi ynë?" Jezusi tha, "Pra e paskeni gjetur fillimin, qe kerkoni fundin? Shikoni, fundi do jetë aty ku është fillimi. Lum ai qe vendoset ne fillimin: sepse do ta njohe fundin dhe nuk do të provoje vdekjen."

20. Jezusi tha, "Lum ai qe lindi përpara se te lindtte. Nëse baheni dishepujt e mi dhe kini vëmendje ndaj djaleve te mia, këta gurë do t'ju binden. Sepse për ju egzistojne pesë pemë ne Parajse: nuk ndryshojnë as ne dimer e as ne vere, e gjethet e tyre nuk bien. Kushdo qe do t'i njohe nuk do ta provoje vdekjen."

21. Dishepujt i thanë Jezusit, "Na thuaj si është Mbretnia e Qiejve " E ai u tha atyne, "Asht si si nji fare e mustardes, ma e vogla e farave, po kur bie mbi toke te levrueme prodhon nji bime te madhe qe shndërrohet ne strehe për zogjte e qiellit."

22. Maria e pyeti Jezusin, "Si janë dishepujt e tu?" Ai tha, "Janë si fëmijë ne një toke qe s'u përket. Kur te zotet e tokes kthehen, u thonë, :˜Na e riktheni tokën'. E këta zhvishen prej teshave te tyne për t'ua dhënë, e ua rikthejne tokën. Për këtë arsye them, nëse pronaret e një shtepie e dinë se po vjen nji hajdut rrine ne roje përpara se ai t'ia behe për të mos e lejue te hyjë ne pasurinë e tyne për t'u vjedhe kështu gjane e tyne. Edhe ju, pra, rrini ne roje kundruall botës. Pergatituni me energji te madhe, kështuqë hajdutet të mos kenë mundësi t'ju nenshtrojne, sepse fatkeqesia qe prisni do të vijë. Paste mes jush ndonji qe kupton. Kur prodhimi qe pjeke, ai erdhi menjihere me nji thes dhe e korri. Kushdo qe ka dy veshe te mirë, le të ndigjoje!".

23. Jezusi pa disa fëmijë te sapolindun qe pinin gji. U tha dishepujve te tij, "Këta te sapolindun qe po pijne gji janë si ata qe do hyjne ne Mbreteri." E ata i thanë: "Pra do të hyjmë ne Mbreteri si te sapolindun?" Jezusi u tha atyne, "Kur prej dyve do bani nji, e kur ta bani te mbrendshmen si te jashtmen dhe te jashtmen si te mbrendshmen, e te sipermen si te poshtmen, e kur ta bëni burrin e gruan nji gja te vetme, ashtuqe burri të mos jetë burrë e gruaja të mos jetë grua, kur te keni sy në vend te syve, duar në vend te duarve, kambe në vend te kambeve e figura në vend te figurave, atëherë do të hyni ne Mbreteri."

24. Jezusi tha, "Do te zgjedh mes jush, nji nder nji mijë e dy mes dhjetë mijeve, e ata do të jenë si nji njeri i vetëm

Përktheu e perg: Shpetim Kelmendi

Milosao.Org

__________________
Nobody is perfect ...

Historia e gjetjes se doreshkrimit

Ne pranveren e vitit 1945, rreth 60 km. larg nga Luxor, dy fshatare zbuluan ne rere një qyp argjili prej te cilit u nxuar një "broke" qe permbante diçka. Jemi ndërkohë ne epoken e Ujorit dhe te lashtet kishin premtuar se kjo epoke do lajmeronte daljen ne drite te zbulesave antike qe bota nuk mund te ishte e aftë t'i kuptonte me përpara. Të lashtet e quanin yllesine e Ujorit "Brokja", dhe pikërisht nga një broke e zbuluar rastesisht doli ne drite një rrotullame prej lini te dyllosur dhe te bitumuar. Kur rrotullamja u shpalos dolen shumë doreshkrime qe emertoheshin si kodiket e Nag-Hammadi-t. Një pjesë e tyre u grisen ose u flaken, te tjerat, duke qenë ne kushte me te mira iu shiten dyqanxhinjve te vjetersirave e, ne të ardhmën, Muzeut Kopt te Kajros qe bleu dhe grumbulloi mjaft prej këtyre doreshkrimeve. Por një pjesë e tyre perfunduan dhe ne Institutin Jung te Zyrihut.

Me në fund, studiuesit e këtyre dy instituteve, Muzeut te Kajros dhe Institutit te Zyrihut, i perkthyen shkrimet antike prej germave kopto-greqizuese.

Prej 13 kodikeve qe ne formatin e tyre origjinal perbehen nga me shumë se 1350 faqe, rezultuan 1130. Pothuajse te gjithë kodiket kanë një lidhje prej lekure dhe datojne deri ne shekullin I m.K. Janë perkthime ne gjuhën kopte te doreshkrimeve me antike qe supozohet te jenë perpiluar ne aramaisht.

Mes këtyre doreshkrimeve është edhe "Ungjilli simbas Tomes", sigurisht me i vjetri nder tërë Ungjijte e njohur deri me tash. Ne këtë dokument gjenden thënie te Krishtit qe e bëjnë figuren e tij të ndryshme nga ç'është pershtatur ne botën e krishtere. Ai nuk e mposht forcen e botës duke perdorur dhimbjen, por duke perdorur armen e Dijes, atë Kozmike, te Perjetshme, qe nuk konsumohet nga koha. Ky ungjill përmban 114 thënie ne formë arkaike dhe dëshmon fjalët qe Jezusi i ka zbuluar Tomes dhe është një nga trashegimite e shkruara me te vjetra ne botën e krishtere, e qe daton ne gjysmen e pare te shekullit I m.K. Këto dokumente antike mesa duket duhet t'u perkisnin një bashkesie te ngushtë njerezish, meqë gjuha kopte ishte një gjuhe pak e perhapur ne Egjipt dhe e njohur vetëm nga një rreth i kufizuar eruditesh. Megjithatë nuk ka dyshime mbi vertetesine e Ungjillit simbas Tomes. Në lidhje me këtë, mjafton te dimë se qysh me 1897, ne një vendbanimin e Osirinkut, ne Egjiptin e Mesem, qenë zbuluar dy fragmente papirusesh (me 1903 do zbulohej një i tretë) qe permbajne fraza, ne greqisht, te tekstit kopt te Ungjillit simbas Tomes. Veç tjerash ne papirin nr. 654 gjendet edhe emri i Tomes.

Krishti qe lexojmë ne Ungjillin e Tomes është shumë afër Induizmit, Budizmit, Sufizmit. Ne ndryshim prej shumë Ungjijve te tjerë,-shkruar sigurisht shumë me vonë mbi bazen e transmetimeve gojore- ne Ungjillin e Tomes paraqitet një Jezu Krisht shumë i ditur, me "njerezor", i drejtperdrejte, një mjeshter gnostik, i afert me filozofine orientale, më pak apokaliptik, thellesisht revolucionar, tepër i guximshem, provokues i urte, kundershtar energjik i te fuqishmeve, i religjiozeve hipokrite, dhe absolutisht larg prej arketipit katolik "faj-mëkat" qe egziston ne besimin e sotëm masiv. Edhe pse zbulon elemente te jashtezakonshme mbi vullnetet e vërteta te Jezusit e mbi origjinen e kristianizmit, ky dokument shumë i rëndësishëm mbetet pothuaj i panjohur nga masat e gjëra qe vijojne t'ia injorojne madheshtine.

__________________
Nobody is perfect ...

24. Dishepujt e tij thanë, "Na e trego vendin ku je, sepse kemi nevojë ta kërkojmë." Ai u tha atyre, "Cilido këtu qe ka veshe te ndigjoje! Ka drite ne nji njeri prej drite, dhe vezullon mbi mbarë botën. Nëse nuk vezullon, është terr."

25 . Jezusi tha, "Duajeni mikun tuaj si veten tuaj, dhe mbrojeni si bebezat e syve tuaj."

26. Jezusi tha, "Ju shikoni fijen e kashtes ne synin e mikut tuaj, por nuk shihni traun ne synin tuaj. Kur te hiqni traun nga syni juaj, atëherë do të shikoni mjaft mirë për te heqe fijen e kashtes nga syni i mikut tuaj."

27. "Nëse nuk agjeroni nga bota, nuk do ta gjeni Mbreterine. Nëse nuk e shihni te Shtunen si te Shtune nuk do ta shikoni Atin".

28 . Jezusi tha, "Kam zane vendin tim ne botë dhe ju jam shfaqe atyne prej mishi e kockash. I kam gjete te gjithë te dehun, dhe asnjerin te etun. Shpirti im ka vuejte për bijte e njerezimit, sepse janë te verber nder zemra dhe nuk shohin, sepse ne këtë botë kanë ardhë te zbrazet, dhe po bosh përpiqen te largohen nga bota. Por ndërkohë janë te dehun. Kur t'u dalë vera, do ndryshojnë sjellje."

29. Jezusi tha, "Nëse trupi do kishte linde për shkak te shpirtit, do të ishte nji mrekulli, por nëse shpirti do kishte lindur për shkak te trupit do të ishte mrekulli e mrekullive. E prapeseprape çuditem sesi nji pasuni kaq e madhe është shnderrue ne nji mjerim te tillë."

30. Jezusi tha, "Aty ku janë tre hyjnitete, ato janë hyjnore. Aty ku janë dy apo nji, unë jam me te."

31. Jezusi tha, "Asnji profet nuk është mireprite ne krahinen e tij, doktoret nuk kurojne te njohunit e tyne."

32 . Jezusi tha, "Nji qytet i ndertuem mbi nji koder te nalte dhe e fortifikueme, nuk mundet as te pushtohet, as te fshehet."

33 . Jezusi tha, "Kur te degjoni me veshet tuaj, perhapeni qe prej pullazeve tuaja. Fundja, askush nuk e ndez nji llambe për ta fute ne nji sendyk, dhe as për ta cue ne nji vend te fshehte. Por i pëlqen ta vendose ne nji llampadar, ne mënyrë qe te kushdo qe kalon te mundet me e pa dritën e tij."

34. Jezusi tha, "Nëse një i verber i prin nji te verberi, qe te dy do të bien ne grope."

35. Jezusi tha, "Askush nuk mund te hyjne ne shtepine e nji njeriu te fuqishem e ta nenshtroje nëpërmjet forces, nëse ma përpara nuk ia lidh duart. Ne këtë pikë ai mund t'ia pervetesoje shtepine."

36. Jezusi tha, "Mos e torturoni veten nga mëngjesi deri ne mbramje, me mendimin se çfarë do të vishni."

37. Dishepujt e tij thanë, "Kur do të na shfaqesh, e kur do të kthehesh për te na vizitue?" Jezusi tha, "Kur te zhvisheni pa ju ardhë turp, e t'i vini rrobat nën kambet tuaja si fëmijët dhe do t'i grisni, atëherë do shihni birin e atij qe jeton e nuk do të keni droje."

38. Jezusi tha, "Shpesh keni deshirue me ndigjue këto fjale qe po ju them, e nuk keni pase mundësi me i ndigjue prej ndokujt. Do te vijnë ditë ne te cilat ju do të me kerkoni dhe nuk do të me gjeni.."

39. Jezusi tha, "Farisejte dhe akademiket i kanë kanë shti ne dorë celesat e dijës dhe i kanë fshehe ato. Vete nuk kanë hy, e nuk i kanë lejue me hy as dhe te tjerët qe donin me hy. Sa ju takon juve, jini dinake si gjarperinjte e te thjeshtë si pellumbat.

40. Jezusi tha, "Nji jetë është mbjelle larg Atit. Meqë nuk është e fuqishme, do të shkulet me rranje dhe do vdese."

41 . Jezusi tha, "Kushdo qe ka diçka ne dorë do të marrë edhe ma shumë, e kushdo qe nuk ka asgja do të privohet edhe nga ajo pak qe ka."

42. Jezusi tha, "Jini si kalimtare."

43. Dishepujt e tij i thanë, " Kush je ti për te na thënë këto gjana?" (Jezusi tha "Nuk e kuptoni nga ato qe them se kush jam. Ne te vërtetë jeni ba si Judejte, qe e duan pemen por urrejne frutet, ose duan frutet por urrejne pemen.

44. Jezusi tha, " Kush blasfemon kundër Atit do të jetë i falun, e kushdo qe blasfemon kundër Birit do jetë i falun, por kush blasfemon kundër Shpirtit te Shenjtë nuk do të jetë i falun as ne toke e as ne qiell."

45. Jezusi tha, "Rrushi nuk vilet prej manaferrave, dhe as fiqte nga carangthat, meqë këto nuk japin frute. Të miret prodhojne miresi prej asaj qe kanë grumbullue; te keqinjte prodhojne te keqe nga zvetenimi qe kanë grumbullue ne zemrat e tyne, e thonë gjana te liga. Meqë nga teptisja e zemrave prodhojne ligesine."

46. Jezusi tha, "Prej Adamit e deri tek Gjon Pagezori, prej gjithë sa linden nga nji grua, askush nuk është ma i madh se Gjon Pagezori aq sa mos më e ule veshtrimin përpara tij. Por po ju them se cilido prej jush qe bahet fëmijë do ta njohe Mbreterine dhe do të bahet ma i madh se Gjoni."

47. Jezusi tha, "Një burrë nuk mund te rrije mbi shalat e dy kuajve apo te tendose dy harqe. E nji skllav nuk mund t'u sherbeje dy zoterinjve, se përndryshe skllavi do nderoje njerin dhe do fyeje tjetrin. Nuk ka njeri qe pi vêne te vjetër e fill mandej kërkon me pi vêne te re. Vêna e re nuk mund te hidhet nder shakuj te rinj, përndryshe prishet. Nuk qepet një arne e vjetër mbi nji rrobe te re, sepse do të grisej."

48. Jezusi tha, "Nëse dy njerëz bëjnë paqe ne te njëjtën shtepi, ata do mund t'i thonë malit "Zhvendosu!" e ai do të zhvendoset."

49. Jezusi tha, "Të bekuem ata qe janë vetëm dhe te zgjedhun, sepse do ta gjejne Mbreterine. Meqë prej atje vini, e atje do të ktheheni."

50. Jezusi tha, "Nëse ju thonë :Prej nga vini?' u thoni atyne, :Vijme nga drita, nga vendi ku drita është shfaqe vetvetiu, është vendose, dhe është shfaqe ne imazhin e tyne'. Nëse ju thonë, :Jeni ju?' thoni, :Jemi bijte e tij, dhe jemi te perzgjedhun nga Ati i gjallë.' Nëse ju pyesin, :Cila është prova qe Ati është ne ju?' u thoni atyne, :Asht levizja dhe qetesia' "

51 . Dishepujt e tij i thanë, "Kur do vihen në vend te vdekunit, e kur do të vijë bota e re?" Ai u tha atyne, "Ajo qe prisni ka ardhë, por ju nuk e dini."

52. Dishepujt i thanë, "A është e dobishme rrethprerja?" Ai u tha atyne, "Nëse do ishte e dobishme, ati i tyre do ngjizte fëmijë te rrethprere qysh ne bark te nanes. Ne te vërtetë. rrethprerja e vërtetë ne shpirt është ba perparesore ne çdo pikëpamje."

54. Jezusi tha, "I bekuem skamnori, sepse e tija është Mbreteria e Qiejve.

55. Jezusi tha, " Kush nuk do ta urreje baben e tij dhe nanen e tij nuk do mundet me qenë dishepulli im, e kush nuk do urreje vellazen e motra, e do mbarte kryqin siç baj unë, nuk do të jetë i denjë për mua."

56. Jezusi tha, " Kush ka arrite me e njofte botën ka zbulue se ajo është një skelet, dhe për kedo qe ka zbulue një skelet bota nuk është e denjë."

__________________
Nobody is perfect ...

Ungjijte Kanonike:



Ungjilli simbas Gjonit

Ungjilli simbas Markut

Ungjilli simbas Mateut

Ungjilli simbas Lukes

Disa nga

Ungjijte Apokrife



Numri i ungjijve dhe i dokumenteve apokrife, shkruar mes shekujve II-IV m.K, i kapercen te njeqintet, ndaj ne po rendisim këtu poshtë vetëm një pjesë të tyre:



Ungjilli i se Vertetes

Ungjilli i Persosmerise

Ungjilli i Katër Skajeve te Botes

Ungjilli i Eves

Ungjilli i Maries

Ungjilli i Judes

Ungjilli i Matias

Ungjilli i Tomes

Apokrif i Gjonit

Ungjilli i Ebioniteve

Ungjilli i Hebrejve

Ungjilli i Nazareneve

Ungjilli i Filipit

Ungjilli i Filipit II

Ungjilli i Pjetrit

Letrat e Eugnostit

Libri i Shpirtit te Madh te Padukshem

__________________
Nobody is perfect ...

81. Jezusi tha, "Lejoni qe kush është ba i pasun te mbretnoje, e kush ka pushtet te heqe dorë."

82. Jezusi tha, " Kush është pranë meje është pranë flakes, e kush është larg meje është larg Mbreterise."

83. Jezusi tha, "Pamjet janë te dukshme për njerëzitë, por drita e tyne është fshehe ne imazhin e drites se Atit. Ai do të zbulohet, por pamja e tij është fshehe nga drita e tij."

84. Jezusi tha, "Kur te shikoni atë qe ju ngjan, jini te kenaqun. Po kur te shihni pamjet qe linden përpara jush e qe nuk vdesin dhe as bahen te dukshme, sa shumë do t'ju duhet te duroni!"

85. Jezusi tha, "Adami është nise prej nji pushteti të madh dhe nji pasunie te madhe, por nuk ishte i denjë për ju. Sepse po të kishte qenë i denjë, nuk do ta kishte njofte vdekjen."

86. Jezusi tha, "Dhelprat kanë strofulla dhe zogjte kanë fole, por qeniet njerëzore nuk kanë nji vend ku mund te shtrihen e te prehen."

87. Jezusi tha, "Sa i mjerë është nji trup qe varet nga nji trup, e sa i mjerë është shpirti qe varet nga prej te dyve."

88. Jezusi tha, "Lajmetaret dhe profetet do vine tek ju e do t'ju japin atë qe ju përket. Ju, nga ana juaj, jepuni atyne atë qe keni, dhe thuajini vetes suaj, :Kur do të vine për te marrë atë qe u përket?'"

89. Jezusi tha, "Përse e shperlani pjesen e jashtme te kupes? Nuk e kuptoni se ai qe ka krijue te mbrendshmen është po ai qe ka krijue te jashtmen?"

90. Jezusi tha, "Ejani tek unë, sepse zgjedha ime është e rehatshme dhe sundimi im është i bute, dhe do të gjeni paqen tuej."

91. I thanë, "Na thuaj kush je qe te mundemi me besue ne ty." Ai u tha atyre, "Ju shqyrtoni pamjen e qiellit e te tokes, por nuk keni arrite me kuptue atë qe është përballë jush, dhe nuk dini si me e interpretue castin e tanishëm."

92. Jezusi tha, "Kerkoni e do të gjeni. Ne te shkuaren, gjithsesi, nuk ua kam zbulue gjanat qe atëherë me kerkuet Tashti do të doja me jua thanë , por ju nuk m'i kerkoni ma."

93. "Mos ua jepni gjanat e shenjta qenve, sepse mund t'i flakin nëpër bajga. Mos u hidhni perla derrave, sepse do mund [...]."

94. Jezusi tha, "Ai qe kërkon do të gjeje, e kush troket do të hyjë"

95. Jezusi tha, "Nëse keni para, mos i jepni me kamate. Ma mirë jepjani dikujt qe nuk do t'ua ktheje ma kurrë."

96. Jezusi tha, "Mbreteria e Atit është si nji grua. Mori pak majå, e futi ne brume, dhe bëri forma te mëdha buke. Kush ka veshe le të ndigjoje!"

97. Jezusi tha, "Mbreteria është si nji grua qe po mbartte nji qyp plot me miell. Ndërsa ecte nëpër nji rrugë te gjatë, qypi iu thye pranë dorezes dhe mielli iu shpernda mbrapa permbi rrugë. Ajo nuk e dinte, nuk kishte vu re asgja. Kur mberriti ne shtepine e vet, uli qypin ne nji vend dhe vuni re se ai ishte bosh."

98. Jezusi tha, "Mbreteria e Zotit është si një njeri qe donte te vriste nji njeri te fuqishem. Para se me dalë nga shtëpia nxori shpaten nga milli dhe e futi ne mur, për te provue nëse krahu i tij do kishte force me e shpue tejpërtej. Mandej ai e vrau njeriun e fuqishem."

99. Dishepujt i thanë, "Vellezerit e tu dhe nana jote janë këtu jashtë. Ai u tha atyre:, "Ata qe zbatojne vullnetin e Atit tim janë vellezerit e mi dhe nana ime. Janë këta, ata qe do hyjne ne Mbreterine e Atit."

100. Jezusit i treguen nji monedhe te arte dhe i thanë, "Njerezit e perandorit romak na kërkojnë taksat" Ai u tha atyre, "Jepini perandorit atë qe është e perandorit, jepini Zotit atë qe është e Zotit, e jepmeni mua atë qe është imja."

101. "Kushdo qe nuk e urren baben dhe nanen si unë nuk mundet me qenë dishepulli im, e kushdo qe nuk e do baben dhe nanen si unë nuk mund te jetë dishepulli im. Sepse nana ime [...], por nana ime e vërtetë ma ka dhanë jetën."

102. Jezusi tha, "Mallkuar qofshim Farisejte! Janë si nji qen qe fle tek vendngrenia: qeni vete nuk ha, por nuk i le as bagetite te hane."

103. Jezusi tha, "Lum si ata qe e dinë se ngc'anë do sulmojne rebelet. Munden me u organizue, me mbledhe pajime madheshtore, dhe me u pergatite përpara se rebelet t'ia behin."

104. I thanë Jezusit, "Eja sot, lutemi dhe agjerojme." Jezusi tha, "Çfarë mëkati kam krye, ose me çfarë papastërtie jame njollose? Ma mirë është qe kur dhandrri te largohet nga oda martesore, atëherë te lejoni qe njerëzitë te agjerojne e te luten."

105. Jezusi tha, "Kur prej dyve te bani nji, do baheni bijte e Adamit, e kur te thoni: ‘Mal, leviz!!' ai do të levize."

107. Jezusi tha, "Mbreteria është si nji bari qe kishte njiqind dele. Njëra nga ato, ma e madhja, i humbi. Ai la nantedhjetenante te tjerat dhe u vua ta kërkonte delen e humbun derisa e gjeti. Mbasi qe lodhe shumë, i tha, :Të kam ma te dashtun se nantedhjetenande te tjerat.'"

108. Jezusi tha, " Kush do të pije nga goja ime do të bahet si unë, unë vete do të bahem ai person, e të gjitha gjanat e fshehuna do t'i zbulohen"

109. Jezusi tha, "Mbreteria e Atit është si një person qe kishte nji thesar te fshehur ne aren e tij, por nuk e dinte. E kur vdiq ia la te birit. I biri, edhe ai nuk dinte asgjë. U be pronar i ares dhe e shiti atë. Bleresi i ares filloi ta levronte, zbuloi thesarin, e nisi t'u jepte te tjerëve para me kamate."

110. Jezusi tha, "Lejoni qe ai qe ka zbulue botën dhe është ba i pasun, te heqe dorë nga bota."

111. Jezusi tha, "Qiejte dhe toka do të hapen përpara jush, e kushdo qe është i gjallë për atë qe është gjallë, nuk do ta njohe vdekjen". A nuk thotë Jezusi, "Për ata qe kanë gjete vetveten, bota nuk është e denjë?"

112. Jezusi tha, "Mallkuar qoftë mishi qe mvaret nga shpirti. Mallkuar qoftë shpirti qe mvaret nga mishi."

113. Dishepujt e tij i thanë, "Kur do të vijë Mbreteria?". "Nuk do të vijë tue e kerkue. Nuk do të thuhet, :Shiko, është këtu!', ose :Shiko, është atje!' Ne te vërtetë, Mbreteria e Atit është permbi toke, dhe askush nuk e shikon."

__________________
Nobody is perfect ...

1-Nuk eshte e thene qe keto te jene pjese te verteta nga ungjijte
2-Keto ungjij nuk jane pranuar nga koncilet e krishtere pasi mbartin ne vetvete interpretime te tipit sofist, qe ne perkthimin dhe pershtatjen e tyre
3-Ungjilli i qe keni postuar nuk ka perputhje as me Dhjaten e re as me Kuranin dhe as me Ungjijte e "fshehur" sidomos ne parabolat e Krishtit, ne gjenarologjine e tij dhe ne kronologjine e ngjarjeve
4-Apostulli apo dishepulli Toma ishte nje dishepull (nxenes) dhe jo Apostull (i derguar)

__________________
VAE VICTIS