Prezenton : Sabri SELMANI
Kiel-Gjermani

Në emër të Allahut – të Gjithëmëshirshmit, Mëshiruesit! O adhurues i Krishtit, duam që të mençurit tuaj t’i përgjigjen pyetjes sonë! Nëse Zoti qe vrarë nga disa njerëz...çfarë zoti, atëherë, është ai? Pyesim veten: a ishte Ai i kënaqur nga ajo që ata i bënë Atij? Nëse po, qofshin të bekuar...e kanë arritur kënaqësinë e Tij!

( Poemë )

Mirëpo, nëse Ai s’ka qenë i kënaqur...kjo do të thotë se fuqia e tyre bëri që Ai të nënshtrohet!

A thua, vallë, a qe lënë e tërë ekzistenca pa Hyjin, Dëgjuesin që i përgjigjet atij që lutet?

Vallë, si qëndruan shtatë qiejt, kur ai rrinte shtrirë nën tokë e kur dheu ishte mbi të (pra, kur ishte në varr)?

Vallë, a qenë lënë botët për t’u udhëhequr pa Zot...përderisa duart e tij ishin të gozhduara?

Pse, vallë, engjëjt nuk i ndihmuan atij kur ai po rënkonte?

Pyesim se si qenë në gjendje shufrat të durojnë për ta bartur Zotin e vërtetë, kur ai po qëndronte i lidhur e i fiksuar?!

Pyesim se si ka mundësi hekuri ta shpojë Atë dhe të qëndrojë në Të e ta lëndojë?

Ju pyesim se si mundën duart e armiqve të Tij ta kapin Atë dhe ta qëllojnë në shpinë?

Ju pyesim edhe rreth asaj se a u ringjall Krishti vetvetiu...apo Ringjallësi i tij ishte ndonjë zot tjetër?

Hëm! Çfarë çudie?! Varr që në brendësi ka zot! Për më tepër, gjë më e mistershme ishte barku që e mbante atë!

Ai qëndroi në bark për nëntë muaj, në një errësirë të plotë...dhe ushqehej me gjak!

Më pas doli nëpërmjet mitrës si foshnje e vogël – i dobët e duke e hapur gojën për të pirë qumësht nga gjiri!

Hante e pinte dhe bënte çfarë bën normalisht çdo krijesë. A është ky zot, vallë?

I Lartësuar është Allahu nga gënjeshtrat e të krishterëve!

Që të gjithë ata do të merren në llogari për shpifjet e tyre!

O adhurues të Krishtit! Për çfarë arsye tërë kjo është e bekuar dhe e lartësuar si dhe përse, vallë, do të merret në përgjegjësi ai që i refuzon të njëjtat?

Vallë, më thoni se a nuk është logjike ta thyejmë dhe ta djegim atë (kryqin) me gjithë atë që e shpiku atë?

Meqë zoti qe kryqëzuar në të...dhe duart e tij qenë të lidhura për të!

Ai, me të vërtetë, është kryq i nëmur...andaj, shkelni mbi të me këmbën tuaj dhe mos e puthni kur ta shihni!

Zoti qe nënçmuar në të...e ju e adhuroni!? Prandaj, ju mund të konsideroheni armiqtë e Tij!

Nëse e lartësoni atë (kryqin, do të thotë) për shkak se e mbajti Zotin e botëve, pse atëherë nuk gjunjëzoheni e t’i adhuroni varrezat, meqë varri e përfshiu zotin tuaj?

Së këndejmi, zgjohu, o adhurues i Krishtit! Ky është Fillimi i Tij dhe ky është Fundi i Tij!

“Bënë kufër (mohuan të vërtetën) ata që thanë: “Allah është ai, Mesihu, biri i Merjemes!”. E vetë Mesihu (Isai), tha: “O beni israilë, adhurojeni Allahun – Zotin tim dhe tuajin, sepse ai që i përshkruan Zotit shok, Allahu ia ka ndaluar (ia ka bërë haram) atij Xhennetin dhe vendi i tij është Zjarri! Nuk ka ndihmës për mizorët!” (Kur`an, 5: 72).

“Gjithashtu, bënë kufër (mosbesim) ata që thanë: “Allahu është i treti i treve!”. S’ka në gjithësi tjetër pos Një Allahu, e nëse nuk pushojnë nga ajo që thanë (tre zotra), ata që nuk besuan do t’i kapë dënim i dhembshëm!” (Kur`an, 5: 73).

“E pse të mos pendohen dhe të kërkojnë falje te Allahu, kur dihet se Allahu fal shumë, është mëshirues?” (Kur`an, 5: 74).

“Mesihu – biri i Merjemes nuk është tjetër vetëm se i dërguar; para tij pati shumë të dërguar. Nëna e tij ishte e drejtë (e ndershme). Që të dy ata ishin që ushqeheshin (si njerëzit tjerë). Ja si u sqarohen argumentet atyre dhe shih pastaj se si ia kthejnë shpinën të vërtetës!” (Kur`an, 5: 75).

“Thuaju: “A adhuroni, pos Allahut, atë që nuk mund t’ju sjellë as dëm e as dobi? Allahu është që dëgjon (ç’thoni), që di (ç’veproni)!” (Kur`an, 5: 76).

“Madje për shkak të thënies së tyre: “Ne e kemi mbytur Mesihun, Isain – birin e Merjemes, të dërguarin e Allahut”. Po ata as nuk e mbytën as nuk e gozhduan (nuk e kryqëzuan në gozhda), por atyre u përngjau. Ata që nuk u pajtuan rreth (mbytjes së) tij janë në dilemë për të (për mbytje) e nuk kanë për të kurrfarë dije të saktë, përveç që hamenden! E ata me siguri nuk e mbytën atë!” (Kur`an, 4: 157).

“Përkundrazi, Allahu e ngriti atë pranë Vetes. Allahu është i Plotfuqishëm, i Gjithëdijshëm!” (Kur`an, 4: 158).

“Nuk ka asnjë nga ithtarët e librit vetëm se ka për t’i besuar atij (Isait) para vdekjes së vet, e në Ditën e Gjykimit ai dëshmon kundër tyre!” (Kur`an, 4: 159).

Allahu i udhëzoftë të gjithë ata që devijojnë nga e vërteta!!!


Autor: Ibën Kajjim el-Xhevzije

Përktheu nga anglishtja: Arsim JONUZI, 01.11.2008

Recensoi: Ajni SINANI