Marrëveshja e Judës, 2000 vjet më vonë

Los Angeles Times


Frieda Nussberger-Tchacos, tregtare antikuaresh, u shfaq si engjëll, në programin special për Judën, në kanalin televiziv NGC. “Besoj se jam zgjedhur nga Juda që ta rehabilitoja”, – tha Tchacos, e cila bleu papirusin 170-vjeçar. “Juda më kërkoi të bëja diçka për të”. Në fakt, Tchacos nuk e la pas dorë edhe veten. Ajo kishte paguar 300 mijë dollarë për papirusin dhe – pavarësisht shqetësimeve se ai mund të ishte vjedhur dhe mund të kishte hyrë në botën e errët të atikuareve private – ia shiti avokatit të saj për një milion e gjysmë dollarë, plus gjysmat e të ardhurave nga përdorimet e papirusit në të ardhmen. Televizioni nuk foli për këtë pjesë të historisë së Tchacos. Televizioni nuk e zuri në goje as që pagoi një milon dollarë për të publikuar papirusin dhe as që një pjesë e këtyre parave, si dhe parave nga dy librat në lidhje me të, do t’i jepen avokatit të Tchacoc, prej tij edhe asaj, e cila, në të shkuarën është dënuar për posedim antikuaresh të vjedhura. Ungjilli i Judës bën fjalë për histori të habitshme që për shumë njerëz tingëllon e re. Në të thuhet se Jezusi i kërkoi Judës që ai ta tradhëtonte, për të vendosur pasionin në lëvizje. Por ungjilli na tregon se disa gjëra nuk ndryshojnë dot vetëm në dy mijë vjet – me përjashtim të inflacionit. Asokohe ishin tridhjetë copa argjendi, sot janë një milon dollarë. Pra, gjithçka bëhet për para, kundër trafikimit të antikuareve, të cilave nuk mund t’u dokumentohet pronësia ka ligj. Prandaj avokati i Tchaos, Mario Jean Roberty, nuk mund ta shesë papirusin. E kështu ai përdori konceptin tërësisht modern të shiotjes së përmbajtjes, dhe për këtë gjeti si klient televizionin NGC. Normalisht, zbulimi i diçkaje si puna e ungjillit të Judës duhet të lajmërohej në botimet studimore si një shtesë e mundshme e ungjilleve gnostikë – shkrime të vjetra kristiane që u ndaluan nga kisha. Televizioni NGC – me një program të bujshëm, dy libra dhe një ekspozitë të planifikuar një javë para Pashkëve – ishte më tepër i interesuar për zhurmë komerciale, sesa të provokonte ndonjë mendje profesioniste. Papirusi u përshkrua si një mundësi për ta sjellë kristianizmin në vete. Ndërsa kodi, si një zbulim arkeologjik shumë i rëndësishëm. Por koncepti që e trajton tradhëtinë e Judës si dëshirë të Krishtit nuk është diçka e re, diçka që e di kushdo që ka parë “Jezu Krishti Superstar”. Përfshirja e Shoqatës Gjeografike Kombëtare ndihmoi për ta sjellë papirusin në vëmendjen e publikut. Gadishmëria e shoqatës për të bërë marrëveshje për zbulime, identiteti i të cilave është i paqartë, pa e sqaruar rolin e saj, bashkëpunëtorët apo paratë e përdoruara, i mbulon me një shtresë legjimiteti botën e mjegullt të marrëveshjeve për antikuaret ilegale dhe ndihmon ruajtjen e tregut të zi.

__________________
Nobody is perfect ...