BIBLA apo SHKRIMI SHENJTE

nadi · #1 24-02-2005, 22:26

BIBLA apo SHKRIMI SHENJT

Hyrje

Qe prej shume kohesh miliona njerez e kane konsideruar Biblen si librin me te madh te botuar ndonjehere. Deri tani Bibla eshte "best seller-i" NUMER NJE ne tere rrjedhen e historise.
Me nocionin e pergjithshem “Bibel” nenkuptojme librin e frymezuar per hebrenjt dhe per te krishteret; muslimanet e nderojne poashtu dhe disa pjese te saj i gjejme edhe ne Kuran. Fjala Bibel rrjedh nga fjala greke biblia qe do te thote “librat” (e shenjte), qe rrjedh nga fjala biblos (papirus – liber) sipas qytetit Biblos qe mbikqyrte shitjen e tij.
E zene fill nga gojedhena e hartuar dhe e shkruar gradualisht Bibla eshte nje teresi jashtzakonisht e perbere qe perfshin libra me stile dhe lloje shume te ndryshme nga te cilet disa jane te nenshkruar ndersa te tjere jane nga autore anonim, ndersa koha e hartimit te saj shtrihet ne dhjete shekuj.
Per hebrenjte ajo perbehet nga tre pjese: Torah (apo Ligji qe quhet edhe Peselibersh apo Pentateuku, sepse eshte i perbere nga pese librat e pare te Bibles); Neviim – “profetet”, por ky emer perfshin edhe librat e tjere qe te krishteret i quajne Librat historik; dhe Ketuvim – “shkrimet”.
Beselidhja e Vjeter ne fillim eshte shkruar hebraisht, permban edhe disa pjese ne gjuhen aramaike. Disa libra te cilat i pranon vetem judaizmi aleksandrin, jane mbartur vetem ne greqisht. Katoliket dhe ortodokset i konsiderojne deuterokanonik, ndersa hebrenjte dhe protestantet apokrif.
Natyrisht doreshkrimet origjinale nuk ekzistojne, por vetem kopjet e tyre. Doreshkrimet me te hershme te Beselidhjes se Vjeter jane gjetur ne vitin 1948 ne Kumran, ne bregdetin e Detit te Vdekur (nje rrotull pothuajse i plote e librit te Isaise dhe shume fragmente te te tjereve). Keto deshmojne per punen jashtezakonisht te mire te kopjuesve sepse dallimet ne mes dorshkrimeve – me gjithe dallimin kohor te disa shekujve – jane ne te vertete shume te vogla.
Padyshim se Bibla eshte libri me i perhapur ne bote, e perkthyer pjeserisht apo teresisht, ne rreth 1.800 gjuhe dhe dialekte.
Sipas Kanonit Biblik te Kishes katolike Beselidhja e Vjeter perbehet prej 46 librash. Ndersa 27 librat qe perbejne Beselidhjen e Re qe kane qene te shkruar ne greqisht.
39 prej tyre jane ne origjinal: ne gjuhen hebraike dhe pjeserisht ne gjuhen aramaike, si psh. Ezdra (nga 4,8 – 6,18; 7,12-26) dhe Danieli (2,4-7,28 ).
Ndersa 7 librat e tjere (Tobia, Judita, Libri i pare dhe i dyte i Makabenjve, Libri i Urtise, Baruku, Estera dhe Danieli – keto dy te fundit pjeserisht) i kemi ne gjuhen greke te te ashtuquajturve te Shtatedhjeteve (ose Septuagintes – LXX). Septuaginta ka qene kushtuar hebrenjve qe jetonin ne diaspore. Ndersa Bibla Protestante pranojne Beselidhjen e Vjeter sipas Bibles Hebraike, per kete arsye zakonisht nuk i perbejne pjeset qe vijojne: Tobia, Juditam 1 dhe 2 Makabenjve, Baruku, Libri i Urtise, Siracidi, Estera (nga 10,4-16,24), Danieli (nga 3,24-90; kapitujt 13 dhe 14).

Termi Beselidhje ose Dhiate apo Testament (rrjedhe nga hebraishtja berit, greqisht diateke, latinisht testamentum), qe do te thote marrveshje qe lidhe dy a me shume pale ne nje bashkesi dhe nenkupton te drejta dhe detyrime; qe zakonisht shenohet me nje gjest zyrtar ose me dokumente te nenshkruara nga dy palet. Prishja e nje marreveshje te tille konsiderohet si krim. Ne qofte se njera nga palet gezon pozite te privilegjuar shoqerore, ajo me e dobeta, nese i qendron besnike beselidhjes, fiton prej saj mbrojtjen dhe sigurine.

BESELIDHJA E VJETER
Keto jane beselidhjet qe Hyji ka lidhur me popullin e Izraelit dhe qe percaktojne pergjithmone fene dhe popullin e tij si dhe ndajne ate nga te gjithe popujt tjere:
• Beselidhja me Noen (pas permbytjes me uje);
• Beselidhja me Abrahamin;
• Beselidhja me Moisiun dhe popullin e zgjedhur, e vertetuar ne Sinai (apo malin Horeb);
• Beselidhja me Davidin;
• Beselidhja sipas profeteve: per shkak te mekatit populli i Izraelit e ka shkelur beselidhjen e lidhur me Hyjin ne Sinai. Megjithate Hyji nuk do te asgjesoj Izraelin, por me pjesen qe ka mbetur besnik deshiron e kryej Beselidhje te Re, qe do te jete e amshuar dhe ta perhap nder pagane.

BESELIDHJA E RE
Per te krishteret kjo beselidhje e re ndermjet Hyjit dhe njerezimit realizohet plotesisht me Jezusin. Ajo vertetohet me gjakun e tij. Neper te plotesohet beselidhja e Sinait. Gjate Darkes se Fundit, pasi mori kelkun e veres, Jezusi tha: “Merrni e pini te gjithe prej tij, sepse ky eshte gjaku im – gjaku i Beslidhjes” (krah Mt 26, 27-28 ). Prandaj nese ne Beselidhjen e Vjeter Hyji ka vendosur nje pakt, marreveshje me popullin e zgjedhur (pra popullin e Izraelit), ndersa ne Beselidhjen e Re nepermjet Jezu Krishtit ka vendosur nje marreveshje me mbare njerezimin, pra me te gjithe popujt.

nadi · #2 24-02-2005, 22:29

SI KA LINDUR BIBLA?

Bibla - libri i popullit te Hyjit
Me perpara jetohet e pastaj shkruhet duke kujtuar ate se cfare eshte perjetuar. Librat jane kujtese e popujve. Populli i Izraelit dhe te krishteret qe nga fillimi kane trasheguar pervojen e besimit (fese) ne nje liber: Bibla.
Librat e Beselidhjes se Vjeter formohen gjate historise se popullit te Izraelit, qe nga epoka e Abrahamit (rreth 1.800 para Krishtit) deri ne ardhjen e Jezu Krishtit. Librat e Beselidhjes se Re tregojne jeten e besimit ne Zotin te bashkesise se pare.
Beselidhja e Vjeter eshte i perber prej 46 librash, qe ndahen ne: Pentateuku (5 libra), libra Historik (16 libra), libra Poetik dhe te Diturise apo Urtise (7 libra) dhe librat Profetik (18 libra).
Beselidhja e Re eshte i perbere prej 27 librash: Ungjijte (sipas Mateut, Markut, Lukes dhe Gjonit), Veprat e Apostujve, Letrat e Apostujve (14 te shen Palit; 3 te shen Gjonit; 2 te shen Pjetrit; 1 e shen Jakobit; 1 shen Judes) dhe Zbulesa (Apokalipsi).
Mesazhi i Bibles permbledh mesimet te lena ne katekeze, te kremtuara ne liturgji e te kremtuara me deshmi te gjalle. Kjo veper e dendur letrare eshte permbushur nen veprimin e Shpirtit Shenjt. Ai eshte Autori i vertete i Shkrimit Shenjt. Autoret e librave kane qene te ndikuar nga frymezimi i Shpirtit Shenjt. Nen driten e Shpirtit, besimtaret e pranojne shkrimin si Fjalen e vertete te Zotit. Kisha ne shkrimet e shenjta rinjeh burimin e Zbulesave te Hyjit bere njerezve.

black&blue4ever · #3 27-02-2005, 00:08

Kapitulli 1

1

Fjalët e urta të Salomonit, birit të Davidit, mbret i Izraelit,

2

për të njohur diturinë dhe për të mësuar gjykimet e mënçura;

3

për të ditur si të veprosh me urti, me drejtësi, me gjykim dhe ndershmëri,

4

për t`u dhënë shkathtësi njerëzve të thjeshtë, njohje dhe reflektim të riut.

5

I urti do të dëgjojë dhe do të rritë diturinë e tij; njeriu i zgjuar do të përfitojë këshilla të urta,

6

për të kuptuar një sentencë dhe një enigmë, fjalët e të urtëve dhe thëniet e tyre të errëta.

7

Frika e Zotit është fillimi i njohjes; por njerëzit e pamend përçmojnë diturinë dhe arsimin.

8

Dëgjo, o biri im, mësimet e atit tënd dhe mos i lër pas dore mësimet e nënes sate,

9

sepse janë një nur që zbukuron kokën tënde dhe një stoli në qafën tënde.

10

Biri im, në qoftë se mëkatarët duan të të mashtrojnë, mos prano,

11

në qoftë se thonë: "Eja me ne; kemi ngritur një pritë për të derdhur gjak; i ngritëm gracka të pafajmit pa ndonjë shkak;

12

le t`i kapërdimë të gjallë, ashtu si Sheoli, tërësisht si ata që zbresin në gropë;

13

ne do të gjejmë lloj-lloj pasurish të çmueshme, do t`i mbushim shtëpitë tona me plaçka;

14

ti do ta hedhësh në short pjesën tënde me ne, dhe të gjithë ne do të kemi një qese të vetme";

15

biri im, mos shko me ta në po atë rrugë, ndale hapin nga shtegu i tyre,

16

sepse këmbët e tyre turren drejt së keqes dhe ata nxitojnë të derdhin gjak.

17

Shtrihet më kot rrjeta përpara çdo lloji zogjsh;

18

por këta kurdisin prita kundër gjakut të vet dhe ngrenë kurthe kundër vetë jetës së tyre.

19

Të tilla janë rrugët e çdo njeriu të etur për pasuri; ajo ia heq jetën atyre që e kanë.

20

Dituria bërtet nëpër rrugë, zëri i saj dëgjohet nëpër sheshe;

21

ajo thërret në vendet ku ka turma dhe ligjëron në hyrje të portave të qytetit;

22

"Deri kur, o njerëz të thjeshtë, do t`ju pëlqejë thjeshtësia dhe tallësit do të kënaqen duke u tallur dhe budallenjtë do të urrejnë dijen?

23

Ejani në vete nga qortimi im; ja, unë do të derdh mbi ju Frymën time dhe do t`ju bëj të njohura fjalët e mia.

24

Sepse unë thirra dhe ju nuk keni dashur, shtriva dorën time dhe askush prej jush nuk i kushtoi vëmendje,

25

përkundrazi hodhët poshtë të gjitha këshillat e mia dhe nuk pranuat ndreqjen time,

26

edhe unë do të qesh me fatkeqësinë tuaj, do të tallem kur të vijë ajo që ju druani,

27

kur ajo që druani të vijë si një furtunë, dhe fatkeqësia juaj të vijë si një stuhi, kur t`ju mbulojnë fatkeqësia dhe ankthi.

28

Atëherë ata do të më thërrasin mua, por unë nuk do të përgjigjem; do të më kërkojnë me kujdes, por nuk do të më gjejnë.

29

Sepse kanë urryer dijen dhe nuk kanë zgjedhur frikën e Zotit,

30

nuk kanë dashur të pranojnë këshillën time dhe kanë përbuzur të gjitha qortimet e mia.

31

Prandaj do të hanë frytin e sjelljes së tyre dhe do të ngopen me këshillat e tyre.

32

Sepse përdalja e njerëzve të thjeshtë i vret dhe qetësia e rreme e budallenjve i zhduk;

33

por ai që më dëgjon do të banojë një vend të sigurt, do të jetë me të vërtetë i qetë, pa frikë nga çfarëdo e keqe".

black&blue4ever · #4 27-02-2005, 00:09

Kapitulli 2

1

Biri im, në rast se pranon fjalët e mia dhe i quan thesar urdhërimet e mia,

2

duke i vënë veshin diturisë dhe duke e prirur zemrën ndaj arsyes;

3

po, në rast se kërkon me ngulm gjykimin dhe ngre zërin për të siguruar mirëkuptim,

4

në rast se e kërkon si argjendin dhe fillon të rrëmosh si për një thesar të fshehur,

5

atëherë do të ndjesh frikën e Zotit dhe ke për të gjetur kuptimin e Perëndisë.

6

Sepse Zoti jep diturinë; nga goja e tij rrjedhin njohuria dhe arsyeja.

7

Ai mban rezervë për njerëzit e drejtë një ndihmë të fuqishme, një mburojë për ata që ecin me ndershmëri

8

për të mbrojtur shtigjet e drejtësisë dhe për të ruajtur rrugën e shenjtorëve të tij.

9

Atëherë do të kuptosh drejtësinë, barazinë, ndershmërinë dhe tërë rrugët e së mirës.

10

Kur dituria të të hyjë në zemër, edhe njohja do të jetë e këndshme për shpirtin tënd,

11

të menduarit do të kujdeset për ty dhe gjykimi do të të mbrojë,

12

për të të çliruar nga rruga e keqe, nga njerëzit që flasin për gjëra të këqija,

13

nga ata që braktisin shtigjet e ndershmërisë për të ecur në rrugët e territ,

14

që gëzohen kur bëjnë të keqen dhe ndjejnë kënaqësi në çoroditjet e njeriut të keq,

15

shtigjet e të cilit janë të shtrembëra dhe rrugët dredha-dredha,

16

për të të shpëtuar nga gruaja që ka shkelur kurorën, nga gruaja e huaj që përdor fjalë mikluese,

17

që ka braktisur shokun e rinisë së saj dhe ka harruar marrëveshjen e lidhur me Perëndinë.

18

Sepse shtëpia e saj zbret drejt vdekjes dhe shtigjet e saj drejt të vde*****.

19

Asnjë prej atyre që shkojnë tek ajo nuk kthehet, asnjë nuk i arrin shtigjet e jetës.

20

Kështu do të mund të ecësh në rrugën e të mirëve dhe do të mbetesh në shtigjet e të drejtëve.

21

Sepse njerëzit e drejtë do të banojnë tokën dhe ata të ndershëm do të qëndrojnë aty;

22

por të pabesët do të shfarosen nga toka dhe shkelësit do të hiqen prej saj.

black&blue4ever · #5 27-02-2005, 00:11

Kapitulli 3

1

Biri im, mos harro mësimet e mia dhe zemra jote le të ruajë urdhërimet e mia,

2

sepse do të të shtohen ditë të gjata, vite jete dhe paqeje.

3

Mirësia dhe e vërteta mos të lënçin kurrë; lidhi rreth qafës, shkruaji mbi tabelën e zemrës sate;

4

do të gjesh kështu hir dhe arsye në sytë e Perëndisë dhe të njerëzve.

5

Ki besim tek Zoti me gjithë zemër dhe mos u mbështet në gjykimin tënd;

6

pranoje në të gjitha rrugët e tua, dhe ai do të drejtojë shtigjet e tua.

7

Mos e mbaj veten të ditur në sytë e tu, ki frikë nga Zoti dhe hiq dorë nga e keqja;

8

kjo do të jetë shërim për nervat e tua dhe freskim për kockat e tua.

9

Ndero Zotin me pasurinë tënde dhe me prodhimet e para të çdo të ardhure që ke;

10

hambarët e tu të grurit do të jenë plot e përplot dhe vozat e tua do të gufojnë me musht.

11

Biri im, mos e përçmo ndëshkimin e Zotit dhe mos urre qortimin e tij,

12

sepse Zoti qorton atë që do, si një baba djalin që atij i pëlqen.

13

Lum ai njeri që ka gjetur diturinë dhe njeriu që ka përftuar arsyen.

14

Sepse fitimi i tij është më i mirë se fitimi i argjendit dhe fryti i tij vlen më tepër se ari i kulluar.

15

Ajo është më e çmuar se perlat dhe mbarë gjërat më të këndshme nuk mund të barazohen me të.

16

Gjatësia e jetës është në të djathtë të saj, pasuria dhe lavdia në të majtë të saj.

17

Rrugët e saj janë rrugë të kënaqshme dhe në të tërë shtigjet e saj mbretëron paqja.

18

Ajo është një dru i jetës për ata që e kapin dhe lum ata që mbahen fort atje.

19

Me diturinë Zoti krijoi tokën dhe me zgjuarësinë i bëri të qëndrueshëm qiejtë.

20

Me diturinë e tij u hapën humnerat dhe retë japin vesë.

21

Biri im, këto gjëra mos u largofshin kurrë nga sytë e tu. Mbaje diturinë dhe të menduarit.

22

Ato do të jenë jetë për shpirtin tënd dhe një zbukurim në qafën tënde.

23

Atëherë do të ecësh i sigurt në rrugën tënde dhe këmba jote nuk do të pengohet.

24

Kur do të biesh për të fjetur, nuk do të kesh frikë; po, do të biesh dhe gjumi yt do të jetë i ëmbël.

25

Nuk do të druash llahtarën e papritur, as shkatërrimin e të pabesëve kur do të ndodhë,

26

sepse Zoti do të jetë pranë teje dhe do të pengojë që këmba jote të kapet në ndonjë lak.

27

Mos i refuzo të mirën atij që i takon, kur e ke në dorë ta bësh.

28

Mos i thuaj të afërmit tënd: "Shko dhe kthehu; do të të jap nesër", kur e ke me vete gjënë e nevojshme.

29

Mos kurdis asnjë të keqe kundër të afërmit tënd, ndërsa ai banon me besim bashkë me ty.

30

Mos bëj padi kundër askujt pa shkak; po të jetë se nuk të ka bërë asnjë të keqe.

31

Mos ki zili njeriun e dhunshëm dhe mos zgjidh asnjë nga rrugët e tij,

32

sepse Zoti e neverit njeriun e çoroditur, por këshilla e tij është për njerëzit e ndershëm.

33

Mallkimi i Zotit është në shtëpinë e të pabesit, por ai bekon banesën e të drejtëve.

34

Me siguri ai tallet me tallësit, por i fal të përvuajturit.

35

Njerëzit e urtë do të trashëgojnë lavdinë, por poshtërsia do të jetë trashëgimia e atyre që nuk kanë mend.

black&blue4ever · #6 27-02-2005, 00:12

Kapitulli 4

1

Dëgjoni, o bij, mësimet e një ati dhe tregoni kujdes që të mësoni të gjykoni,

2

sepse ju jap një doktrinë të mirë; mos braktisni ligjin tim.

3

Kur isha ende fëmijë pranë atit tim, njomëzak dhe i dashur në sytë e nënes sime,

4

ai më mësonte dhe më thoshte: "Zemra jote të kujtojë fjalët e mia; ruaji urdhërimet e mia dhe do të jetosh.

5

Fito dituri, fito gjykim; mos i harro fjalët e gojës sime dhe mos u largo prej tyre;

6

mos e braktis diturinë dhe ajo do të të mbrojë; duaje, sepse ajo do të të ndihmojë.

7

Dituria është gjëja më e rëndësishme; prandaj fito diturinë. Edhe sikur të humbasësh ato që ke, fito diturinë.

8

Përlëvdoje dhe ajo do të të lartësojë, ajo do të të japë lavdi, po qe se ti e përvehtëson.

9

Ajo do të të vërë mbi kokën tënde një stoli prej nuri, do të të rrethojë me një kurorë lavdie".

10

Dëgjo, biri im, pranoji fjalët e mia dhe vitet e jetës sate do të shumohen.

11

Të kam mësuar në rrugën e diturisë, të kam udhëhequr nëpër shtigjet e ndershmërisë.

12

Kur do të ecësh, hapat e tua nuk do të pengohen; kur do të vraposh, nuk do të pengohesh.

13

Rroke mirë këtë mësim, mos e lër që të shkojë kot; ruaje, sepse ai është jeta jote.

14

Mos hyr në shtegun e të pabesëve dhe mos ec në rrugën e njerëzve të këqij;

15

evitoje atë, mos kalo nëpër të; largoju prej saj dhe shko tutje.

16

Sepse ata nuk mund të flenë, po të mos kenë bërë të keqen; gjumi i tyre zhduket po të jetë se nuk kanë rrëzuar dikë;

17

ata hanë bukën e paudhësisë dhe pinë verën e dhunës.

18

Por shtegu i të drejtëve është si drita e agimit, që shkëlqen gjithnjë e më mirë deri sa të bëhet ditë e plotë.

19

Rruga e të pabesëve është si terri; ata nuk shohin atë që do t`i rrëzojë.

20

Biri im, trego kujdes për fjalët e mia, dëgjo thëniet e mia;

21

mos u largofshin kurrë nga sytë e tu, ruaji në qendër të zemrës sate;

22

sepse janë jetë për ata që i gjejnë, shërim për të gjithë trupin e tyre.

23

Ruaje zemrën tënde me shumë kujdes, sepse nga ajo dalin burimet jetës.

24

Hiq dorë nga e folura me hile dhe largo prej teje buzët e çoroditura.

25

Sytë e tu le të shohin drejt dhe qepallat e tua të synojnë drejt para teje.

26

Sheshoje shtegun e këmbëve të tua, dhe të gjitha rrugët e tua qofshin të caktuara mirë.

27

Mos u shmang as në të djathtë as në të majtë; tërhiqe këmbën tënde nga e keqja.

black&blue4ever · #7 27-02-2005, 00:13

Kapitulli 5

1

Biri im, ki kujdes për diturinë time, vëri veshin arsyetimit tim,

2

me qëllim që ti të ruash gjykimin dhe buzët e tua të fiksojnë diturinë.

3

Sepse buzët e gruas që shkel kurorën nxjerrin mjaltë dhe goja e saj është më e butë se vaji;

4

por në fund ajo është e hidhur si pelini, e mprehtë si një shpatë me dy presa.

5

Këmbët e saj zbresin drejt vdekjes, hapat e saj çojnë drejtpërdrejt në Sheol.

6

Ajo nuk ecën në shtegun e jetës, por ti nuk i jep rëndësi kësaj gjëje; rrugët e saj janë të gabuara, por ti nuk e kupton.

7

Prandaj tani, bij të mi, më dëgjoni dhe mos u largoni nga fjalët e gojës sime.

8

Mbaje larg prej saj rrugën tënde dhe mos iu afro portës së shtëpisë së saj,

9

për të mos ua dhënë të tjerëve fuqinë tënde dhe vitet e tua dikujt që nuk ka mëshirë.

10

Me qëllim që të huajt të mos ngopen me pasurinë tënde, dhe mundi yt të mos shkojë në shtëpinë e një të huaji,

11

dhe të mos rënkosh kur do të të vijë fundi, kur mishi dhe trupi yt do të jenë të konsumuar,

12

dhe të thuash: "Vallë si urreva mësimin, dhe si e ka përçmuar qortimin zemra ime?

13

Nuk dëgjova zërin e atyre që më mësonin dhe nuk ua vura veshin atyre që më udhëzonin.

14

U ndodha pothuajse në një të keqe të plotë në mes të turmës dhe të kuvendit".

15

Pi ujin e sternës sate dhe ujin e rrjedhshëm të pusit tënd.

16

A duhet burimet e tua të derdhen jashtë, si rrëke uji nëpër rrugë?

17

Qofshin vetëm për ty dhe jo për të huajtë bashkë me ty.

18

Qoftë i bekuar burimi yt dhe gëzohu me nusen e rinisë sate.

19

Drenushë e dashur dhe gazelë hirplotë, sisët e saj le të të kënaqin kurdoherë, dhe qofsh vazhdimisht i dhënë pas dashurisë që ke për të.

20

Pse vallë, biri im, të biesh në dashuri me një grua që ka shkelur kurorën dhe të rrokësh gjirin e një të huaje?

21

Sepse rrugët e njeriut janë gjithnjë përpara syve të Zotit, dhe ai vëzhgon të gjitha shtigjet e tij.

22

I pabesi zihet nga vetë paudhësitë e tij dhe mbahet nga litarët e mëkatit të tij.

23

Ai ka për të vdekur sepse nuk korrigjohet dhe do të zhduket për shkak të marrëzisë së tij.

black&blue4ever · #8 27-02-2005, 00:14

Kapitulli 6

1

Biri im, në qoftë se je bërë garant për të afërmin tënd, në rast se ke dhënë dorën si garanci për një të huaj,

2

je zënë në lakun e fjalëve të gojës sate, je zënë nga fjalët e gojës sate.

3

Bëj këtë, pra, biri im, dhe shpengohu, sepse ke rënë në duart e të afërmit tënd. Shko, hidhu në këmbët e tij dhe ngul këmbë me të madhe te i afërmi yt.

4

Mos u jep gjumë syve të tu as çlodhje qepallave të tua;

5

çlirohu si gazela nga dora e gjahtarit, si zogu nga dora e atij që kap zogjtë.

6

Shko te milingona, o përtac, vër re zakonet e saj dhe bëhu i urtë.

7

Ajo nuk ka as kryetar, as mbikëqyrës, as zot;

8

e gjen ushqimin në verë dhe mbledh zahirenë e saj gjatë korrjes.

9

Deri kur, o përtac, do të rrish duke fjetur? Kur do të shkundesh nga gjumi yt?

10

Të flesh pak, të dremitësh pak, të rrish me duar në ije për t`u çlodhur,

11

kështu varfëria jote do të vijë si një vjedhës, dhe skamja jote si një njeri i armatosur.

12

Njeriu pa vlerë, njeriu i keq, ecën me një gojë të çoroditur;

13

luan syrin, flet me këmbët, bën shenja me gishta;

14

ka ligësi në zemër, kurdis vazhdimisht të keqen dhe mbjell grindje.

15

Prandaj shkatërrimi i tij do të vijë papritur, në një çast do të shkatërrohet pa rrugëdalje tjetër.

16

Zoti i urren këto gjashtë gjëra, madje shtatë janë të neveritshme për të:

17

sytë krenare, gjuha gënjeshtare, duart që derdhin gjak të pafajshëm,

18

zemra që kurdis plane të këqija, këmbët që turren shpejt drejt së keqes,

19

dëshmitari i rremë që thotë gënjeshtra dhe ai që shtie grindje midis vëllezërve.

20

Biri im, ruaje urdhërimin e atit tënd dhe mos harro mësimet e nënës sate.

21

Mbaji vazhdimisht të lidhura në zemrën tënde dhe fiksoji rreth qafës sate.

22

Kur do të ecësh, do të të udhëheqin; kur të pushosh, do të të ruajnë; kur të zgjohesh, do të flasin me ty.

23

Sepse urdhërimi është një llambë, mësimi një dritë, dhe ndreqjet e mësimit janë rruga e jetës,

24

për të të mbrojtur nga gruaja e keqe, nga lajkat e gjuhës të gruas së huaj.

25

Mos dëshiro në zemrën tënde bukurinë e saj dhe mos u rrëmbe nga qepallat e saj.

26

Sepse për një prostitutë burri katandiset për një copë bukë, dhe gruaja e një tjetri gjuan shpirtin e vyer të një burri.

27

A mund të mbajë burri një zjarr në gji të tij pa djegur rrobat e trupit?

28

A mund të ecë burri mbi qymyr të ndezur pa djegur këmbët e tij?

29

Në këtë gjendje është ai që shkon tek gruaja e një tjetri; kush e prek nuk do të mbetet pa u ndëshkuar.

30

Nuk përçmohet hajduti që vjedh për të shuar urinë kur është i uritur;

31

por në rast se kapet në faj, duhet të kthejë shtatëfishin, dhe të japë tërë pasurinë e shtëpisë së tij.

32

Por ai që kryen një shkelje kurore me një grua është një njeri pa mend; ai që bën një gjë të tillë shkatërron jetën e tij.

33

Do të gjejë plagë dhe përçmim, dhe turpi i tij nuk do t`i hiqet kurrë.

34

sepse xhelozia e tërbon bashkëshortin, që do të jetë i pamëshirshëm ditën e hakmarrjes.

35

Ai nuk do të pranojë asnjë shpërblim dhe nuk do të kënaqet, edhe sikur t`i bëjnë shumë dhurata.

black&blue4ever · #9 27-02-2005, 00:16

Kapitulli 7

1

Biri im, ruaji fjalët e mia dhe urdhërimet e mia në veten tënde,

2

Ruaji urdhërimet e mia dhe ke për të jetuar; ruaji mësimet e mia si bebja e syve të tu.

3

Lidhi ndër gishta, shkruaji mbi tabelën e zemrës sate.

4

Thuaji diturisë: "Ti je motra ime" dhe quaje "shok" gjykimin,

5

me qëllim që të të ruajnë nga gruaja e tjetrit nga gruaja e huaj që përdor fjalë lajkatare.

6

Nga dritarja e shtëpisë sime shikoja nëpër parmakët prej hekuri

7

dhe pashë midis budallenjve; dallova midis të rinjve një djalë të ri që s`kishte gjykim,

8

që kalonte nëpër rrugë pranë qoshes të gruas së huaj dhe drejtohej nga shtëpia e saj,

9

në muzg, kur po ngryste dita, ndërsa zbriste nata e zezë dhe e errët.

10

I doli para një grua e veshur si prostitutë dhe dinake;

11

ajo është turbulluese dhe provokuese, dhe nuk di t`i mbajë këmbët në shtëpinë e saj;

12

herë mbi rrugë, herë në sheshet qëndron në pritë në çdo qoshe.

13

Kështu e zuri dhe e puthi, pastaj me paturpësi tha:

14

"Duhet të bëja flijimet e falenderimit; pikërisht sot i plotësova zotimet e mia;

15

prandaj të dola para që të të kërkoj dhe të gjeta.

16

E zbukurova shtratin tim me një mbulesë si sixhade, me li të ngjyrosur nga Egjipti;

17

e parfumova shtratin tim me mirrë, me aloe dhe me kanellë.

18

Eja, të dehemi me dashuri deri në mëngjes, të kënaqemi në qejfe dashurie,

19

sepse burri im nuk është në shtëpi, por ka shkuar në një udhëtim të gjatë;

20

ka marrë me vete një thes të vogël me pare dhe do të kthehet në shtëpi vetëm kur të jetë hëna e plotë".

21

Ajo e mashtroi me fjalë bindëse, e tërhoqi me ëmbëlsinë e buzëve të saj.

22

Ai e ndoqi pa mëdyshje, si një ka që shkon në thertore, si një i lidhur në dënimin e budallait,

23

deri sa një shigjetë nuk i shpon mëlçinë; ai nxiton si një zog, pa ditur që një lak është ngritur kundër jetës së tij.

24

Prandaj, bij të mi, më dëgjoni, kushtojuni kujdes fjalëve të gojës sime.

25

Zemra jote të mos shkojë pas rrugëve të saj, mos devijo nëpër shtigjet e saj,

26

sepse ka rrëzuar shumë të plagosur për vdekje, dhe tërë ata që ajo ka vrarë ishin burra të fortë.

27

Shtëpia e saj është rruga e Sheolit që zbret në thellësitë e vdekjes.

black&blue4ever · #10 27-02-2005, 00:18

Kapitulli 8

1

A nuk bërtet vallë dituria dhe maturia a nuk e bën zërin e saj të dëgjohet?

2

Ajo qëndron në këmbë mbi majën e lartësive, gjatë rrugës, në kryqëzimet e rrugëve;

3

bërtet pranë portave, në hyrje të qyteteve, në prag të dyerve;

4

"Ju drejtohem juve, o njerëz dhe zëri im u drejtohet bijve të njeriut.

5

Kuptoni, o njerëz të thjeshtë, maturinë, dhe ju, njerëz pa mend, kini një zemër të urtë.

6

Më dëgjoni, sepse do të flas për gjëra të rëndësishme dhe buzët e mia do të hapen për të thënë gjëra të drejta.

7

Sepse goja ime do të shpallë të vërtetën; pabesia është e neveritshme për buzët e mia.

8

Të gjitha fjalët e gojës sime janë të drejta, në to nuk ka asgjë të shtrembër dhe të çoroditur.

9

Janë të gjitha të drejta për atë që ka mend dhe për ata që kanë gjetur dijen.

10

Pranoni mësimin tim dhe jo argjendin, dijen në vend të arit të zgjedhur,

11

sepse dituria vlen më tepër se margaritarët, të gjitha gjërat që dikush mund dikush të dëshiroje nuk barazohen me të.

12

Unë, dituria, rri me maturinë dhe e gjej dijen në meditim.

13

Frika e Zotit është të urresh të keqen; unë e urrej kryelartësinë, arrogancën, rrugën e keqe dhe gojën e çoroditur.

14

Mua më takon mendimi dhe dituria e vërtetë; unë jam zgjuarsia, mua më përket forca.

15

Nëpërmjet meje mbretërojnë mbretërit dhe princat vendosin drejtësinë.

16

Nëpërmjet meje qeverisin krerët, fisnikët, tërë gjykatësit e tokës.

17

Unë i dua ata që më duan, dhe ata që më kërkojnë me kujdes më gjejnë.

18

Me mua janë pasuria dhe lavdia, pasuria që zgjat dhe drejtësia.

19

Fryti im është më i mirë se ari, po, se ari i kulluar, dhe prodhimi im më tepër se argjendi i zgjedhur.

20

Unë eci në rrugën e drejtësisë, në mes të shtigjeve të drejtësisë,

21

për t`i bërë ata që më duan të trashëgojnë pasurinë e vërtetë dhe për të mbushur thesaret e tyre.

22

Zoti më zotëroi në fillim të rrugës së tij, përpara veprave të tij më të lashta.

23

U vendosa nga amshimi, që në krye, para se toka të ekzistonte.

24

Më prodhuan kur nuk kishte ende humnera, kur nuk kishte burime me ujë të bollshëm.

25

Më prodhuan para se themelet e maleve të ishin përforcuar, para kodrinave,

26

kur nuk kishte sajuar ende as tokën, as fushat dhe as plisat e para të dheut.

27

Kur ai fiksonte qiejtë, unë isha aty; ku