Tony Dovolani, një shqiptaro-amerikan që jeton prej 2 dekadash në SHBA me familjen e tij, ka përjetuar një sukses të jashtëzakonshëm dhe të padiskutueshëm ne profesionin e tij si kërcimtar. Prej rreth 8 javëve, ai dhe partneria e tij me një bukuri mahnitëse, Stacy Kibler, diva e Wresling për femra në SHBA, kanë bërë për vete me kërcimet e tyre gjithë publikun amerikan ne emsionin "Dancing with the stars" te rrjetit te madh televiziv ne SHBA, ABC. Ky program artistik ishte konceptuar si konkurim i 10 cifteve te perbera prej nje ylli te afirmuar ne SHBA, me nje kercimtar profesionist. Edhe pse Tony & Stacy u eleminuan naten finale te ketij konkurrimi, gati te gjithe shikuesit ne salle dhe perballe ekraneve te televizioneve vleresuan kete cift si ciftin me simpatik dhe mbreselenes nga te gjithe konkurrentet.

“Dancing with the Stars” (Vallëzimi me yjet) është një ndër programet më të ndjekura nga teleshikuesit në kanalin ABC në SHBA. Çdo çift konkurrues përbëhet nga një profesionist dhe një amator. Të gjithë amatorët janë tepër të njohur nga publiku amerikan dhe disa janë aktorë, sportistë, etj., prandaj edhe show e ka marrë titullin “Vallëzim me yjet”. Kërcimtarët profesionistë, që në një farë mase kanë barrën më të rëndë për të mësuar “yjet” se si të kërcejnë sa më profesionalisht në pistën e vallëzimit, bëjnë koreografinë dhe zgjedhin muzikën.

Në program marrin pjesë edhe tre gjyqtarë kërcimi profesionist, të cilët japin mendimin e tyre në lidhje me kërcimin që bëjnë çiftet, por sidoqoftë vota vendimtare është ajo e teleshikuesive, të cilët votojnë për çiftin e tyre të preferuar ose nëpërmjet numrave të telefonit që shfaqen në ekranin televiziv për secilin çift, ose nëpërmjet internetit. Ajo që e bën më interesante kësaj radhe këtë cikël spektakli është se në finale, që do të organizohet ditën e djel më datën 26 shkurt, kanë dalë tre çifte, por çifti që mendohet se mund të dalë fitues është çifti më simpatik, më i kombinueshëm, Stacy dhe Tony, dhe që komuniteti shqiptar kudo në SHBA është entuziazmuar dhe po përpiqen që të komunikojnë me njëri?tjetrin sa më shumë në mënyrë që të nxiten për të votuar e shtuar numrin e votave për çiftin Tony dhe Stacy.

Toni Dovolani, ky shqiptar ka bërë për vetë publikun amerikan me aftësinë e tij profesionale të padiskutueshme, por numri i fansave po rritet gjithnjë e më tepër pasi talenti është harmonizuar jo vetëm me pamjen e tij burrërore, por edhe me karizmën sa elegante, po aq edhe tunduese.

Po kush është Toni Dovolani?! Ai ka ardhur në SHBA mbas viteve 1990 me familjen e tij, kur ai ishte vetëm 14 vjeç dhe që në fillim ka shfaqur interes në fushën e kërcimit. Ai pati mundësinë që të ndjekë Akademinë e Vallëzimit “Fred Astaire”, ku padyshim pasioni i tij u shpalos dhe jeta e tij do të merrte drejtim krejt tjetër. Toni Dovolani ka udhëtuar nëpër botë si kërcimtar profesionist dhe ka fituar edhe kupa të ndryshme. Në 2005 ka qenë kampion i “Ritmit Botëror” të vallëzimit. Toni ka ndihmuar në realizimin e filmit “Shall we Dance?” (A do të vallëzojme?) ku kanë marrë pjesë aktorët më të njohur të Hollivudit, Richard Gere dhe Jennifer Lopez.

Z. Dovolani trajnoi Jennifer Lopez si të kërcejë por gjithashtu luajti një rol të vogël në film, rolin e një djali negativ latin. Por do të ishte pikërisht spektakli “Vallëzim me yjet” që me të vërtetë do ta bente Toni Dovolanin një “yll” jo vetëm të afirmuar në fushën e vallëzimit por të admiruar edhe nga miliona shikues. Eshtë mahnitëse se si talenti i tij e ka shndërruar sportisten e famshme të restling Stacy Keibler, në një madamë të vërtetë vallëzimi. Çifti “Stacy & Toni” padyshim është çifti më i preferuar për miliona shikues, por e diela do ta finalizojë këtë garë spektakolare të vallëzimit. Konkurrimi asnjëherë nuk është i lehtë, pasi votës nuk i dihet dhe nuk do të jetë aq e lehtë pasi rivaliteti është edhe tepër i fortë. Çifti rival për “Stacy & Toni” është edhe “Drew & Cheryl”. Drew Lachly është vëllai i Nick Lachly, i cili është aq i përfolur nga shtypi amerikan pasi po kalon një divorc të hidhur me këngëtaren e famshme të pop muzik Jessica Simpson.
Prandaj, të tërë shqiptarët kudo që janë në SHBA, janë entuziastë por edhe optimistë në fitoren e këtij spektakli nga ana e Tonit, që disa thonë se është nga Peshkopia e Shqipërisë, disa thonë kosovar, e ç’rëndësi ka, Toni Dovolani është një shqiptar që kultivoi talentin e tij në vendin e mundësive dhe është kënaqësi për ne shpiptarët që në fushën e artit këtu në SHBA, shqiptari, ky kërcimtar i talentuar, po bën një emër kaq të mirë. Le t’i urojmë suksese dhe fitore të dielën më 26 shkurt.

Imazhe te Ngjitura

	tonidovalani1.jpg (23.0 KB, 1 vezhgime)
	tonidovalani2.jpg (21.5 KB, 1 vezhgime)
	tonidovalani3.jpg (22.4 KB, 0 vezhgime)
	tonidovalani4.jpg (40.2 KB, 0 vezhgime)
	tonidovalani5.jpg (21.9 KB, 0 vezhgime)
	tonidovalani6.jpg (26.0 KB, 0 vezhgime)
	tonidovalani7.jpg (27.5 KB, 0 vezhgime)
	tonidovalani8.jpg (38.5 KB, 0 vezhgime)
	tonidovalani9.jpg (37.1 KB, 0 vezhgime)
	tonidovalani10.jpg (22.6 KB, 0 vezhgime)
	tonidovalani11.jpg (21.2 KB, 0 vezhgime)

__________________
Be aware of what u do in the past, because of the future consequences!