Ngjyrat e flamurit të ylberit janë bërë lehtë të dallueshme për parakalimet e komunitetit gej. Simbolizimi multikulturor i ylberit nuk është diçka e re, Koalicioni i Ylberit i Jesse Jackson's gjithashtu e përdor ylberin si simbol të kësaj lëvizjeje politike. Ylberi gjithashtu përmendet në shumë mite dhe tregime te grekët, amerikanët vendas, afrikanët dhe te kulturat e tjera në lidhje me gjininë dhe çështjet e seksualitetit.

Përdorimi i flamurit të ylberit nga komuniteti gej ka filluar në vitin 1978, ku për herë të parë është shfaqur në San Fracisco në parakalimin e gejëve dhe lezbikeve për ditën e lirisë. Duke huazuar simbole nga lëvizja hipi dhe nga grupet për të drejtat civile të zezakëve, dizajneri nga San Francisco, Gilbert Baker, ka dizajnuar flamurin e ylberit si përgjigje për nevojën e një simboli që do të përdoret vite me radhë. Baker dhe 30 vullnetarë të tjerë kanë qepur dhe ngjyrosur dy flamuj prototip të mëdhenj për parakalimin. Flamuri ka pasur tetë shirita, çdo ngjyrë ka paraqitur një element të komunitetit: Ngjyra pembe e mbyllur për seks, e kuqja për jetë, ngjyra e portokallit për shërim, ngjyra e verdhë për diellin, e gjelbërta për natyrë, ngjyra e bruztë për art, ngjyra indigo për harmoni dhe ngjyra vjollcë për shpirt.

Një vit më vonë Baker iu drejtua Kompanisë së flamujve Paramount në San Francisco, për të prodhuar flamurin e ylberit për parakalimin e vitit 1979. Për shkak të rregullativave, siç është fakti se ngjyra pembe nuk ka qenë ngjyrë e lejuar komerciale, ngjyra pembe dhe ajo e bruztë janë hequr nga flamuri dhe ngjyra indigo është zëvendësuar me ngjyrën e kaltërt. Ky version i gjashtë ngjyrave pastaj është shpërndarë nga San Franciskco në qytetet e tjera dhe më vonë u bë i njohur si symbol i parakalimeve të gejëve dhe i diversitetit që ekziston sot. Gjithashtu është njohur zyrtarisht nga Kongresi Ndërkombëtar i përcaktimeve të flamujve (ICFM). Në vitin 1994 flamuri i gjatë 1.600 metra dhe i gjërë 10 metra ëhstë bartur nga 10.000 njerëz në parakalimin e Nju Jorkut në Stoneëall 25.

Flamuri i ylberit ka inspiruar lloje të ndryshme të simboleve të afërta, sikurse rrathët e lirisë dhe paisje shtesë të tjera. Ekzistojnë shumë lloje të flamurit, duke përfshirë verzionet e fushës së kaltërt me yje si ngjajshmëri me yjet dhe shiritat e flamurit amerikan dhe verzionet me vendosjen e lambdave, trekëndëshave me ngjyrë pembe dhe simbole të tjera.

Flamuri i fitores kundër AIDS-it është i modifikuar nga flamuri i ylberit duke shtuar shiritin e zi në pjesën e poshtme. Ky shirit i zi është sugjeruar nga grupi i San Franciskos për të përkujtuar ata që kanë humbur jetën nga AIDS-i. Rreshteri Leonard Matlovich, veteran shumë herë i dekoruar i luftës së Vietnamit që ka vdekur nga AIDS-i, ka propozuar që kur të zbulohet eventualisht shërimi nga AIDS-i, shiriti i zi të hiqet nga flamuri dhe të digjet në mënyrë solemne në Washington D.C.

__________________

Nuk e dija me pare :P