Kompania “Fetes Galantes” më 23 maj interpreton në Teatrin e Operas
Një udhëtim në stilin barok të shekullit të XVII-të, mund ta bësh edhe nëpërmjet baletit. Por atë mund ta sjellësh edhe në kontemporanitetin e ditëve të sotme. Koreografja franceze Beatrice Massin, nën një “përzierje” koreografie, ndriçimi, veshjesh dhe shpejtësi lëvizjesh e ka bërë të admirueshëm dansin barok në shumë skena të botës. Specialitetin e saj do ta sjellë më 23 maj edhe për publikun shqiptar. Teatri i Operas dhe Baletit në bashkëpunim me Ambasadën Franceze në Tiranë, do të organizojnë një natë të veçantë, “Gëzimi që më pushton”. Ajo që premton paraprakisht trupa e balerinëve të “Fetes Galantes” është një atmosferë ku çdo gjë e merr kuptimin në intensitet. Nën muzikën e Sebastian Bach, Massin ndërton një arkitekturë koreografike me 14 balerinë që nën lëvizjet specifike të dansit barok shkrijnë kufijtë e shekullit të XVII-të me ditët e sotme. “Beatrice Massin i është dedikuar prej vitesh gjallimit të koreografisë baroke, sa kërkimore kaq dhe krijuese. Kompania “Fetes Galantes” prezanton krijimet e saj si një udhëtim përmes botës baroke dhe sensibilitetit bashkëkohor. Bashkë me 14 kërcimtarë, ajo vjen të paraqesë krijimin e saj me muzikë nga Bach”, - shprehet drejtori Zhani Ciko.

Koreografi baroke
Baza e lëvizjeve transmetojnë stilin e njohur barok, por që Beatrice Massin e përthyen në kufijtë e kohës së sotme. “Que ma joie demeure”(Gëzimi që më pushton), ndërtohet mbi lëvizjet e shpejta dhe nën një ndriçim të magjishëm në ngjyrë të kuqe e plotësuar në detajet e veta edhe nga veshjet e realizuara nga Dominique Fabregue. E gjithë ajo çka përfshihet në konceptin e dansit barok, koreografja Massin do ta përkufizonte poetikisht si “një dialog i kënaqësisë midis muzikës dhe dansit, lëvizja e domosdoshme dhe muzikaliteti i vallëzimit”. Tashmë kjo pjesë ka prekur disa skena të huaja ku përcaktimi për shfaqjen nuk ka ngelur në një mbrëmje baleti, por si një spektakël i ndritshëm që e liron barokun nga shekulli i XVII-të dhe muzikën sublime të kompozitorit të madh. Një partiturë e vërtetë për hapa, vrapim dhe rrëshqitje, që provon se baleti barok mund t’i përshtatet çdo epoke duke përfshirë edhe atë më kontemporanen. Në këtë lloj dansi nuk ka një formulë të përcaktuar, por shpejtësi dhe alegritet. “Dialogu ndërmjet muzikës dhe vallëzimit është një konstante e shekullit të 17 dhe 18-të. Beatrice Massin rikërkon këtë lidhje me muzikantët e kompanisë që marrin pjesë në spektaklet e saj, që në fazën e konceptimit deri në realizimin e tyre. Takimi me epokën baroke konfirmon dëshirën e saj për të konsideruar trupin–vallëzues si një instrument muzikor”, - thekson Ciko. Kompania “Fetes Galantes” është krijuar në vitin 1993 nga Beatrice Massin, balerinë dhe koreografe franceze specializuar në baletin barok. Ajo ka qenë bashkëpunëtore e disa shfaqjeve në “Comedie Francaise”, “Ansamblin barok të Nisës” etj.

__________________
The heaven's sound is composed inside your heart, listen to its beat to syncronize your life onto the angel's steps.

te gjithe hoples vine ne tirane
sgjejne ndonje te sakte zaten te pazotet e artit kane ngelur
keshtu qe nukshohin dot pertej hundes tyre