Për Anila Rubikun, e cila për herë të parë ekspozon e vetme në Venecia, tema e udhëtimit është në qendër të hetimit të saj artistik. Udhëtari i saj gjendet ndonjëherë duke kërkuar origjinën e tij në kujtimin e një qëndisjeje të vjetër, apo në dritën e frikshme që depërton në dritaret e mbuluara nga një copë stof. Herë të tjera ai hidhet në qytet për kundërshtime të qarta të çdo tipi pushtimi, si Venecia dhe i lë mesazhe refleksionesh miqësore atij që e ndjek.

Nga të dyja situatat artistja e re merr frymëzime për veprat e saj, poetike dhe emocionale, të dokumentimit ose të reflektimit. Ekspozita” “Getting lost in Venice – it’s wonderful” (Të humbasësh në Venecia – është e mrekullueshme) në Galerinë “Traghetto”, do të pasqyrojë të dyja shpirtrat e Anilës udhëtare.

Ekspozitë mbi Venecian
Ekspozita “Getting lost in Venice – it’s wonderful”, e artistes shqiptare Anila Rubiku, është çelur dje në galerinë “Tragheto” Në Venecia. E kuruar nga Aurora Fonda, do të qëndrojë e hapur deri më 7 qershor. Njëra sallë e kësaj galerie është dokumentim fotografik i ndërhyrjeve urbane që Rubiku ka realizuar në Venecia në qershor të vitit të shkuar, gjatë edicionit të 51 të Bienales së Artit. Gjatë udhëtimit nga Stazione në Giardini (një rrugë e detyrueshme e “udhëtarit venecian” për të vizituar Bienalen e Arteve), artistja kishte shpërndarë disa dhjetëra kartela të verdha.

Ato ishin të ngjashme me udhëzimet tipografike, ku gjendeshin udhëzime për të gjetur rrugën. Por në këtë rast nuk bëhej fjalë të gjeje rrugën më të shkurtër për të arritur në një vend. Pjesë e tyre ishin pyetje dhe refleksione mbi raportin e udhëtarit me këtë qytet. Shumë i rëndësishëm ishte edhe raporti gjithnjë i ndryshëm që Venecia i kërkon atij që e viziton për herë të parë. Ndërsa në sallën e dytë të galerisë, janë prezantuar disa vizatime qëndistarie mbi letër si dhe harta të Venecias.

Në to janë dalluar monumentet më të rëndësishme qytetare, vendi i takimit të vizitorëve të supozuar. Disa shkresa dhe ambientet e brendshme të një banese të çojnë në temën intime të shtëpisë së largët. I pranishëm ky motiv edhe nëpërmjet skulpturës tridimensionale, dritës dhe qëndisjes. Filli që i lidh të çon në kërkim të një imazhi të përjetësuar vetëm nëpërmjet dritave.

Kush është
E lindur në 1970 në Durrës, Anila Rubiku jeton dhe punon në Milano. Në vitin 1994 diplomohet në Akademinë e Arteve të Bukura në Tiranë. Në 1998 frekuenton Kursin e Lartë të Arteve Pamore në fondacionin, “Ratti di Como”, me profesor Hamish Fulton. Pasi kalon gjashtë muaj në “Akademie der Bildenden Kuenste” në Vjenë, e pranishme në kursin e Renèe Green e Michelangelo Pistoletto, në vitin 2000 merr ne Milano diplomën e Akademisë së Breras.

Në shkurt të vitit 2000 fiton bursën e studimit “Artists in Residence”, organizuar nga Leube Baustoffe/Leube Art Program në Salsburg të Austrisë. Ndërsa në tetor të 2004-ës, në kuadrin e “Gallery Talk at Apexart Gallery” në New York, ishte e ftuar për të folur mbi punën e saj bashkë me artistin Vittorio Messina. Në vitin 2005 fiton çmimin e dytë “Targetti Light Art Award” dhe bën pjesë në koleksionin e artit Targetti.

Ka hapur disa ekspozita personale në vende të ndryshme si në Gjermani gjatë viti 2005, në disa nga qytet e rëndësishme italiane si Parma, Milano, Bolonja, Venecia etj. Ekspozita personale dhe në grup autorësh ka hapur edhe në Nju Jork, Norvegji, Shqipëri. Gjithashtu, ishte pjesëmarrëse në evenimentin më të rëndësishëm të artit pamor kontemporan, edicioni i 51 i Bienales së Venecias.

__________________
The heaven's sound is composed inside your heart, listen to its beat to syncronize your life onto the angel's steps.

Shyqyr qe na kane ngelur ca artista