Qëndrimi dhe Press-i Unioni I Studentëve Shqiptar në Maqedoni
mbajtur 09.11.2007

Të nderuar më lejoni te paraqes qendrimin e USSHM-së ne lidhje me ngjarjet e fundit ne Malësin e Tetovës të cilat tronditën mbarë popullin shqiptarë.
Pres konferenca e USSH-Maqedoni sot shtjelloi 2 cështjë:

· Qëndrimi i Unioni I Studentëve Shqiptar në Maqedoni në lidhje me gjendjen momentale te krijuar në Maqedoni

· Përkrahje e parezervë pavarësisë së plotë të Kosovës


Qëndrimi I Unioni I Studentëve Shqiptar në Maqedoni në lidhje me gjendjen momentale te krijuar në Maqedoni


Unioni I Studentëve Shqiptar në Maqedoni është I brengosur dhe I shqetësuar me akcionin e fundit të MPB-së në fshatin Brodec të malësisë së Tetovës të quajtur "Stuhia malore" si për nga forma ashtu edhe për nga forca e angazhuar në këtë akcion policor në fshatin Brodec. Studentët kurr nuk do të pajtohen me dhunën që policia ushtron ndaj popullatës civile dhe bastisjet pa dokument valid gjyqësor.
I apelojmë qeverisë dhe MPB-së se problemet e sigurisë shtetërore ti zgjedh me metoda dhe mjete më të sofistikuara ashtu sic veprojnë të gjitha policitë në botë .
Mbetemi me shpresë se qeverija dhe MPB-ja nuk kanë në plan të organizojnë ndonjë akcion tjeter policor që do ta quanin "Stuhia fushore" kundër gjuhës dhe flamurit .
Rrahjet , burgosjet , vrasjet janë bërë pjesë e përditshmërisë sonë e cila cdo dite e më tepër po bëhet më e pasigurtë dhe më brengosëse.
Dhe për çudi politika jonë po heshtë kundrejtë këtyrë diskriminimeve të cilat po i bëhen popullatës shqiptare në Maqedoni.
6 vjet kanë kaluar që kur është nënshkruar Marrëveshja e Ohrit dhe ende problemi i gjuhës shqipe , probemi i flamurit dhe shumë probleme tjera janë tabu tema , duke qenë të vetëdijëshem se këto të drejta bazike-jetësore na garantohen me KANUN dhe me ZOT .
Andaj ne si student apelojmë faktorit politik shqiptare që të vetëdijesohen dhe të bashkohen sepse tani më shumë se kurr I duhemi këtij populli të bashkuar,dhe mbi interesat partiake e politike të venë interesin kombëtar.
Ne si studentë nuk do të rrimë duarkryq përballë ketyre padrejtësive, ne vazhdimishtë do të punojmë në bashkimin e shqiptarëve dhe nuk do të lejojmë cfardo politike të jete ajo të devalvoj qenjen tonë kombëtare-shqiptare të këtij vendi.




Përkrahje e parezervë kundrejt pavarësisë së plotë të Kosovës

Unioni I Studentëve Shqiptar në Maqedoni si organizatë studentore e cila nën ombrellën e saj ngërthen të gjithë studentët shqiptarë në Maqedoni , në emër të gjithë këtyre studentëve mbështet pavarësinë e plotë të Kosovës duke mos pranuar asnjë cënim të territorit të saj.
Pas Tryezës Kombëtare të organizuar nga Unioni I Studentëve Shqiptar në Maqedoni dhe koncertit në përkrahje të pavarësisë së Kosovës ne si organizatë pandërprer do të punojmë dhe veprojmë deri në arritjen e këtij qëllimi .
Unioni I Studentëve Shqiptar në Maqedoni është në pritje të shpalljes së pavarësisë së Kosoves nga ana e Parlamentit të Kosoves para festave të fundvitit.