JO – MISIONIT TË BE NË KOSOVË!

26 dhjetor 2007


Avdullah Prapashtica

KARTA E OKB
NUK MUNDET TË ZËVENSOHET
ME PLANIN E AHTISARIT

PO - KARTËS SË OKB MBI TË DREJTËN NË VETËVEDOSJE – PO MISONIT TË SHBA NË KOSOVË, JO - PLANIT TË AHTISARIT DHE JO MISIONIT TË BE NË KOSOVË

Kohëve të fundit vendi i ynë po ballafaqohet me disa akrobacione të çuditshme politike të disa funksionarëve të BE të cilët nuk po lan gurë pa lëvizur që pavarësia e Kosovës të shtyhet së më shumë dhe epilogu i saj të merr fund me deformime fatale për të ardhmen e Popullit Shqiptar.

Solana si njeri nga kryesuesit e kësaj politike, tani kur u ballafaqua me faktet se invazioni i planifikuar i BE në Kosovë do të thotë ardhje në konfrontim me të drejtën ndërkombëtare, u gjet ngushtë dhe bëri përpjekje që të del me teza se prania e BE nuk ka kolodim me rendin juridik ndërkombëtar! Ai harroi se prania e BE në Kosovës së pari është në kundërshtim me të drejtat kombëtare të Popullit Shqiptar të Kosovës, sepse drejtpërsëdrejti e cenon të drejtën e ti në liri e pavarësi me çfarë njëkohësisht BE e cenon rënd Kartën e OKB mbi të drejtat e Popujve!

Nga qarqet e BE u dëgjuan edhe vlerësime se “...bojkotimi i pjesëmarrjes së popullit në zgjedhjet e OSBE në Kosovë është shprehje e pakënaqësisë me institucionet vendore” duke ber përpjekje që të hiqet përgjegjësia nga vet BE që qëndron edhe pas manipulimit të këtyre zgjedhjeve. E cila duke e shtyre vazhdimisht zgjedhjen e statusit të Kosovës qëllimisht i komprimitoi institucionet vendore që ndaj tyre të drejtohet revolta e popullit! Në të vërtetë u arrit efekt i kundërt sepse doli në shesh se këto institucione kukulla janë të manipuluar nga ana e BE kundër interesave të Kosovës, dhe se akuzat ndaj Rusisë e Serbisë janë vetëm maskë, pas të cilës është BE, sepse qëndrimet ruso-serbe i kemi të njohura qe më shumë se një shekull!

As me propagandën se “... pjesëmarrja e ulët në votime është evidente edhe në vendet perëndimore...” nuk mundet të e fsheh faktin se bojkotimi i tyre nga ana e popullit shqiptar është shprehje e revoltës ndaj këtyre faktorëve ndërkombëtar dhe serviseve të tyre të korruptuara vendore që po i lejojnë vetes luxin që të luajnë lojën e djallit duke e shtresuar ekonomikisht, politikisht dhe psihqikisht deri në çmenduri një popull të ter qe 8 vite duke e bëre Kosovën laboratori të Frankeshtajnit. Prandaj dështuan këto zgjedhje e jo pse “ ... u shfrytëzua e drejta demokratike për të vendosur vet për mospjesëmarrje apo pjesëmarrje...”! Populli Shqiptar me bojkot në votime nuk ua dha mandati dhe nuk do ti respekton institucionet e zgjedhura nga pakica, as nuk do ti përfill vendime dhe ligjet që i bje kjo pakicë! Edhe kjo është e drejtë demokratike e shumicës, apo jo !?

Arsyet pse kundërshtohet prania e misonit të BE në vendin tonë, në përgjithësi dhe në Kosovë në veçanti, janë të shumta. Ti përmendim disa.

Së pari, BE është një Organizatë bashkëpunimi i disa qeverive të shteteve të cilat nuk e kanë as përkrahjen e vendeve te popujve të vet për veprimet që po i bëjnë dhe nuk ka kurfar kompetencash që të ushtron rolin e OKB, përndryshe për çka ekziston OKB nëse dikush tjetër mund ti ushtron punët e saj.

Së dyti, brenda BE ekziston një grup shtetesh që kanë krijuar traditë të disponimit armiqësor antishqiptar, qoftë si aleatë të boshtit shovensit sllavo-grek qoftë si armiq të drejtpërsëdrejti të popullit dhe të vendit ton, që aktualisht apo në të kaluarën kanë kryer agresione armiqësore ndaj shqiptarëve! Posaçërisht edhe pse disa nga Fuqitë e vjetra të Evropës brenda BE vazhdimisht koketojnë me Rusinë duke i ber asaj lëshime të përhershme në dëm të trojeve shqiptare dhe duke thurrur bashkararisht komplote antiamerikane! SHBA është vend mik tradicional i Popullit Shqiptar dhe shqiptarët nuk do të e durojnë dhe kurrë nuk do të e tolerojnë ne vendin e vet antiamerikanizmin euro-rus!

Së treti, BE synon të anashkalon praktikën e njohjes ndërkombëtare të pavarësisë të Popujve që ishin elemente konstituive nën sundimin kolonial të ish federatës jugosllave, si pas normave të bazuara në Kartën e OKB:

Së katërti BE, çështjen e Kosovës donë të e “zgjedhë” në bazë të Planit të Ahtisarit i cili është plan i hartuar nga BE për pamundësimin e realizimit të se drejtës legjitime në pavarësi dhe në vetëvendosje nga ana e Popullit të Kosovës duke shkelur mbi të drejtën e ti sovrane për të vendosur vet për fatin e vet! Dalja me Plane të prodhimit Ahtisari nuk ka ndodhur kur është ber njohja e Sllovenisë, Kroacisë, Mali të zi e tj. e pse duhet kjo të bëhet tani për Kosovën?

Së pesti, BE me misionin e vet në Kosovë synon “legalizimin e kufijve “ndërkombëtar brenda trojeve etnike kombëtare shqiptare dhe pamundshmin e integrimit të tyre me shtetin e vet Amë – Republikën e Shqipërisë derisa në të njëjtën kohë imponon integrimin me BE. Me këtë BE vehet në mbrojtje të sundimit kolonial sllavo-grek mbi pjesët e territorit etnik të Popullit Shqiptar të cilat u ndan nga tërësia e kufijve natyror të Shqipërisë në fazat e fundit të shpërbërjes së ish Perandorisë Osmane dhe me dhunë barbare u futën nën sundimin e Greqisë dhe Serbisë në të cilën hapësirë më vonë u krijuan edhe ish Republikat e Malit të Zi dhe Maqedonisë!

Së gjashti, BE me Planin e Ahtisarit e shpronëson Popullin Shqiptar nga trojet e veta etnike, “pronëson” me territore shqiptare koloninë serb e grupet tjera etnike të ardhura nga vendet e treta, duke i privilegjuar ata në dëm të popullit vendas, në vend se të kërkohet respektimi i të drejtave për pakicat kombëtare si pas Kartës së OKB, si standard ndërkombëtar.

Së shtati, përmes të falsifikimit të simboleve kombëtare si Flamuri, Stema, Himni e tj. përpiqet të e falsifikon identitetin nacional shqiptar të Kosovës duke ber përpjekje që të krijon një “komb” artificial ose të e shpall Kosovën si vend pa popull-pronar duke e cilësuar at si vend “multietnik”. Edhe pse në Kosovë ka më pak pakica kombëtare në përqindje se në cilido vend tjetër të Evropës.

Së teti, BE me misionin e vet në synon që praktikisht të e kryen një akt aneksimi të Kosovës nën sundimin e BE me çfarë BE hynë në Kosovë por pa i lejuar Kosovës që të hynë në BE si një subjekt i barabartë, me çfarë Kosova vazhdon të jetoi në një burg kolektiv të vizave duke u shkel të drejtat e njerëzve në lëvizje të lirë dhe nën sundim të huaj!.

Është e natyrshme se derisa BE të ketë një qëndrim të tillë destruktive, diskriminues dhe antishqiptar, Populli Shqiptar i Kosovës do të e kundërshtoi edhe hyrjen e BE në Kosovë edhe hyrjen e Kosovës në BE. Nëse BE e ndryshon këtë qëndrim ndaj vendit tonë në kaheje pozitive, edhe vendi i ynë do të e ndryshoi qëndrimin në reciprocitet me situatën e re! Tani për tani, për shkak të gjitha këtyre fakteve që u përmendën dhe atyre që nuk u përendën, misioni i BE është i pa durueshëm në Kosovë dhe në vendin tonë në përgjithësi.

Kjo nuk do të thotë se me ato vende mike të shqiptarëve që gjenden të anëtarësuara anë BE Vendi dhe Populli i ynë të ndërprenë mardhënjet miqësore. Përkundrazi, me vendet mike që janë anëtare në BE Kosova do të vazhdoi të kultivoi mardhënje të mira duke e konsideruar se anëtarisa e tyre në BE është çështje e tyre e brendshme.

Për këto arsye që u përmendën me lartë ka mundësi që në marrëveshje mes OKB dhe Kosovës të arrihet një qëndrim i përbashkët për krijimit e një Misioni të SHBA dhe Brianisë së Madhe i cili do të qëndronte për një hapësirë kohore në Kosovë pas njohjes së pavarësisë së Kosovës me një mandat i cili mbështet në Kartën e OKB por assesi në Planin ilegal të Ahtisarit! Gjithsesi nuk ka më prani legale ndërkombëtare në Kosovë pa dhenjen e pëlqimit të vet Popullit me referendum, se cilat vende, në cilën cilsi dhe për sa kohë lejohet prania e tyre në vendin ton!


Paraqet:Sabri Selmani
kiel-Gjermani

__________________
Vetem me ndihmen e Zotit arrihet qellimi.