Gjithçka në një picë

Është pjata unike më e pëlqyer në mbarë botën. Pica është në vendet e para të preferencave ushqimore të italianëve. Falë vlerave të saj ushqyese mund të zëvendësojë makaronat dhe falë përbërësve që ka është e përsosur për këdo që merret me aktivitet sportiv. Është e pasur me karbohidrate dhe mund të ndihmojë ata që duan të dobësohen në mënyrë graduale. Por ama nuk mund të thuhet që është dietike: 100 gram pica me domate dhe mocarelë përmbajnë 271 kcal, 52 g karbohidrate, 5.6 g proteina dhe disa lloje yndyrnash.
Bëni kujdes me brumin e picës
Mielli duhet të pregatitet me grurë të tipit 00 ose 0. Mënyra më e mirë për të bërë zënien e brumit është me maja birre: por bëni kujdes se në çfarë ambjenti është ruajtur ajo. Gjatë këtij procesi një pjesë e karbohidrateve përbërëse të miellit janë shkatërruar nga mikroorganizma dhe janë shndërruar në sheqerna më të thjeshtë pra dhe dhe më të tretëshëm dhe burim i një energjie të thjeshtë. Një pregatitje e rregullt e brumit garanton një konservim të përqëndrimit të duhur të karbohidrateve të përbëra të domosdoshme për të garantuar një burim rezervash energjie. Një këshillë praktike: Brumi është gati kur një pjesë e vogël e tij pasi hidhet në ujë, nuk fundoset, por qëndron në sipërfaqe. Brumi nuk duhet të jetë shumë i fortë dhe duhet të ketë një ph afër neutralit. Këshillohet dhe kripa e detit e pasur me jod, substancë që bën të mundur mirëfunksionimin e gjëndrave tiroide.
Domate të qëruara dhe vaj ulliri kundër rrënjëve të lira.
Elementet zbukuruese rrisin cilësinë ushqyese të picës duke i shtuar bazës së kushtëzuar nga karbohidratet, proteina dhe yndyrna. E pamungueshme, domatja ka një përmbajtje me kalori shumë të ulët, furnizon organizmin me fibra shumë të domosdoshme për tretjen si potazi, magneziumi, zinku, seleni dhe mbi të gjitha likopeni që lufton rrënjët e lira përgjegjëse për plakjen e qelizave. Vaji shumë i pastër i ullirit normalizues i shëndetit të zemrës dhe arterieve garanton prurjen e të mirave të vajrave vegjetale dhe të polifenolit.

Mocarela për shumë energji
Të ushqyerit duhet të bëhet me një zgjedhje të kujdesshme por pica është e pasur me proteina të thjeshta që mund të merren duke shtuar në pica mish, peshk dhe djathë, thonë specialistët e ushqimit. Djathi mocarela, parmigiano apo djathi i deles shtojnë sasi të mëdha proteinash dhe yndyrnash dhe janë të pasura me kalcium. Po ata që preferojnë proshutën? Prodhimet me mish derri duhet të konsumohen me kujdes. Janë të pasura me yndyrna dhe kripëra. Nuk janë të këshillueshme për ata që vuajnë nga hipertensioni por janë të nevojshme për anemikët falë përbërjes së tyre me hekur. Më pas picës mund t’i shtohen dhe perime të ndryshme, miniera të vërteta fibrash por dhe kripërash minerale shumë të domosdoshme për stinën e nxehtë kur këto humbasin me shumicë së bashku me djersën.
Vegjetariane: Është zgjidhja më e mirë. Në piceri është shumë i madh sikleti i zgjedhjes por më e mira nga pikëvështrimi ushqyes është pica vegjetariane e pasur me perime siç është duke qenë secila nga to një burim më vete. Kungulli përmban potas, i dobishëm për qarkullimin e gjakut gjatë ciklit menstrual. Hudhëra përmirëson proçeset e tretjes dhe ka veti kundër tharjes. Spinaqi është shumë i pasur me vitaminë A, C dhe potas. Ndërsa specat janë të vështirë për tu tretur dhe kërpudhat duhet të evitohen nga ata që kanë probleme me mëlçinë dhe ata që kanë probleme në tretje.

Një margarita dhe për diabetikët dhe të shëndoshët
“Dhe diabetikët dhe të shëndoshët mund të hanë pica - thonë specialistët. Por duhet të zgjedhin llojin “më të varfër” ushqimor me sa më pak mocarela. Ndërsa ata që kanë probleme shumë të mëdha me shëndetin dhe i druhen një ushqimi të pregatitur nga të tjerët, mund ta pregatisin picën në shtëpi duke i futur përbërësit e rekomandueshëm për shëndetin e tyre, ndërsa brumin mund ta pregatisin dhe me miell misri ose soje.
Edhe e ngrirë por pa dhjamë
Po kur nuk kemi kohë që të shkojmë në piceri? Në këtë rast mund të përdorni picat e ngrira. Kanë një përbërje ushqyese dhe kalori të njëjta. Por ata që duan të ushqehen në mënyrë të shëndetëshme, duhet të kontrollojnë që të mos ketë dhjamë, ndonjëherë i përzier me përbërës të tjerë për të rritur shijen. Dhjami është një yndyrë me origjinë nga kafshët i pasur me superkalori.


Të gatuash me mjekun
Një dietë me provën e puthjes
Është e kotë të thuhet që për të patur një aromë të këndëshme të gojës duhet të evitohet konsumimi i hudhrave dhe i qepëve. Por nuk janë këto faktorët e vërtetë që shkaktojnë erën e rëndë të gojës. Në origjinë të këtij problemi është një ushqim i parregullt apo kariesi dhe gurëzat e dhëmbëve. Në rastet më të shpeshta aroma e rëndë mund të jetë pasojë e problemeve gastrike, epatike apo deri dhe diabetike. Dhe një regjim i parregullt për t’u dobësuar mund ta favorizojë. Ndërsa një dietë dizontiksuese mund të lehtësojë dhe në disa raste dhe të zgjidhë problemin. Duhet të kufizohen mishi dhe djathërat, pijet superalkolike, ushqimet e konservuara dhe ëmbëlsirat me bazë gjalpin dhe ajkën. Një po të fortë për frutët dhe perimet e pagatuara, drithërat, bukën, orizin dhe arrat. Mes ëmbëlsirave është mirë që të zgjidhen akulloret me fruta dhe produktet e ngrira.

Makarona të aromatizuara
Përbërësit për katër persona: 350 g makarona; 8 domate të pjekura; 4 kunguj; një tufë të vogël mendërz të freskët; një tufëzë majdanoz, vaj, kripë.
Ndajini domatet në katër pjesë dhe vendosini në ujë të zier të kripur, shtypini derisa të krijohet një masë e njëtrajtëshme, hiqini bërthamat dhe ndajini në pjesë. Kriposini pjesët dhe shtypini përsëri. Shkëpusni nga kërcelli gjedhet e majdanozit dhe të mendërzës dhe i lani. Hiqini zemrën e kungujve dhe pritini në rripa të hollë. Bashkojini në një enë kungujt, domatet dhe majdanozin e grirë trashë dhe gjethët e mendërzës duke mbajtur disa për t’i përdorur për dekorimin. Kriposini dhe përziejini me vaj duke i lënë për 20 minuta. Ziejini makaronat me ujë të bollshëm dhe të kripur dhe pasi të jenë gati, përziejini me masën e pregatitur më parë.

Akullore me pjeshkë dhe çaj
Përbërësit për 6 persona: 200 g sheqer, ata që janë me dietë mund ta zëvëndësojnë me 200 g ëmbëlsues, një tufë me gjethe mendërze, një lugë çaj jasemini, një paketë të vogël vanilje, 1.5 kg pjeshkë, tre lugë lëng limoni, lëkurën e grirë të një limoni të papërdorur.
Përgatisni shurupin duke ngrohur gjysmë litri ujë me sheqerin, lëkurën e limonit, vaniljen dhe fletët e mendërzës të lara më parë. Lëreni të ziejë për tre minuta pastaj hiqeni nga zjarri duke shtuar çajin e vendosur më parë në një garzë të imët. Lëreni në ujin e nxehtë për tre-katër minuta dhe më pas hiqeni garzën dhe çajin. Qërojini pjeshkët, hiqini bërthamat dhe më pas i pritni në pjesë. Vendosini në shurupin e pregatitur për 20 minuta duke lenë menjëanë gjethet e mendërzës. Më pas shtoni lëngun e limonit dhe grijeni komposton në mikserin e frutave. Vendoseni në një enë të gjërë dhe lëreni në frigorifer për 4-5 orë duke e përzier në mikser çdo orë dhe duke e vënë përsëri në frigorifer. Servireni në gota duke e zbukuruar me gjethe mendërzë apo melise.