Sparta Pragë - Beshiktash

Sparta e Pragës ka marrë një lajm të mirë para përballjes me turqit e Beshiktashit, pasi ish-lojtari i përfaqësueses çeke, Jirzhi Nemeç, është përsëri në dispozicion të trajnerit dhe pritet të forcojë mesfushën. Një tjetër mesfushor, Pavel Pergl, duhet të tërhiqet në krahun e djathtë të mbrojtjes, pasi titullari Martin Petras nuk e ka arritur ende formën më të mirë. Pergl u testua të dielën, në fitoren 1?0 ndaj Viktoria Zizkovit. Çekët i kanë vendosur shpresat te mesfushori i talentuar Zelenka, i cili ka tërhequr vëmendjen e disa klubeve evropiane. Trajneri i Beshiktashit, Mirçea Luçesku, ka disa probleme në sulm, kështu që egjiptiani Ahmed Hasan duhet të fitojë një vend në formacion. Sulmuesi Ilhan Mansiz është i pezulluar, pasi mori karton të kuq në ndeshjen e shkuar ndaj Çelsit, ndërsa organizatori Sergen Jalcin ka pësuar një dëmtim. Gazetat turke kanë shkruar se sulmuesi Ahmet Dursun nuk ka arritur ende të shërohet, kështu që ka pak shpresa për të luajtur. Mesfushori Tumer Metin ka pësuar një dëmtim në kavilje në ndeshjen e fundit të Beshiktashit në kampionatit turk dhe përfshirja e tij në formacion do të vendoset vetëm para fillimit të ndeshjes. Lojtari kryesor i Beshiktashit është mesfushori italian Federiko Xhunti, pasi nga këmbët e tij lindin të gjithë aksionet turke.