Parajsa Shqiptare Forum - Shikoni Postime te vecuara

antigona · #43 15-10-2003, 12:52

EURO*
Kartmonedhat e euros vijnë nga Evropa Juglindore

Me vënien e monedhës euro në qarkullim është menduar se ajo është e mbrojtur nga falsifikimi. Mirëpo shumë shpejt besimi i tillë është dëshmuar si iluzor. Ndërkohë Bavaria dhe Austria janë bërë sheshe lodrash për falsifikuesit e parave. Strategjia e koncentrimit evropian për luftimin e falsifikimit të parave, doli nga mbledhja e ekspertëve në Vjenë, organizuar nga enti për kriminalistikë të Bavarisë dhe Enti federal i Austrisë për kriminalistikë. Drejtuesi i zyrës për paratë e falsifikuara në entin për kriminalistikë në landin e Bavarisë, Eduard Liedgens, flet madje për garën ndërmjet bankave emetuese dhe bandave: "Pohimi del përjashtimisht nga kualiteti. Dëshmia kuptohet në raport me faktin se falsifikatorët aktualisht janë në gjendje që të gjitha tiparet e rëndomta t’i imitojnë kështu që laikët nuk kanë kurrfarë shanse të bëjnë dallimin e qartë nga paraja false".
Më në fund euro është paraja e njohur në mbarë botën, e cila do të përdoret në shumë vende të botës sikur dollari amerikan. Paraja euro bashkon Evropën mirëpo edhe energjia kriminale në anën tjetër bashkon falsifikuesit e parave. Kështu ata përdorin dallimet në Kodin Penal të vendeve evropiane, të cilat u sigurojnë rrugëdalje të mëdha. Në disa vende bie fjala përgjimi i telefonave apo vendosja e gjurmuesve sekret nuk është i lejuar në luftimin e krimit të falsifikimit. Vetëm harmonizimi i legjislacionit si dhe komunikimi më i mirë dhe më i shpejtë ndërmjet strukturave të ndryshme të policisë në vende të ndryshme do të mund t’i zinte mjeshtrit për falsifikimin e parave. Ky ishte mendimi kryesor në mbledhjen e ekspertëve të krimit në Vjenë nga BE dhe nga vendet e Evropës së Mesme dhe ajo Lindore.
Erich Zwettler, drejtues i sektorit për luftimin e krimit të organizuar, në zyrën federale austriake për kriminalistikë ka njoftuar për më shumë se 15 000 raste të falsifikimit të parave, vetëm në gjashtëmujorin e parë të këtij viti në territorin e Austrisë. Zëvendësministri bullgar i Punëve të Brendshme Bojko Borissow, ka njoftuar madje për eliminimin e 12 shtypshkronjave ilegale gjatë vitit të kaluar. Në përgjithësi prodhimi i parave false në Bullgari, në kohën e fundit është kthyer prapa për 70%.