Shumë prej nesh kemi ëndërruar që të kemi pikërisht ato buzë, që realisht nuk i kemi. Në kohët e sotme zgjidhja nuk është aq e vështirë sa dikur. Kirurgjia plastike na vjen në ndihmë të gjithëve. Po sigurisht për të pasur buzët e dëshiruara një ndërhyrje kirurgjikale shoqërohet gjithmonë me frikë nga ana jonë. Në momentin që e marrim parasysh një ndërhyrje të tillë, padyshim na lindin disa pyetje, të cilat disa mjekë estetikë u janë përgjigjur si më poshtë

Pyetja e parë që na vjen në mendje kur mendojmë për një ndërhyrje kirurgjikale të buzëve, është a ndjen shumë dhimbje, mos është shumë i vështirë? Për të nisur procedurën e një ndërhyrje kirurgjikale injeksioni, që bëhet në fillim është një dhimbje fare e vogël dhe e papërfillshme, dhe kjo sigurisht falë përgatitjes,që i bëhet kësaj zone me anestezi ose thjesht me akull.

Po sa kohë zgjat ndërhyrja?
Koha e nevojshme për të vendosur silikonin në buzë është vetëm 10 minuta, që ndonjëherë mund të duket edhe një kohë e gjatë, por duhet të shtojmë se përpara se të nisësh trajtimin e buzëve është shumë e rëndësishme të kuptohet dëshira e pacientit për aparencën që ai kërkon. Kjo bëhet paraprakisht me disa vizita, në mënyrë, që kujtdo t’i këshillohet pamja më e mirë e mundshme.

Cili është rreziku i një ndërhyrjeje të tillë? Cilat janë rreziqet që mund të na shoqërojnë pas ndërhyrjes?
Pas trajtimit, që i bëhet pacientit, ai mund të reagojë shumë mirë, por edhe mund t’i ndjejë të ënjtura buzët. Kjo gjë në fakt kthehet në normalitet pas disa orësh, kjo falë dhe përdorimit të kremrave të duhura pas operacionit, ose thjesht përdorimit të akullit.

Nuk është aspak e nevojshme të shqetësoheni për një gjë kaq të vogël.
Një operacion i tillë duhet të përsëritet shpesh, apo e bën njëherë dhe nuk është nevoja të bësh ndërhyrje të tjera.
Ky lloj operacioni është i kënaqshëm për një periudhë kohe prej 4-6 muajsh, por ka pasur raste me shumicë, që u ka shkuar deri një vit. Por kjo nuk do të thotë që pas kësaj kohe buzët tona të shëmtohen, ato stabilizohen me kalimin e kohës.

Cilat janë rreziqet e mundshme që mund të na shoqërojnë me këto lloj ndërhyrjesh?
Nuk ekzistojnë rreziqe, që nuk mund të evitohen, përfshi këtu dhe pritshmërinë, që mund të ketë trupi ynë për një operacion të tillë.
Ajo që është vënë re nga të gjithë, është që gjithmonë e më shumë “buzët me silikon” dominojnë tek personat e televizionit dhe spektaklit.

Çfarë ka ndryshuar në këto lloj ndërhyrjesh qysh në kohën që këto lloj operacionesh mund të quheshin “Pioneristike”. Me kalimin e kohës çfarë ka ndryshuar?
Teknikat e këtyre ndërhyrjeve nuk është se kanë ndryshuar dhe shumë. Bëhet fjalë sigurisht për evoluime të materialeve të tipave, që përdoren në këto procedura estetike. Kanë ndryshuar shumë dhe tërësisht rreziqet, që mund të ekzistonin dikur. Gustoja estetike është maturuar nga dita në ditë dhe sot kërkohet që të bëhet një buzë sa më natyrale, që të jetë e mundur. Është e vërtetë dhe fakti, që personat e spektaklit kërkojnë buzë sa më mishtore dhe që bien shumë në sy, kjo dhe për shkak të paraqitjes së tyre. Gjithsesi kjo është diçka, që varet nga çdo person dhe buzët bëhen sigurisht sipas kërkesave të vetë njerëzve.

Duke kaluar mosha shumë gra kanë vënë re rrudha përreth buzëve të tyre. Çfarë tipi ndërhyrjeje rekomandohet për ata, që duan të kenë një lëkurë të tendosur në këtë zonë kaq delikate?
Për të eliminuar këto tipa rrudhash ndërhyrjet kirurgjikale bëhen në atë mënyrë, që të tendoset lëkura dhe gjithmonë mendohet që të bëhet një punë më tepër kualitive sesa një punë që do të na japë buzë sa më të trasha. Ndërkohë, që këto lloj formash mund të na kufizojnë tek tendosja e lëkurës, ku një gabim i tillë mund të vërtetohej sa herë që dikush të na shihte në profil.

Sa kushton një ndërhyrje e tillë tek buzët?
Shifra shkon nga 250 deri në 600 euro dhe kjo varet nga materiali i nevojshëm dhe i duhur për buzët e kujtdo për të pasur sigurisht rezultatin e kërkuar.

__________________
The heaven's sound is composed inside your heart, listen to its beat to syncronize your life onto the angel's steps.