Kimi Raikonen në sezonin e ardhshëm mund të zëvendësojë Fernando Alonson te skuderia Renault. Tashmë në Formulën 1 ka filluar të flitet shumë për merkaton e pilotëve për sezonin e ardhshëm. Një nga lëvizjet më të bujshme që është bërë e ditur deri tani, ka qenë kalimi i kampionit të botës në fuqi, Fernando Alonsos, te skuderia McLaren Mercedes për sezonin 2007. Por tashmë një nga emrat më të lakmuar është ai i Kimi Raikonenit, i cili pa dyshim nuk do të preferonte të kishte shok skuadre Alonson. Megjithatë, sipas mediave spanjolle, finlandezi mund të firmosë me Renault në në sezonin e ardhshëm. Emri i Raikonenit është lakmuar shumë edhe për një kalim te skuderia Ferrari, si shok skuadre i Majkëll Shumakerit, edhe nëse ky i fundit vendos ta shtyjë kontratën e tij. Por nëse ndodh me të vërtetë kështu, Raikoneni nuk do të jetë shumë i kënaqur. Ai kërkon të ketë një makinë kompetitive dhe një skuadër, e cila të punojë për të dhe jo të jetë në rolin e pilotit të dytë.

Raikoneni i bashkohet Montojës në testimet e Silverstonit
Kimi Raikonen i është bashkuar dje Huan Pablo Montojës në testimet që është duke zhvilluar skuadra e tyre në Silverstone. Kushtet klimaterike të pistës janë përmirësuar ndjeshëm me kalimin e ditëve dhe kjo, me sa duket, i ka lejuar skuadrës të zhvillojë akoma më shumë testime. Përveç këtij programi, të dy pilotët zyrtarë të skuderisë nga Uokingu kanë testuar edhe konfigurimet aerodinamike të makinës së re MP4 21. Kimi Raikonen e ka përfunduar këtë sesion testimesh në vendin e pestë. Në të vërtetë, shkak për këtë paraqitje jo shumë të mirë ka qenë një problem hidraulik, i cili e ka detyruar finlandezin t'i përfundojë provat më përpara planifikimeve që kishin bërë inxhinierët e tij. Edhe në testimet e sotme do të jenë të pranishëm të dy pilotët zyrtarë të skuderisë nga Uokingu, në pistën e Silverstonit.

__________________
Try not to become a man of success but rather to become a man of value - Einstein Albert.