Flavio Briatore, përveç se është një personazh simpatik, i cili bën një jetë luksoze, është edhe një nga drejtuesit dhe menaxherët më të mirë të Formulës 1. Një ditë më parë, ai u është përgjigjur pyetjeve që i kanë bërë tifozë të ndryshëm në lidhje me garën e kaluar dhe me gjendjen aktuale, por edhe për të ardhmen e skuadrës së tij. Në fillim e kanë pyetur se cili ishte problemi që Alonso nuk arriti të parakalonte Shumakerin dhe italiani përgjigjet: "Ishte problemi i pistës së Imolas, e cila është shumë e ngushtë dhe nuk lejon parakalime. Ajo është e ngjashme me pistën e Budapestit dhe të Montekarlos. E vetmja mënyrë për ta kaluar Shumin në atë garë, ishte t'i hipje sipër."
Çfarë mund të na thoni për merkaton e skuadrës suaj për sezonin 2007?
Kovalainen është me të vërtetë një fenomen, megjithatë i duhet të zhvillojë akoma edhe 15.000 kilometra.
- Do të jetë shok skuadre te Renault ja me Montojën?
- Jo, nuk shoh një dyshe të tillë.
Cila është receta juaj që ju bën të jeni kaq i suksesshëm dhe çfarë ambiciesh kishit kur ishit i vogël për të arritur këtu ku keni arritur?
Nuk duhet të bëhesh medoemos Flavio Briatore. Në çfarëdo pune që të jesh, duhet të ndihesh si një fitimtar.
Si mund të arrihet të ndërtosh një "perandori"?
Edhe unë kam qenë dikur një kamerier dhe atë gjë e bëja shumë mirë.
Me Fizikelën duket se gjërat janë më të thjeshta sesa kur kishit Trulin.
Gjërat nuk funksionojnë kështu. Jarno është një mik i imi, megjithatë një pilot ka raste që nuk duhet të justifikohet, duhet të thotë që gabova dhe kaq.
Në Imola mendoni me të vërtetë se është e pamundur të parakalohet?
Pikërisht kështu, është një nga tri pistat ku nuk mund të bëhen manovra të tilla, ashtu si në Hungaroring apo në Montekarlo. Për fatin e mirë, të gjitha pistat e reja që ndërtohen, kanë si synim që të jenë sa më të gjera, që t'u japin më shumë mundësi pilotëve për të bërë parakalime.
Domethënë, vendi i parë në provat zyrtare të garës së Imolas vlente 10 pikë. Përse nuk japin pikë për vendin e parë të provave?
Kjo gjë bëhet në kategori të tjera të garave, me makina si në GP, ku të gjitha makinat janë njësoj. Në Formulën 1 ka shumë gjëra që ndryshojnë si strategjia apo sasia e karburantit.
Ju jeni një shenjtor i Formulës 1, do të arrini të nxirrni një pilot italian kampion?
Do ta provoj diçka të tillë, një italian e kam në skuadër që prej dy sezonesh.
Në garën e Imolas arritët të rikuperonit 11 sekonda për shumë pak xhiro, çfarë mund të na thoni?
Një garë do ta fitojmë ne, një tjetër prapë ne, një tjetër prapë ne dhe një do ta fitojë Ferrari.
Në garën e Imolas u duk se gabuat në strategji, duke futur Alonsos më përpara se ç'duhej.
Të them të vërtetën, e menduam një gjë të tillë, por edhe sikur Alonso të futej në bokse pas 4 xhirosh, nuk do të kishte ndryshuar asgjë.
Mendoni se Ferrari mund të humbasë edhe në këtë sezon, për shkak të gomave?
Mjaft me këtë histori, pasi pikërisht për këtë arsye janë ndryshuar sërish edhe rregullat. Nëse është kështu, le të marrin një furnizues tjetër gomash.
Më e mirë është Formula 1 e kohëve të sotme apo ajo e së kaluarës?
Pa dyshim që ajo e së kaluarës. Të gjithë ishim më shumë miq. Për sa i përket pjesës tjetër, gjithçka është e njëjtë, edhe pse aktualisht për të qenë fitimtar, të duhet dyfishi i personelit në krahasim me të shkuarën.
Mund të na thoni nëse makina e Fizikelës është më pak e qëndrueshme se ajo e Alonsos? Ndoshta në sezonin 2005 mund të ishte kështu, pasi ishim një skuadër e re. Ndërsa në këtë sezon, makinat e të dy pilotëve tanë janë të njëjta.

__________________
Try not to become a man of success but rather to become a man of value - Einstein Albert.