LARG PASQYRAVE

Përsosja ime
qe lojë pasqyrash,
performancë dinake e deformimit,
që ma ngriti në njëqind për qind
shifrën e vogël të pretendimit.
Kështu
në duar nepsesh
e vura veten,
pikante e shtatzanore krejt,
që ditën të më hipin në anijen e duhur,
por që anijen ma mbytën në det.
Larg nga pasqyrat ...
larg të them ! ...
Ti pak shpirt që ke mbetur në mua,
ti pak shpirt që ende di të qash,
ti pak shpirt që ende di të vuash.