Ndoshta nuk e dinte, mbase dhe e kishte planifikuar që libri “Kodi i Da Vinçit” do ta bënte një ndër personazhet më të pranishëm. Fama e tij erdhi mes kureshtjes, paragjykimeve dhe debateve. E së fundmi e ka bërë edhe protagonist të një proçesi gjyqësor. “Kodi i Da Vinçit” i vjedhur? Përgjigjja ende vërtitet në Gjykatën e Lartë të Londrës. Shkrimtarët Michael Baigent dhe Richard Leigh kanë hedhur në gjyq shtëpinë botuese të Brown, “Random House”, për shkeljen e të drejtës së autorit, duke quajtur librin e tij “arkitekturë e përshtatur” e librit jo letrar “Gjaku i Shenjtë dhe Grali i Shenjtë.” i vitit 1982.

Seancat gjyqësore ku Brown ka qenë si dëshmitar kanë vazhduar edhe këtë javë. Por gjithmonë ai e ka hedhur poshtë faktin që ka shkëputur idetë kyçe për të realizuar trillerin e tij. E pranon se e ka lexuar këtë libër, por kjo ka qenë në kuadrin e 38 librave të tjerë dhe dokumentave të shumta për të rindërtuar novelën. Në shumicën e intervistave ai është shprehur se “nuk jam i çmendur për fjalën “kopje”. I kopjuar përfshin faktin që kjo është identike. Kjo nuk është identike”. Madje ai ka theksuar se ishte i sigurtë që gruaja e tij, e cila drejtoi shumicën e kërkimeve, e ka lexuar “Gjaku i Shenjtë dhe Grali i Shenjtë” vetëm pasi ai i kishte parashtruar versionin e tij për novelën që do të bëhej “Kodi i Da Vincit” agjentit të tij në janar të 2001-it. Ka theksuar që do të tërhiqej duke u ndjerë i pafajshëm. Për të, gjatë vitit të parë të kërkimit të emrave, vendeve dhe dokumentave për të rindërtuar novelën, faktet tashmë ishin trilluar në mendjen e tij.

Zbulimi i Brown
Nuk mund të mos reagonte. Këtë javë e ka vizituar shpesh sallën e gjyqit si dëshmitar. I pozicionuar në palën mbrojtëse të shtëpisë botuese “Random House”, Broën paraqiti një formular dëshmie që jo vetëm hodhi poshtë deklaratën e Baigent dhe Leigh, por gjithashtu i hapi rrugën një vëzhgimi të gjerë brenda jetës private dhe profesionale të tij. Rrugëtimi nis që në fëmijërinë e hershme për të arritur te “Kodi i Da Vinçit”, libri i kureshtjeve, reagimeve dhe debatit. Në formular janë paraqitur edhe argumentet e kërkimeve të shumta që autori ka bërë për të formësuar librin, duke përjashtuar punën e bashkshortes.Djali i një babai agnosticist dhe i një nëne me rite fetare, duket qartë që Brown kishte lindur midis besimit dhe llogjikës. Shembulli i qartë ishte Leonardo Da Vinçi , një personifikim ideal i konfliktit të vetvetes. Në të njëjtën kohë, Brown kishte një informacion të gjërë për stilet e tregimeve që ai mund t’i shfaqte publikut. Ishte i habitur që novela e tij nuk u mirëprit. Nuk ishte përgatitur për “stuhinë kundërshtuese” ndaj librit të tij.

Libri
Një vrasje në heshtje. Një orë pas ndodhisë në korridoret e muzeut të Luvrit nis zbulimi i një intrige, një sekret i cili ruhej nga një shoqëri e fshehtë prej shekujsh. Viktima ishte një agjent me pozitë të lartë në këtë shoqëri të lashtë, e cila në momentet para vdekjes së tij u kujdes për të mënjanuar ose larguar të dhëna të frikshme në skenë. Vetëm mbesa e tij Sofi Neveu një kriptografe dhe Robert Langdon, një simbologjist i njohur mund t’i nxirrnin në pah. Të dy u bënë dyshues dhe filluan të merreshin me zbulimin e enigmës. Misteri i drejtoi Neveu dhe Langdon në një udhëtim të beftë nëpër Francë, Angli dhe labirinthet e kësaj historie. I shitur në më shumë se 40 milion kopje që kur është krijuar tre vjet më parë, ka tërhequr vëmendjen edhe të lexuesit shqiptar. Pati nga ata që e pëlqyen, që e paragjykuan dhe të tjerëve që iu duk i çuditshëm. Ndryshe ka ndodhur në botën perëndimore. Libri preku ndjenjat fetare dhe ngjalli reagimin e ashpër të kishës.

Filmi
Nuk ka vonuar që fama e librit të Dan Brown të përkthehet edhe në film. Por gjyqi për vjedhje të librit mund të jetë një kanosje për të. Është parashikuar që premiera të prekë sallat e kinemave më të mëdha më 19 maj 2006. Filmi nuk ka ngjallur vetëm kurrshtjen e të apasionuarve. Fituesit të çmimit Oscar, Ron Howard ka marë 100 milion dollarëve për realizimin e tij. Nuk do të jetë vetëm një triller, por mbi të gjitha një film dramatik. Pas përpjekjes së tij qëndron një kast i fortë artistësh ku përveç Tom Hanks(që do të interpretojë protagonistin kryesor, Robert Langdon) është Audrey Tautou(Sophie), Sir Ian McKellen(zoti Leigh Teabing), Paul Bettany(Silas) e Jean Reno(Bezu Fache). E megjithatë kundërshtimet e kishës katolike nuk mund të përjashtohen edhe në realizimin e filmit. Janë munduar për të mos vënë në skenografi motive që mund të jenë fyese për ndonjë grup religjoz.

Biografi
I lindur në Exeter N.H. në vitin 1964, Dan Brown është djali i Richard Brown, një profesor matematike ne Akademinë “Phillips Exeter”, dhe Constance Brown, një muzikante, zbatuese e zjarrtë e riteve fetare. Ishte ngatërruar që më përpara në kodet dhe sekretet. Edukatën bazë e mori në kolegjin “Exeter dhe Amherst”. Zgjedhja e parë në karrierën e tij ishte muzika. Por një shpërngulje e detyruar në moshën 20- vjeçare në Los Angeles i lejoi atij vetëm “sukses të limituar”, pavarësisht çmimit inkurajues nga Akademia Nacionale e kompozitorëve. Bashkëshortja e tij e ardhshme, Blythe Neëlon, ishte drejtore artistike e këtij aktiviteti. Debuton në vitin 1998 me “Fortesa e shifruar”, një vrasëse inteligjente, dhe vazhdoi me “Pika Mashtruese” dhe “Engjëj dhe Djaj”.

__________________
The heaven's sound is composed inside your heart, listen to its beat to syncronize your life onto the angel's steps.