Aleks Del Piero dhe Juventus një dashuri që nuk njeh fund

Pas gjashtë muajsh bisedimesh, Pinturikio ka thënë më në fund po. Fantazisti juventin ka pranuar detajet e marrëveshjes dhe tashmë pritet të hedhë vetëm firmën e tij në kontratën e hartuar nga drejtuesit e klubit. Si një kapiten i ëvrtetë ai ka pranuar madje dhe reduktimin e pagës prej 15%.
Ky është rinovimi i tretë i kontratës për Aleks që tek Juventus duket se ka gjetur vetveten. Një lidhje që zgjat që prej 11 vjetësh dhe që zanafillën e ka që prej vitit 1993/94 kur Del Pieros iu propozua një shumë modeste, që vetëm 365 ditë më vonë do të shndërrohej në një nga kontratat më të shtrenja të Itali. Sukseset e tij të njëpasnjëshme dhe përkushtimi absolut do të shpërbleheshin në vitin 1999 kur më në fund atij do ti vendosej në tavolinë një marrëveshje pesëvjeçare prej 5.5 milion eurosh në sezon. Që nga ajo kohë Aleks Del Piero ka shfaqur gjithmonë e më shumë klasin e tij ndërsa Juventus si një partner besnik i ka dhënë gjithë përkrahjen e nevojshme. Ale dhe Juve pra dhe për pesë vjet të tjera sëbashku, më shumë formalisht është e pamundur. Megjithatë dhe mbas përfundimit të këtyre pesë vjetësh, lidhja e ngushtë ndërmjet lojtarit dhe klubit do të vazhdojë të ecë gjithmonë e më përpara. Drejtuesit e klubit i kanë bërë gati tavolinën e zyrtarit atij që pritet të jetë dhe Roberto Betega i ri i Juventusit.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.