Gjermani fiton mbi Raikonen dhe është një hap larg titullit të gjashtë

Shumi është mbret i Indianapolisit


Për një hap. Vetëm për një hap kampioni i botës nuk është laureuar sërish kampion bote. Loja e fjalëve është e paevitueshme, kur flitet për këtë argument me Shumakerin, që tashmë tituj ka gati gjashtë. Gara e Indianapolisit do të futet në histori si cirkuti i surprizave: janë hedhur poshtë të gjithë parashikimet dhe dominuesit e provave kanë luajtur rol dytësor. Problemi qëndron te gjërat që komplikohen, kur shiu shkon e vjen, kur ndërrimi i gomave bëhet një ferr i vërtetë, kur të gjithë strategjitë e studiura mirë shkojnë dëm. Dhe është gjithmonë Shumi përpara të gjithëve. I vetëm arrin të përfitojë me një këmbulje tamam prej një kampioni të çdo situate. Kështu Majkëll ka arritur të befasojë të gjithë, kur në finish ka kryesuar para Raikonen, Frentzen, Heidefeld e Trulli. Por mbi të gjithë para Montoyas, i cili me vendin e tij të gjashtë mbetet jashtë luftës për titull (nëse do të përfundonte kampionatin me pikë të plota me Shumin, ky i fundit do të ishte sërish përpara falë numrit më të madh të fitoreve). Në këto momente titulli ka ngelur i hapur vetëm për Raikonen. Por duhet të bëhet fjalë vetëm për një formalitet: tashmë më i favorizuar është ferraristi. Majkëll shkon në Suzuka me 92 pikë, kundrejt 83 të Raikonen. Që do të thotë se do t’i mjaftojë dhe një pikë e vetme (i teti në klasifikim) për të hyrë në legjendë.

'Shekulli'

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.