Shkurt Java 1.

90 minuta kanë mjaftuar për të krijuar një pamje të parë për ato që do të jenë protagonistet e këtij sezoni në Serinë A.

Java e parë ka shfaqur autoritetin e Kampiones së Juventusit, cinizmin e Interit, spektaklin e Milanit dhe Lacios dhe rikthimin e Romës në skuadrat elitare.

Ndërkohë që surpriza e vetme për momentin mund të quhet Siena, që ka arritur të “vjedhë” një barazim në Peruxhia, pikërisht aty ku një sezon më parë kanë rënë gjigandë si Inter dhe Milan.

Juventus është shfaqur skuadra më kompakte, ku përveç konfirmimeve të Nedved Del Pieros dhe Trezege, që do të jenë shtyllat kryesore të bardhezinjve, kanë bindur dhe dy blerjet e reja Legrotalje dhe Apiah.
Madje ky i fundit duket se ka nxjerrë përfundimisht jashtë loje “pit bullin” Edgar Davids.

Inter i ri por me zakone të vjetra. Morati ka shpenzuar shumë dhe këtë verë, por në javën e parë zikaltërit nuk kanë treguar atë lojë që pritej prej tyre. Duket se është zgjidhur problemi krahëve, por është shfaqur boshllëku në qendër ku Emre dhe Kristiano Zaneti nuk kafshojnë aq sa duhet.

Për 86 minuta intersitët janë thyer përballë murit të mbrojtjes së Modenës për t’iu falur në fund këmbëve të Vierit, që vazhdon të konfirmohet si njeriugol. Milan ndërkohë me fitoren e djeshme ka shfaqur dhe një herë supremacinë e Kampionëve të Evropës.

Ka lanë një shije të mirë loja e brazilianit Kahka, që ka lënë në stol jo më pak për Rui Kostën ndërsa Kafu në të djathtë vazhdon të mbetet absolut. Duatrokitje për Shevçenkon, që mbetet gjithmonë i padiskutueshëm. Lacio ka ruajtur freskinë dhe lojën spektakolare të një sezoni më parë.

Skuadrës së Mançinit i kanë mjaftuar vetëm 45 minuta për të gllabëruar Leçen, ndërsa Roma ka realizuar të pamundurën në “Friuli”. E Privuar nga mungesa e Totit verdhekuqtë kanë arritur rezultat pikërisht në Udine, ku e vetmja skuadër që pati arritur të fitonte një vit më parë ishte Juventus.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.