Koment i shkurter pas javes se pare :

Lacio e Juventus bëjnë goleadë. Zikaltrit fitojnë me dy gola të shënuar në finale. Roma ndëshkon Udinen

Seria A, aty ku fitojnë gjigantët

Për fat më mirë janë Vieri dhe Materazi ata që nuk lënë Interin të dështojë

Futbolli i përfolur i ka lënë hapësirë më në fund futbollit të luajtur, edhe pse retë e polemikave vazhdojnë të enden ngado. Pasi kishte nisur me një barazim 2-2 mes Rexhinës e Sampdorias, Seria A ka gjetur qetësinë përmes ditës së djeshme, ku kanë qenë Lacio e Juventus ata skuadra të cilat e kanë patur fjalën, falë goleadave në portat kundërshtare. Fitore imponuese ajo e Juventusit kundër Empolit (5-1). Një rezultat i firmosur nga Del Piero (2) e Trezeguet (2) dhe i vulosur nga Di Vaio nga pika e 11-metërshit. Ndërkohë që Dinatale ka shënuar golin e nderit për skuadrën e Empolit. Një ndeshje e mbyllur në pjesën e parë ajo mes Lacios e Leçes. Skuadra laciale kishte fiksuar që në pjesën e parë rezultatin 3-1. Ndërkohë që në pjesën e dytë vetëm sa e kanë thelluar atë. Ndërkohë asgjë për t’u shënuar për miqtë,të cilët mendohen se do të kenë të vështirë qëndrimin në Seria A këtë sezon, megjithse është akoma herët për të folur. Pas një pjese të parë të ngadaltë dhe zhgënjyese, Interi luan një 30 minutësh të pjesës së dytë me një ritëm superiori. Rezultati, rastet e shumta me Martins, Van Der Meyde dhe mbi të gjitha, Vieri, i cili në minutën e 58 godet shtyllën dhe po kalon gjithë zonën e portës duke lënë të habitur të gjithë, por duke irituar së tepërmi boberin zikaltër. Një goditje me kokë e Kordobas e pritur nga Balota,pas një hedhjeje spektakollare. Kur rezultati dukej se ishte tepër i vështirë të shkohej më shumë se një barazim 0-0, Helveg, i hyrë në fushë së bashku me Kily Gonzales e Lamouchi në pjesën e dytë, hap një diagonale për Vierin në një nga kundërsulmet e rralla të Interit, i cili këtë herë e gradon mirë topin që do të përfundonte në rrjetë. Pikërisht në përfundim të katër minutave shtesë të këtij takimi të akorduara nga gjyqtari Farina, Materazi shënon një eurogol direkt nga goditja e dënimit. Një e majtë që përfundon në trekëndëshin e portës së Balotës së pafajshëm. Rezultat i vuajtur shumë nga skuadra e Kuperit, por në fund i merituar.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.