Xhastin Henin dhe Roxher Federer në majat tenisit

Xhastin Henin dhe Roxher Federer në majën e tenisit botëror. Turneu i Australia Open pa triumfin e dy raketave numër 1 në botë për meshkuj dhe femra duke konfirmuar dominimin e tyre në arenën ndërkombëtare. Për t’u theksuar janë mbi të gjitha shifrat me të cilët dy tenistët arritën suksesin e tyre të parë në këtë turne. Zvicerani arriti të humbasë gjatë gjithë turneut vetëm dy sete me Devid Nalbandian dhe Lejton Hjuit duke dominuar bindshëm ndaj rivalëve të tij. Për më tepër ai është tenisti i tretë që arrin të fitojë si Masterin ashtu dhe Australia Open, që kur turneu i Melburnit është vendosur i pari në vitin kalendarik.
Për më tepër ky ishte suksesi i 12 në karrierë për Roxher Federer, mbas atyre të Milanos në vitin 2001 ,Sidnejit, Hamburgut dhe Vjenës në 2002 dhe Marsejës, Dubait, Monakos, Hales, Uimbëlldonit, Vjenës dhe Masterit në 2003.
Ndërkohë për Henin përveçse një triumfi që e barazoi numrin e sfidave të fituara me bashkëatdhetaren e saj Klajsters në 9-9, Australia Open ishte dhe turneu i rekordeve.
Henin deri në finale kishte humbur vetëm një set ndërkohë që pas fitoren me Klajsters ajo sigloi suksesin e saj të tretë në Grand Slem pas atyre të Roland Garos dhe Uimbëlldonit ku kundërshtarja kishte qënë gjithmonë e njëjtë, Kim Klajsters.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.