Evropiani i basketbollit: fitojnë skuadrat favorite

Imazhi i skuadrës ruse, si favorite për titullin kampion në evropianin e basketbollit për femra, në edicionin e 29-të të tij, rritet pas fitores së ndeshjes çerekfinale dje në mbrëmje në Patras (Peloponez), 79:66 ndaj formacionit kampion në fuqi, atij
francez. Skuadra polake nuk u ndje në vështirësi ndaj Sllovakisë. Pas dy pjesëve të para, diferenca e krijuar ishte 41:22, falë lojës së Sylvia Vlazalk dhe si gjithnjë të Mlago Dydek. Me lojën e tyre u bashkua dhe Zuzana Zirkova dhe pavarësisht se diferenca u shkurtua disi në pjesën e tretë, fitorja 78:61 e skuadrës polake nuk u vu asnjëherë në dyshim. Polaket do të vihen përballë në gjysmëfinale me formacion çek, që në ndeshjen në grup ka fituar 76:71. Më të mirat në formacion çek janë Hana Machova dhe Lucie Blahuskova. Belgjika nuk pati asnjë shans në ndeshjen me Cekinë pavarësisht nga loja e mirë e An Vuters, që realizoi 12 pikë në pjesën e parë. Por formacioni çek ishte mjagt i fortë për tu përballuar nga talenti i vetëm i kundërshtarit dhe në fund Belgjika pranoi humbjen 62:98 me çekinë. Në gjysmëfinale tjetër përballë do të vihen Spanja me Rusinë. Skuadra spanjole kaloi në çerekfinale formacionin e Serbi & Mal i Zi 76:64. Rusia ndaj Francës mori revanshin e humbjes në finalen e kampionatit evropian të vitit 2001. Dhe do të tentojë përsëri finalen duke u mbështetur te Baranova. Skopa dhe Arkhipova. Për basketbollin francez viti 2003 ishte një dështim, një vit i errët. Skuadra e femrave dorëzoi titullin kampione të kontinentit, si dhe humbi të drejtën për të marrë pjesë në turneun olimpik, Athinë-2004. Po këtë fat pësoi dhe skuadra e meshkujve që nuk do të udhëtojë për në Athinë vitin e ardhshëm.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.