shkruan: xheladin hamza

NJËTRAJTËSI

Jam humbur
Në botën e çmendurive

Shoh njerëzit që dëgjojnë
Melodinë e këngëve
Me harfe të këputura
Në të njëjtën kohë
Qajnë dhe qeshin...

Thua se të gjithë të barabartë janë
Të lumtur dhe të humbur
Të përvajshëm dhe të buzëqeshur
Me dhembje shpirti dhe dashuri
Ecim me hapa të njëjtë në shpejtësi...

Në kohën e çmendurisë
Mes nesh
Asnjë dallim s’ka....

21. 09. 2007.

shkruan: xheladin hamza

MBI SUPET E MIA

Sot dënesa pa trokitje
Dyert e shpirtit mi hapi

Mbi supet e mia të molisur
Vetmia me sytë e përlotur
Zbriti dhe u mbështet

Oh Zot,
Si hëna udhëtarin në errësirën e natës
Si luledielli – diellin
Hija e saj pandërprerë
Më përcjellë
Në çdo hap të jetës...

06. 10. 2007.